प्रेरित 6:7 - Sunuwar Bible

⁷ मिनु परमप्रभु यावे आ लोव़ तेइ तेइ बारना बारन ल‍माक्‍त। यरूसलेममी शुश मुर येसु ख्रीस्‍त कली थमा सुइक्‍ब दुम्‍शा, तेम्‍सीन सीन बारना बारन लमा बाक्‍त। चढ़ेब शुश यो थमा सुइक्‍ब दुम्‍मा बाक्‍त। प्रेरित २:४७; प्रेरित १९:२०

प्रेरित 6:7 ပူးပေါင်းရင်းမြစ်များ

२ इतिहास 29:34

तन्‍न चढ़ेबपुकी इच्‍का ला बाक्‍तीके मेको चोशा चढ़ेशो नेल्‍ल आन कुशुल उक्‍ने मचाप्‍‍मे बाक्‍त। मोपतीके मेको आन लोक्‍ब लेवीपुकीम मेको गेय नेल्‍ल मनुम्म सम्‍म नु अरु चढ़ेबपुकीम आंम कली परमप्रभु यावे आ ङोंइती ठीक मसेल्‍मे सम्‍म वारच पामे बाक्‍त। मारदे हना आंम कली परमप्रभु यावे आ ङोंइती ठीक सेल्‍चामी चढ़ेब आन क्‍येङा लेवीपुकी थम होस पाइक्‍बाक्‍मा बाक्‍त। २इतिहास ३:३,१६,१७

२ इतिहास 30:24

यहूदा ङा पिप हिज्‍कीयाहम मेको खुम्‍सीशो मुर आन कली हजार का ब्‍यफ नु ७ हजार भेडा चढ़ेचा कली गेमी बाक्‍त। मिनु सरकार ङा ठेयब मुरपुकीम मेको खुम्‍सीशो मुर आन कली हजार का ब्‍यफ नु १० हजार भेडा गेमी बाक्‍त। शुश चढ़ेबपुकीम यो आंम कली परमप्रभु यावे आ ङोंइती ठीक सेल्‍सीमा बाक्‍त।

भजन संग्रह 132:16

गो मेकेर ङा चढ़ेब आन कली मरिम्‍शो पतीके रे ब्रोंइतीक दोदेंशो बाक्‍बा तुइक्‍पाइक्‍नुङमी। मेकेर ङा थमा सुइक्‍बपुकी कुम्‍सो पा ग्‍येरसीनीम।

भजन संग्रह 132:9

इन कली चढ़ेबपुकीमी ठीक पतीके वा फेक्‍शो खोदेंशो पा फेक्‍समल। मिनु इन मुरपुकी ठेयब सेंदा पा ग्‍येरसमल।

मत्ती 19:30

ङोंइती दुम्‍शोपुकी नोले दुम्‍नीम। नोले दुम्‍शोपुकी ङोंइती दुम्‍नीम।

लूका 2:34

मिनु सिमियोनम मेको आस कली आसीक गेशा, मरीयम कली “एको आल इस्राएली आन दातेमी लां कोंइशा मुर आन कली फ्राब। का निक्‍शी खतम दुम्‍नीम, का निक्‍शी रिम्‍शो दुम्‍नीम। मिनु शुश मुरुमी एको कली मदाक्‍नीम। लूका २०:१७-१८; प्रेरित २८:२२; १कोरिन्‍थी १:२३

यूहन्‍ना 12:42

ठेयब मुर शुशेमी येसु कली थमा सुइक्‍तेक्‍म। मेकोपुकीमी “फरिसीपुकीमी आंइ कली यहूदी आन ग्रुम्‍तीक खिं रे तिल्‍नीम” दे हिंशा, अरु आन कली “गो थमा सुइक्‍ब दुम्‍तक” दे मदेंम। यूहन्‍ना ९:२२

प्रेरित 12:24

परमप्रभु यावे आ लोव़ तेइ तेइ ब्रशा, शुश मुर थमा सुइक्‍ब दुम्‍मा बाक्‍त। प्रेरित ६:७

