Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




प्रेरित 7:25 - Sunuwar Bible

25 मोसामी ‘परमप्रभुमी आं कली आं लोक्‍ब आन कली श्‍येत रे प्रोंइब सेल्‍ती’ आं लोक्‍बपुकीमी एको आंइ कली श्‍येत रे प्रोंइब बाक्‍माक्‍त, दे रुप्‍शा, आं कली ब्राइनीम, दे मिम्‍शो बाक्‍माक्‍त। आ लोक्‍बपुकीमी चहिं मेको काइ मरुप्‍शो बाक्‍मा बाक्‍त।

အခန်းကိုကြည့်ပါ။ ကော်ပီ




प्रेरित 7:25
20 ပူးပေါင်းရင်းမြစ်များ  

नामान अराम ङा पिप आ लडाइ पाइब आन ठेयब मुर बाक्‍माक्‍त। मेको आ होव़पम मेको कली शुश दाक्‍बाक्‍माक्‍त। मेको शुश हिक्‍सीशो मुर का बाक्‍माक्‍त। मारदे हना मेकोम पतीकेन परमप्रभु यावेम अराम कली ग्रापाइश्‍शो बाक्‍माक्‍त। मिनु मेको थम सक्ति पाइश्‍शो लडाइ पाइब मुर यो बाक्‍माक्‍त। तन्‍न मेको कोव़र पशो बाक्‍माक्‍त।


इजीप्‍त रागीम बाक्‍शो आंइ किकी पिपीम इन छक लाक्‍चा ङा गेय ममिम्‍शो बाक्‍तेक्‍म। मिनु इन शुश गेना हना यो दाक्‍तीके प्रेंशो बाक्‍तेक्‍म। मिनु लल समुन्‍द्रमी नेल्‍ल क्‍येङा ठेयब कली गाइश्‍शा लोव़ पशो बाक्‍तेक्‍म। प्रस्‍थान १४:११-१२


मिनु मोसामी एर ओंथ कोव़शा, सुइ मबाक्‍शो तशा, इजीप्‍त ङा तुप्‍ब मुर कली साइक्‍तु। मिनु बाल्‍वामी थिम्‍तु।


शेंसीबपुकीमी चहिं आ शेंशो मरुप्‍मे बाक्‍त। मिनु हिल्‍लो पचा यो हिंमा बाक्‍त। लूका १८:३-४


आ लोव़ नेंशा, मारेइ मरुप्‍मे बाक्‍त। मारदे हना ख्रुइश्‍शो लोव़ बाक्‍माक्‍त।


तन्‍न मेकोपुकीमी मेको लोव़ काइ मरुप्‍मे बाक्‍त। मारदे हना मेको आन कली मेको लोव़ रुप्‍चा कली थुं मगेशो बाक्‍माक्‍त। येसु कली “एको लोव़ मार में?” दे हिल्‍लो पचा यो हिंमा बाक्‍त। लूका २४:४५


मिनु जाक्‍शा थमा सुइक्‍ब आन कली खुप्‍शा, दोपा परमप्रभु यावेमी आं नु बाक्‍शा गेय पपाइश्‍शा आसीक गेवा, दोपा अर्को रागी ङा मुर आन कली थमा सुइक्‍पा, पाप रे ब्रोंइतीक लां कोंइशा, आ मुर सेला, मेको लोव़ नेल्‍ल तुइक्‍पदसे बाक्‍त। १कोरिन्‍थी १६:९


मिनु यरूसलेममी जाक्‍दीम्‍मानु, थमा सुइक्‍बपुकी, ख्रीस्‍त आ सोइश्‍शो, थमा सुइक्‍ब आन शेंब खाल्‍पा नेल्‍लेमी मान पा ब्रामे बाक्‍त। मिनु परमप्रभु यावेमी पपाइश्‍शो गेय दोपा पामे, मार दुम्‍मे, मेको लोव़ नेल्‍ल देंमा बाक्‍त।


मिनु शुश लोव़ पमुमानु, पत्रुस बोक्‍शा “आं लोक्‍बपुकी, नोफा दाइश्‍शा नेनीने, ख्रीस्‍त आ लोव़ ब्रचा गोवानु, परमप्रभु यावेमी अर्को रागी ङा मुर आन कली शेंशा, ग्‍येरपाइक्‍ब लोव़ थमा सुइक्‍पाइक्‍थ, आं कली योव़ती, दे तुइश्‍शो ननी। प्रेरित १०:४४; प्रेरित ११:१५


