प्रेरित 6:11 - Sunuwar Bible

¹¹ मोपा ग्राने मचाप्‍तीके सुइ आन मतुइक्‍थु, मुर आन कली पोक्‍शा “मेकोमी इं किकी पिपी मोसा नु परमप्रभु यावे आ पर्बम हेंथे नु ग्रांग्रा दिशो लोव़ पशो नेंतक” दे जोल पा लोव़ ब्रपदमे बाक्‍त। मत्ती २६:६०-६६

प्रेरित 6:11 ပူးပေါင်းရင်းမြစ်များ

प्रस्‍थान 23:1

“गेपुकी जोल लोव़ मब्रपतीने। मरिम्‍शो पाइब कली वारच मपने। जोल पा सांकछी मबाक्‍कीन। प्रस्‍थान २०:१६; लेवी १९:१६; भजन संग्रह १५:३; हितोपदेस १९:९

येरमीया 26:11

मिनु चढ़ेबपुकी नु परमप्रभु यावे आ लोव़ पाइबपुकीम, सरकार आ गेय पाइब मुरपुकी नु मुर नेल्‍ल आन कली “एको मुर कली साइक्‍चान माल्‍ब। मारदे हना एकोमी एको सहर आ पर्बम मरिम्‍शो पा परमप्रभु यावे आ लोव़ पाप्‍तु। मेको गेपुकीम आंमा यो नेंतीनी” देंतेक्‍म। प्रेरित ६:१३

येरमीया 37:13

मिनु मेको बेन्‍यामीन लाप्‍चोमी जाक्‍दीम्‍मेनु, हनान्‍याह आ चच शेलेम्‍याह आ तौ खाल पाइब आन ठेयब मुर इरीयाहम येरमीया कली ग्‍याइश्‍शा “गे प्रोक्‍शा कल्‍दी आन बाक्‍तीकेम लशो बाक्‍नेवे” देंत।

लेवी 24:16

परमप्रभु यावे आ नें आ पर्बम मरिम्‍शो लोव़ पाइब साइक्‍चा पुंइसीब। इस्राएल ङा मुर बाक्‍त हना यो, अर्को रागी ङा मुर बाक्‍त हना यो, सुम परमप्रभु यावे आ नें आ पर्बम मरिम्‍शो लोव़ पाइबा, मेको साइक्‍चा पुंइसीब। प्रस्‍थान २०:७; मत्ती २६:६५-६६

यूहन्‍ना 1:17

मोसामी परमप्रभु यावे आ अरेशो लोव़ गेप्‍तु। तन्‍न शिशी पाइब नु परमप्रभु यावे आ थमा लां कोंइब येसु ख्रीस्‍त रे बाक्‍ब। रोमी १०:४

यूहन्‍ना 16:3

मोदेंशो पाइनीम। मारदे हना आं आफ नु आं कली मतुइक्‍नीम। यूहन्‍ना १५:२३

यूहन्‍ना 9:29

परमप्रभु यावेमी मोसा कली लोव़ पशो बाक्‍त, दे तुइक्‍नीकी। तन्‍न मेको मुर ते रे जाक्‍मे, दे गो मतुइक्‍नीकी” दे हुइक्‍ताक्‍म।

प्रेरित 15:21

परमप्रभुमी मोसा कली ब्रेक्‍पाइश्‍शो लोव़ चहिं तुइक्‍नीम। मारदे हना साइ रे नाइक्‍तीक नाक्‍त इं ग्रुम्‍तीक खिंमी नेंशा तुइक्‍नीम” दे माइक्‍मी बाक्‍त। प्रेरित १३:१५

प्रेरित 18:6

मिनु यहूदीपुकीमी आ शेंशो थमा मसुइक्‍थु शुक्‍शी पामेनु, पावलमी आ फेक्‍शो वा ङा फुरकु थुर थुर पा मेको आन कली “गे बेक्‍शा जाम्‍शा लाइतीनी हना, आं कली मारेइ देंचा मताइनीनी। मुल ङा मेरे यहूदी इन कली शेंचा प्रोंइशा, अर्को रागी ङा मुर आन कली शेंथ गाक्‍नुङ” दे मेको आन कली प्रोंइशा गाक्‍माक्‍त। प्रेरित १३:५१; नेहेम्‍याह ५:१५; प्रेरित २०:२६