प्रेरित 13:8

मेको चटक कोंइब बार-येसु कली ग्रीक लोव़मी एलुमास यो देंबाक्‍मा बाक्‍त। मिनु मेकोमी हुकुम पाइब कली बारनाबास नु सावल आस शेंशो लोव़ थमा सुइक्‍चशो तशा “मेको आस शेंशो थमा मसुतीन” दे हुकुम पाइब आ थुं हिरपाइक्‍चा मला बाक्‍त।

प्रेरित 14:22

मेको सांफा सहर ङा थमा सुइक्‍ब आन कली “मार दुम्‍त हना यो, थमा सुइक्‍चा मप्रोनीन। इन खोइल थेक्‍शा बाक्‍कीने। ख्रीस्‍त आ नेंमी शुश श्‍येत जचा पुंइसीशा ला परमप्रभु यावे आ राज्‍य ओव़चा ताइनय, दे रुपीने” दे आन थुं बारपदसे बाक्‍त। रोमी ५:३-५; १थिस्‍सलोनिकी ३:३

प्रेरित 19:20

मिनु परमप्रभु यावे आ लोव़ तेइ तेइ ब्रशा सक्ति पाइश्‍शो दुम्‍शा बारना बारन लमाक्‍त। प्रेरित १२:२४

प्रेरित 2:47

परमप्रभु यावे कली ठेयब सेल्‍ना सेल्‍न बाक्‍बाक्‍मा बाक्‍त। मुरपुकीमी मेको आन कली मोदेंशो पशो तशा, रिम्‍शो मिम्‍बाक्‍मा बाक्‍त। प्रभुमी नाक्‍त किंत किंत येसु कली थमा सुइक्‍ब तेम्‍ना तेम्‍न बारपाइक्‍मी बाक्‍त। प्रेरित ४:४; प्रेरित ५:१४; प्रेरित ६:७; प्रेरित ११:२१; प्रेरित १४:१

प्रेरित 21:20

आ लोव़ नेंशा, परमप्रभु यावे कली ठेयब सेल्‍तेक्‍म। मिनु मेकोपुकीमी पावल कली “आंइ लोक्‍ब, इ देंशो नेल्‍ल रिम्‍शो बाक्‍ब। तन्‍न गो इ कली लोव़ का निक्‍शी देंनीकी। इं यहूदीपुकी हजार हजार जना ख्रीस्‍त कली थमा सुइक्‍ब दुम्‍तेक्‍म, दे तुइक्‍नेवे। मेकोपुकीमी थमा सुइश्‍शा यो इं यहूदी अरेशो लोव़ काइ मप्रोंइथु पचा माल्‍ब देंनीमी। प्रेरित १५:१

प्रेरित 6:1

मेना थमा सुइक्‍बपुकी शुश बारना बारन लमा बाक्‍त। ग्रीक लोव़ नु हिब्रू लोव़ पाइबपुकीमी गन गन पाम्‍तेक्‍म। मारदे हना नाक्‍त किंत किंत योक्‍तीक जचा थोव़क मेको आन वोंइश बेक्‍शो मीश मुरपुकीमी ठीक पा मताइबाक्‍तेक्‍म। ग्रीक लोव़ नु हिब्रू लोव़ पाइबपुकी यहूदी बाक्‍तेक्‍म। प्रेरित ४:३८

रोमी 1:5

मिनु येसु ख्रीस्‍तमी नेल्‍ल अर्को रागी ङा मुर आन कली आ लोव़ तुइक्‍पाइक्‍चा कली शिशी पा योव़ती। मुरपुकीमी येसु ख्रीस्‍त आ लोव़ टीमेक्‍ल देंशा, शेंथ सोइक्‍ताक्‍यी। रोमी १५:१८; प्रेरित २६:१६-१८; गलाती २,७,९