मिनु ग्रुम्‍शा सेउ पमुशा, पावलमी अर्को रागी ङा मुर आन कली ख्रीस्‍त आ पर्बम शेंना शेंन गाक्‍मेनु, परमप्रभु यावेमी दोपा ठेयब गेय पपाइश्‍शो बाक्‍मे, मेको लोव़ नेल्‍ल का का पा रुप्‍पाइक्‍तीमी।


मिनु काबु ग्रुम्‍थ लमेनु, इजीप्‍त ङा मुरुमी इस्राएली कली तुप्‍शो तशा, मोसामी इस्राएली कली प्रोंइशा, इजीप्‍ती कली तुप्‍शा सदा बाक्‍त।


मिनु आ दीसा मोसा लेंशा मेक जाक्‍दीम्‍मेनु, इस्राएली निक्‍शी आस कली जिशो तवा बाक्‍त। मिनु मेको आस कली ‘गे निक्‍शी, वोबु दुम्‍शा यो जिनीसी?’ देंमाक्‍त।


ख्रीस्‍तमी पपाइश्‍शो गेय आ पर्बम ला लोव़ पाइनुङ। गो आंमा गेय पा अर्को रागी ङा मुर टीब दुम्‍मल, दे मेको आन कली शेंतीक गेय यो पना पन बाक्‍ती। २कोरिन्‍थी ३:५; रोमी १:५


तन्‍न परमप्रभु यावेमी शिशी पा आ सोइश्‍शो नु आ लोव़ शेंब सेल्‍ती। आ शिशी पशो यो मो मबाक्‍ब। मिनु गो नेल्‍ल आन क्‍येङा शुश गेय पाता। मेको नेल्‍ल आं पशो ममाइ, तन्‍न परमप्रभु यावे आ पपाइश्‍शो बाक्‍ब। २कोरिन्‍थी ११:५,२३


गे परमप्रभु यावे आ रू नु आ खिं ननी। गोपुकी चहिं मेको रूमी गेय पाइब नु मेको खिं सेल्‍ब नकी। मत्ती १३:२-९; एफिसी २:२०


गो परमप्रभु यावे नु गेय पतीके इन कली “परमप्रभु यावे आ शिशी त‍शा, मप्रेंदीन” देंनीकी। २कोरिन्‍थी १:२४


मोपतीके गो बोल पा शुश गेय पाइनुङ। येसु ख्रीस्‍तमी आं कली मोदेंशो पा आ सक्तिमी गेय पपाइक्‍ब।


मिनु मेकोपुकीमी “गो दा इ कली फ्रेंशा पलिस्‍ती आन गुइमी गेचा कली जाक्‍तक” देंमा बाक्‍त। मिनु सिम्‍सोनमी “मो हना आं कली मसाइक्‍नीक, देंशा, कसम जने” देंमाक्‍त।


तन्‍न मुरपुकीम सावल कली “मार, योनाथन सांइसीबा? मेको योनाथनमी ओमो ठेयब गेय पा इस्राएल कली मग्रापदा? मोदेंशो मदुम्‍ल। गेना हना यो ब्रोंइशा बाक्‍ब परमप्रभु यावे आ नेंमी गो कसम जशा देंनीकी, मेको के चां का यो महेम्‍ल। मारदे हना मेकोम मुलाक्‍ती परमप्रभु नु गेय पशो बाक्‍ब” देंमा बाक्‍त। मोपा मुरपुकीम योनाथन कली प्रोन्‍मे बाक्‍त। मिनु मेको मसांइसे बाक्‍त।


मेकोमी पलिस्‍ती कली सदानु, आंमा चहिं बेक्‍नुङ देय ब्रोंइनुङ, दे मतुइश्‍शो बाक्‍त। मिनु परमप्रभु यावेम इस्राएल कली ठेयब सेल्‍शा ग्रापाइक्‍तु। गे मेको नेल्‍ल तशा शुश ग्‍येरशो बाक्‍तीनी। गे मारदे मेको दोस मताइब दाऊद कली मरिम्‍शो पचा माल्‍नीनी? बित्‍चीम मेको कली मारदे साइक्‍चा दाक्‍नीनी?” देंमाक्‍त। १सामुएल १७:५०


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