प्रेरित 6:9 - Sunuwar Bible

⁹ मिनु लिबेरती माइश्‍शो ग्रुम्‍तीक खिं नु साइरेनी, अलेकजेन्‍द्रीया, सिलीसीया नु एसीया रे जाक्‍शो शेंबपुकीमी स्‍तीफानस नु जिशो बाक्‍तेक्‍म।

प्रेरित 6:9 ပူးပေါင်းရင်းမြစ်များ

मत्ती 10:17

होस पा गाक्‍कीन। मारदे हना मेको फरपुकीमी इन कली सभा कछ‍डीम वोइक्‍नीम। ग्रुम्‍तीक खिंमी लाइश्‍शा युक्‍नीम। प्रेरित ५:४०; २कोरिन्‍थी ११:२४

मत्ती 23:34

मोपतीके गो इन बाक्‍तीके परमप्रभु यावे आ लोव़ पाइब, जोक्‍ब तुइक्‍ब मुर नु परमप्रभु यावे आ लोव़ शेंब सोइक्‍नुङमी। का निक्‍शी आन कली साइक्‍नीनी, का निक्‍शी आन कली शीमी क्‍याइश्‍शा साइक्‍नीनी, का निक्‍शी आन कली ग्रुम्‍तीक खिंमी लाइश्‍शा, कोर्रामी युक्‍नीनी, मिनु तेइ बाक्‍चा मगेथु, खेदा पा खेरनीनी।

मत्ती 27:32

मिनु लना लन पामेनु, साइरेनी ङा सिमोन नें पाइश्‍शो मुर का ग्रुम्‍मे बाक्‍त। मिनु मेको कली येसु कली क्‍याइक्‍तीक शी “लो, कुर कि कुर” दे कुरपदमे बाक्‍त।

मर्कूस 13:9

आंम इन कली मिम्‍शा होस पा बाक्‍कीन। कछडी वोइक्‍चा पुंइसीनीनी। ग्रुम्‍तीक खिंमी तुप्‍चा पुंइसीनीनी। आं नें आ पर्बम हुकुम पाइब नु पिप आन ङोंइती राप्‍पाइक्‍चा पुंइसीशा, सांकछी दुम्‍चा माल्‍नीनी।

लूका 21:12

मो दुम्‍चा क्‍येङा ङोंइती थमा सुइक्‍ब इन कली खेदा पा ग्‍याइक्‍नीमी। मिनु ग्‍याइश्‍शा, आन ग्रुम्‍तीक खिंम लाइश्‍शा दोस गेशा, जेल्‍खानमी चोक्‍नीम। आं नें आ पर्बम ठेयब मुर नु पिप आन ङोंइती चाक्‍दीश्‍शा, राप्‍पाइक्‍चा पुंइसीनीनी। मत्ती १०:१८-२२,३०

प्रेरित 11:20

साइप्रस नु साइरेनी रे एन्‍टीओक सहर जाक्‍दीश्‍शो थमा सुइक्‍ब का निक्‍शीमी चहिं अरु ग्रीस रागी ङा मुर आन कली यो प्रभु येसु आ पर्बम शेंदमे बाक्‍त।

प्रेरित 13:1

एन्‍टीओक सहर ङा थमा सुइक्‍ब आन दातेमी परमप्रभु यावे आ लोव़ पाइ‍ब नु शेंब का निक्‍शी यो बाक्‍मा बाक्‍त। मोदेंशो मुर सु सु बाक्‍मा बाक्‍त देंशा हना, बारनाबास, क्‍येर माइश्‍शो सिमियोन, साइरेनी ङा लुसीयस, पिप हेरोद आ गेय पाइब मानाएन नु सावल बाक्‍मा बाक्‍त। प्रेरित ११:२७; १कोरिन्‍थी १२:२८

प्रेरित 13:45

मोपा शुश मुर देल्‍शो तशा, यहूदी आन थुं चोव़मे बाक्‍त। मिनु पावलमी लोव़ शेंदानु, मेकोपुकीमी आ लोव़ ख्रोइश्‍शा, जिचा पोक्‍ग्‍मे बाक्‍त।

प्रेरित 15:23

मेको चिठीम चहिं “एन्‍टीओक, सिरीया नु सिलीसीया ङा अर्को रागी ङा येसु ख्रीस्‍त कली थमा सुइक्‍ब आंइ लोक्‍बपुकी, गो यरूसलेम सहरम बाक्‍ब ख्रीस्‍त आ सोइश्‍शो, आंइ ग्रुम्‍तीक ङा शेंब खाल्‍पा नु थमा सुइक्‍ब लोक्‍ब नेल्‍लेमी इन कली ‘रिम्‍शो बाक्‍कीन’ देंशा ब्रेक्‍शा सोइक्‍ताक्‍क।

प्रेरित 15:41

मिनु मेकेर रे लशा, सिरीया नु सिलीसीया रागीमी जाक्‍दीश्‍शा, थमा सुइक्‍ब आन थुं बारपदसे बाक्‍त।

प्रेरित 16:6

मिनु परमप्रभु यावे आ सोक्‍तीमी पावल नु आ वारच आस कली एसीयामी शेंचा मगेतीके फ्रिगीया नु गलातीया रागी लमा बाक्‍त। प्रेरित १८:२३