रोमी 16:26

परमप्रभु यावे आ लोव़ पाइबपुकीम मेको ख्रुइश्‍शो लोव़ ब्रेक्‍शो बाक्‍तेक्‍म। मेको गेना हना यो बाक्‍ब परमप्रभु यावे आ दाक्शो बाक्‍ब। मेको लोव़ रागी रागी ङा मुर आन कली तुइक्‍पाइश्‍शा थमा सुइक्‍ब सेल्‍चा कली बाक्‍त।

गलाती 1:23

मेकोपुकीमी आं पर्बमी “साइ इं कली खेदा पा एको लोव़ साम्‍चा देंबमी मुल एको लोव़न शेंना शेंन ब्रपाइक्‍बाक्‍त” दे नेंशो बाक्‍तेक्‍म ने।

गलाती 6:10

सुइ कली रिम्‍शो पचा ताइतय हना, रिम्‍शो पय। नेल्‍ल क्‍येङा ङोंइती थमा सुइक्‍ब लोक्‍ब आन कली वारच पय। २पत्रुस १:७

कलस्‍सी 1:6

इन सहर नु नेल्‍ल अरु सहर ङा मुरपुकीमी यो मेको ग्‍येरपाइक्‍ब लोव़ नेंतेक्‍म। इन दातेमी दोदेंशो पा बारशा लमे, मोदेंशो पा रागी नेल्‍लेमी बारना बारन लत। गेपुकीमी मेको लोव़ नेंशा, परमप्रभु यावे आ शिशी थमा पा रुप्‍‍नी नाक्‍त रेन मेको लोव़ बारना बारन लत।

२ थिस्‍सलोनिकी 1:8

मेको नु हुरुर पा ब्रशो मी सरीङ रे यीब। प्रभुमी परमप्रभु यावे कली मतुइक्‍ब नु आ ग्‍येरपाइक्‍ब लोव़ मटीब आन कली क्‍येक्‍क लेप्‍ब। रोमी २:८

२ तिमोथी 2:9

मेको ग्‍येरपाइक्‍ब लोव़ शेंतीके, गो मरिम्‍शो पाइब खोदेंशो पा साङलोम पाइक्‍चा पुंइसीशा श्‍येत जाइनुङ। तन्‍न परमप्रभु यावे आ लोव़ दा मपांइसीशो बाक्‍ब। फिलिप्‍पी १:१२-१४

हिब्रू 11:8

अब्राहाममी यो परमप्रभु यावे आ लोव़ थमा सुइक्‍बाक्‍माक्‍त। यावेमी “इ कली नोले गेनुङ देंशो रागी कोंइनन। मोपतीके एकेर रे लावो” देंमेनु, अब्राहाममी परमप्रभु यावे आ देंशो टिशा, ते लचा मतुइक्‍थु, यो मलेत्‍चा ङा पा मेको रागी प्रोंइशा गाक्‍माक्‍त। उत्‍पत्ती १२:- २१:-

हिब्रू 5:9

मेको पाको दुम नोले आ कली टीब आन कली गेना हना यो श्‍येत रे प्रोंइशा बाक्‍चा गेब दुम्‍माक्‍त।

यहूदा 1:20

आं दाक्‍शो लोक्‍बपुकी, इन रिम्‍शो थमा सुइक्‍तीके बारपतीन। परमप्रभु यावे आ सोक्‍तीमी प्रार्थना पने। कलस्‍सी २:७; १थिस्‍सलोनिकी ५:११

यहूदा 1:3

आं दाक्‍शो लोक्‍बपुकी, गो इन कली इं पाप रे प्रोंइतीक आ पर्बम ब्रेक्‍चा दाक्‍ती। थमा सुइक्‍तीके आ पर्बम दोपा गेय पचा, दे इन कली शेंचा दाक्‍ताक्‍ङ। मेको थमा सुइक्‍तीक पाप रे ङोन बाक्‍ब आन कली ङोंइती रे शेंने थुम्‍शो बाक्‍त। १तिमोथी १:१८