प्रेरित 21:28

मिनु पावल कली ग्‍याइश्‍शा, मेकेर बाक्‍ब मुर आन कली “इं इस्राएली, नेल्‍ल कोव़थ पिन, है। गो आंइ ग्‍याइश्‍शो मुर तेइ तेइ हिरशा, नेल्‍ल मुर आन कली इं यहूदी आ पर्बम मरिम्‍शो लोव़ पशो बाक्‍त। इं अरेशो मपचा, दे दूली शेंबाक्‍त। परमप्रभु यावे आ खिं आ पर्बम शुक्‍शी लोव़ पाइक्‍बाक्‍त। मोशो ला ममाइ, अर्को रागी ङा ग्रीक आन कली परमप्रभु यावे आ खिंमी लाइश्‍शा ओंइशा, ग्रांग्रा दिशो सेल्‍‍शो आंइ मिक्‍चीमी ताइतक” दे शुश रेयके पा दोस गेमे बाक्‍त। प्रेरित ६:१३; इजीकीएल ४४:७

प्रेरित 25:3

मार देंमा बाक्‍त देंशा हना “पावल कली यरूसलेम लेश्‍शा सोइश्‍शा, आ मुददा कोव़चा माल्‍ताक्‍व” दे शुश लोव़ पा पुन्‍मे बाक्‍त। मारदे हना, लांमी बाप्‍शा, साइक्‍चा, दे लोव़ पशो बाक्‍मा बाक्‍त। प्रेरित २३:१५

प्रेरित 25:7

मिनु आ ङोंइती राप्‍पदानु, यरूसलेम रे जाक्‍शो यहूदीपुकीमी शुश दोस गेमे बाक्‍त। तन्‍न लोव़ का यो थमा बाक्‍ब, दे कोंइने मचाप्‍मे बाक्‍त।

प्रेरित 26:11

थमा सुइक्‍ब आन कली आंइ ग्रुम्‍तीक खिं खिंमी कीशा चाक्‍शा तुप्‍शा, येसु आ नें मरिम्‍शो सेल्‍पाइश्‍शा, मुल ङा मेरे मेको लां मखोइक्‍नीकी देंपाइक्‍तामी। नेल्‍ल आन कली साइक्‍पाइक्‍नुङमी, दे जोंब बोक्‍शा गाक्‍ती। यरूसलेममी ला ममाइ, ङोन ङोन रागी लशा, खेदा पा श्‍येत गेतामी।

प्रेरित 6:10

तन्‍न स्‍तीफानस परमप्रभु यावे आ सोक्‍तीम ब्रीशा जोक्‍शो तुइश्‍शो ब्‍वाक्‍मेनु, सुइमी ग्राने मचाप्‍मे बाक्‍त। लूका २१:१५

प्रेरित 6:12

मोदेंशो जोल लोव़ पाइब मुर, यहूदी आन जोक्‍ब तुइक्‍ब खाल्‍पा नु सास्‍त्री आन कली पोक्‍गमे बाक्‍त। मेको लोव़ पा ब्रुइबपुकीमी स्‍तीफसनस कली ग्‍याइश्‍शा, कछरीम राप्‍पदमे बाक्‍त।

प्रेरित 6:13

मिनु जोल पा सांकछी वोइश्‍शा, मेको आन कली “एको मुरुमी परमप्रभु यावे आ खिं नु परमप्रभु यावे आ अरेशो लोव़ आ पर्बम शुक्‍शी पा हेंथे लोव़ पाइब। येरमीया २६:९,११

रोमी 3:8

मुरपुकीमी आं लोव़ नेंशा “पापमी परमप्रभु यावे कली ठेयब सेल्‍ब, दे शेंब” दे आं देंशो लोव़ कली दूली सेल्‍तेक्‍म। गो दूली मशेंदुमी। मारदे हना पाप पशोमी परमप्रभु यावे कली ठेयब मसेल्‍ब। मोदेंब आन कली परमप्रभु यावेमी सजाइ गेप्‍तु हना, ठीक दुम्‍ब। रोमी ६:३

१ तिमोथी 1:13

ङोंइती गो मेको कली शुक्‍शी पाइब, श्‍येत गेब नु शुश मरिम्‍शो पाइब बाक्‍ती। तन्‍न मतुइक्‍ब नु थमा मसुइक्‍ब बाक्‍तीके परमप्रभु यावे आ शिशी ताता।