प्रेरित 18:24

मिनु एफिसस सहरमी मार दुम्‍माक्‍त देंशा हना, अलेकजेन्‍द्रीया रागीमी जरमेशो आपोल्‍लोस माइश्‍शो यहूदी मुर का जाक्‍माक्‍त। मेको शुश पढेशा, परमप्रभु यावे आ लोव़ रुप्‍शा, अरु आन कली यो रुप्‍पाइक्‍ने चाप्‍ब बाक्‍माक्‍त। १कोरिन्थी ३:५-६

प्रेरित 19:10

मिनु बर्स निक्‍शी सम्‍म मोपा शेंना शेंन बाक्‍माक्‍त। मोपतीके एसीया ङा यहूदी नु ग्रीक नेल्‍लेमी परमप्रभु यावे आ लोव़ नेंचा तामे बाक्‍त।

प्रेरित 19:26

मुल चहिं एको पावल नें पाइश्‍शो मुरुमी एसीया नेल्‍ल हिरने थुम्‍शा, इं एफिससमी जाक्‍शा, मुर नेल्‍ल आन कली ‘मुर आन गुइ रे सेल्‍शो मूर्ति देवी ममाइ’ देंशा शुश मुर आन थुंमी मूर्ति पूजा पचा प्रोंइपाइक्‍तीमी। मेको इं मिक्‍चीम ताइतय।

प्रेरित 21:27

मेको चोव़खेतीक ७ नाक्‍त दुम्‍चा चिक्‍तानु, यहूदीपुकी एसीया रे जाक्‍शा पावल कली ग्‍याइक्‍तमे बाक्‍त। मेकोपुकीमी पावल कली परमप्रभु यावे आ खिंमी बाक्‍शो तशो बाक्‍मा बाक्‍त।

प्रेरित 21:39

मिनु पावलमी “गो इजीप्‍ती मनङ। सिलीसीया ङा टारसस सहरमी जरमेशो यहूदी का नङ। टारसस सहर तेइ तेइ नेल्‍लेमी आं नें तुइक्‍नीमी। गे यो तुइक्‍नीनी माइ। मेको मुर आन कली लोव़ का निक्‍शी पचा गेयीनी” देंमाक्‍त।

प्रेरित 22:19

मिनु गो ‘प्रभु, गो थमा सुइक्‍ब आन कली जेल्‍खानमी चोक्‍पाइक्‍तामी। ग्रुम्‍तीक खिं खिं हिरशा, थमा सुइक्‍ब आन कली माल्‍शा तुप्‍पाइक्‍तामी, दे तुइक्‍नीमी।

प्रेरित 22:3

मिनु मेकोमी “गो सिलीसीया ङा टारसस सहरमी जरमेशो यहूदी नङ। आल रे इं यरूसलेममी बाक्‍शो नङ। आं कली शेंब गमालीएल बाक्‍ब। मेको ठेयब शेंबमी आं कली इं किकी पिपी आन अरेशो लोव़ नेल्‍ल शेंताक्‍यी। मिनु गो मेको नेल्‍ल पना पन बाक्‍ती। इन पशो खोदेंशो पा गो यो थुं का पा परमप्रभु यावे कली मान पा बोल पाता। प्रेरित ९:१-२९; प्रेरित २६:९-२०; प्रेरित ५:५४

प्रेरित 23:34

मिनु मेकोमी चिठी पढेशा, पावल कली “इ खिं ते में? तेको रागी ङा नवे?” दे हिल्‍लो पवानु “सिलीसीया रागी ङा नङ, हजुर” देंमाक्‍त। प्रेरित २२:३

प्रेरित 24:18

गो चोव़खो दुम्‍शा, परमप्रभु कली मार मार चढ़ेङानु, मेकोपुकीमी परमप्रभु यावे आ खिंमी ततीमी। मेना गो आं का ला बाक्‍शो नङ। मुर आन कली पोक्‍शा, मरिम्‍शो यो मपङ। मोदेंशो एकोपुकीमी यो मतशो बाक्‍नीम। प्रेरित २१:२७

प्रेरित 26:11

थमा सुइक्‍ब आन कली आंइ ग्रुम्‍तीक खिं खिंमी कीशा चाक्‍शा तुप्‍शा, येसु आ नें मरिम्‍शो सेल्‍पाइश्‍शा, मुल ङा मेरे मेको लां मखोइक्‍नीकी देंपाइक्‍तामी। नेल्‍ल आन कली साइक्‍पाइक्‍नुङमी, दे जोंब बोक्‍शा गाक्‍ती। यरूसलेममी ला ममाइ, ङोन ङोन रागी लशा, खेदा पा श्‍येत गेतामी।

प्रेरित 6:10

तन्‍न स्‍तीफानस परमप्रभु यावे आ सोक्‍तीम ब्रीशा जोक्‍शो तुइश्‍शो ब्‍वाक्‍मेनु, सुइमी ग्राने मचाप्‍मे बाक्‍त। लूका २१:१५

१ कोरिन्‍थी 1:20

जोक्‍ब तुइक्‍ब सु सु नमी? पढेस जोक्‍ब सु सु नमी? सिनाक्‍त मुलाक्‍त शुश लोव़ पा ग्राब सु नमी? लो, मिम्‍तीने। एको रागी ङा जोक्‍ब तुइक्‍ब लोव़ कली परमप्रभु यावेमी फश लोव़ मसेला ङा? मत्ती ११:२५; रोमी १:२२

गलाती 1:21

नोले यरूसलेम रे गाक्‍शा, सिरीया नु सिलीसीया रागी हिरथ लती। प्रेरित ९:३०