प्रेरित 7:23 - Sunuwar Bible

²³ मिनु मोसा ४० बर्स दुम्‍मेनु, आ लोक्‍ब इस्राएली आन कली ग्रुम्‍चा थुं पवा बाक्‍त।

प्रेरित 7:23 ပူးပေါင်းရင်းမြစ်များ

२ इतिहास 30:12

परमप्रभु यावेमी यहूदा ङा मुर यो थुं का दुम्‍पदा बाक्‍त। मिनु मेकोपुकीमी पिप नु सरकार ङा ठेयब मुर आन कली देंशो, परमप्रभु यावे आ लोव़ खोदेंशो पा पामे बाक्‍त।

एज्रा 1:1

पारसी रागीमी पिप कोरेस आ ङोंइती ङा बर्समी परमप्रभु यावेमी येरमीया रे पा देंशो लोव़ खाप्‍चा कली पिप कोरेस आ थुं क्‍युक्‍गा बाक्‍त। मिनु मेको पिपमी आ राज्‍य नेल्‍लेमी मेको लोव़ नेंपाइक्‍चा कली ब्रेक्‍पदा बाक्‍त। यसैया ४५:१; यसैया ४४:२८

एज्रा 1:5

मिनु नोले यरूसलेम सहरमी परमप्रभु यावे आ खिं लेंशा सेल्‍चा कली परमप्रभुमी मुर आन थुं पोक्‍चा पुंइसीशो यहूदा नु बेन्‍यामीन आस खिं खिं ङा ठेयब मुरपुकी, चढ़ेबपुकी नु लेवी नेल्‍ल मेकेर लचा कली सास‍मा बाक्‍त।

एज्रा 7:27

मिनु एज्रामी “परमप्रभु यावे, आंइ किकी पिपी आन परमप्रभु, गे ठेयब बाक्‍नीनी। यरूसलेममी बाक्‍शो परमप्रभु यावे, इन खिं आ मान नु छेङछेङ बारपाइक्‍चा कली पिप आ थुंमी मोदेंशो रिम्‍शो पतीके कुर पाइतीनी।

प्रस्‍थान 35:21

सु सु आन थुंमी “गो चाक्‍नुङ” देंमा, मेकोपुकीमी ग्रुम्‍तीक ताम्‍बु सेल्‍चा कली नु मेकेर ङा गेय पचा कली मार मार थोव़क नु फेक्‍तीक वा कली मार मार माल्‍दा, मेको परमप्रभु यावे कली गेचा, दे चाक्‍तेक्‍म। १इतिहास २९:५-९; २कोरिन्‍थी ९:७

प्रस्‍थान 35:29

मोपा इस्राएली नेल्‍लेमी ग्‍येरशा, परमप्रभु यावे कली गेचा कली मारेइ मारेइ चाक्‍तेक्‍म। मीश मुर नु वोंइश मुरुमी मार मार माल्‍बा मेको नेल्‍ल चाक्‍तेक्‍म। परमप्रभु यावेमी मोसा कली अरेशो खोदेंशो पा ताम्‍बु सेल्‍तीक गेय पचा कली मार मार चाक्‍तेक्‍म।

प्रस्‍थान 4:18

मिनु मोसा आ शिउ, यित्रो आ खिं लशा, मेको कली “इजीप्‍त रागीम बाक्‍शो आं लोक्‍ब आन कली ग्रुम्‍थ लचा गेयीनी। बेक्‍मा कों, ब्रोंइमा, गो तुइक्‍चा दाक्‍ती” दे पुंइतु। मिनु यित्रोमी “इ थुं नाइश्‍शा, लावो” देंत। प्रस्‍थान ३:१

प्रस्‍थान 7:7

मोपा फाराओ नु लोव़ पची ना, मोसा ८० बर्स दुम्‍शो बाक्‍त। हारून ८३ बर्स दुम्‍शो बाक्‍त।

हितोपदेस 21:1

पिप आ थुं परमप्रभु यावे आ गुइमी खोला ङा ब्‍वाक्‍कु खोदेंशो बाक्‍ब। दोथ गे लाइक्‍चा दाक्‍ता, मोथ गे लाइक्‍ब। भजन संग्रह ३३:१५

प्रेरित 15:36

मिनु काबु पावलमी बारनाबास कली “ङोंइती ते ते प्रभु आ लोव़ शेंथ हिरससा, मेक मेक ङा थमा सुइक्‍बपुकी दो पामे, मार पामे, कोव़थ लस” देंमाक्‍त।

प्रेरित 7:24

मिनु काबु ग्रुम्‍थ लमेनु, इजीप्‍त ङा मुरुमी इस्राएली कली तुप्‍शो तशा, मोसामी इस्राएली कली प्रोंइशा, इजीप्‍ती कली तुप्‍शा सदा बाक्‍त।

२ कोरिन्‍थी 8:16

गो परमप्रभु यावे कली “गे रिम्‍शो पाइब बाक्‍नीनी” दे ठेयब सेल्‍नुङ। मारदे हना तीतसमी कोरिन्‍थी इन कली शुश मिम्‍ताक्‍व।

याकूब 1:17

हाइश्‍शो नु रिम्‍शो ठीक मिम्‍तीके थुं नेल्‍ल परमप्रभु यावे रे जाक्‍ब। मिनु परमप्रभु यावे छेङछेङ कली सेल्‍ब बाक्‍ब। मोपतीके परमप्रभु यावे छेङछेङमी बाक्‍ब। छिङछिङ ङा गेय काइ मपाइब। आ थुं यो मफांइसीब। मत्ती ७:११; १यूहन्‍ना १:५

प्रकाश 17:17

मारदे मोदेंशो पाइनीम देंशा हना, परमप्रभु यावेमी आ देंशो थमा दुम्‍पाइक्‍चा कली मेको आन थुं का दुम्‍पाइक्‍तीमी। मिनु मोपा मेको १० जना पिपमी राज्‍य नु सक्ति ठेयब जन्‍तु कली गेनीम। परमप्रभु यावे आ लोव़ खाप्‍चा कली मोदेंशो दुम्‍ब।