प्रेरित 5:39 - Sunuwar Bible

³⁹ परमप्रभु यावे आ पशो बाक्‍त हना चहिं, गेपुकीमी तेक्‍शा यो मतेक्‍सीब। मेको ला ममाइ। गेपुकी परमप्रभु यावे कली मरिम्‍शो पाइब दुम्‍नीनी” दे माइक्‍मी बाक्‍त।

प्रेरित 5:39 ပူးပေါင်းရင်းမြစ်များ

उत्पत्ती 24:50

मिनु लाबान नु बेथुएलमी “मेको नेल्‍ल परमप्रभु यावे आ पशो बाक्‍ब। मार पाइनस्‍कु मार देंनस्‍कु ङा।

२ सामुएल 5:2

ङोंइती सावल आंइ पिप बाक्‍मेनु, गे लडाइ पाइब आन कली लाइक्‍तीक नु चाक्‍तीक पशो ननी। परमप्रभु यावेमी इन कली ‘गे आं मुर इस्राएली आन गोठला दुम्‍चा माल्‍नेवे। गे इस्राएली आन पिप दुम्‍नेवे’ देंशो बाक्‍ब” देंमा बाक्‍त। १सामुएल १८:१३,१६; १सामुएल १३:१४; १सामुएल २५:३०

१ राजा 12:24

परमप्रभु यावेमी ‘गेपुकी आंम लोक्‍ब इस्राएली नु लडाइ पचा कली इर मलने। गे नेल्‍ल इन खिं खिं लेश्‍शा लने। मारदे हना एको आं मिम्‍शा पशो बाक्‍ब’ देंनो” देंमाक्‍त। मोपतीके मेकोपुकी परमप्रभु यावे आ देंशो खोदेंशो पा लडाइ पथ मलथु, आन खिं खिं लेश्‍शा लमा बाक्‍त।

२ राजा 19:22

गे सु कली शाक्‍शा शुक्‍शी पवी? गे सुका आ पर्बम ठेयब लेश्‍शा लोव़ पवी? मेको इस्राएली आन का ला बाक्‍शो परमप्रभु यावे आ पर्बम बाक्‍ब।

अय्‍युब 34:29

तन्‍न मेको सिक्‍सी पा बाक्‍‍त हना, सुम मेको कली दोस गेने चाप्‍बा ङा? मेकोम आ कुल ख्रुइक्‍ताक्‍व हना, सुम मेको कली तने चाप्‍बा ङा? रागी ङा मुर नेल्‍ल कली नु मुर का कली मेको कान बाक्‍ब।

हितोपदेस 21:30

मुर आन तुइक्‍तीक, रुप्‍तीके अर्ती गेतीके परमप्रभु यावे आ ङोंइती थम आइक्‍च बाक्‍ब। भजन संग्रह ३३:१०-११

यसैया 43:13

गो परमप्रभु नङ। नोले सम्‍म गो मेको नङ। सुइमी आं गुइ रे प्रोंइने मचाप्‍‍ब। गो गेय पङानु, सुइमी आं कली तेक्‍ने मचाप्‍ब” देंत।

यसैया 45:9

आबी, सुमी आ कली सेल्‍ब कली दोस गेबा, मेको गर आ गम्‍टे का खोदेंशो बाक्‍ब। मार, खपीमी खप के ग्‍योंब सेल्‍ब कली ‘मार पवी?’ देंबा ङा? गेयमी गेय पाइब कली ‘मजोक्‍ब बाक्‍ते’ देंबा ङा? अय्‍युब ४०:२; यसैया २९:१६; येरमीया १८:६; रोमी ९:२०

यसैया 46:10

गो साइ ङोंइती रे नोले सम्‍म मार दुम्‍मे, नेल्‍ल शेंनुङ। ङोंइती रे मुल सम्‍म मदुम्‍शो यो देंनुङ। मिनु गो आं मिम्‍शो मफाइक्‍थु, नेल्‍ल पाइनुङ। आ मिम्‍शो नेल्‍ल खाप्‍नुङ।

दानीएल 4:35

रागी ङा मुरपुकी नेल्‍ल मेको आ ङोंइती मारेइ मबाक्‍नीम। मेकोमी स्‍वर्ग ङा गेय पाइब नु रागी ङा मुर आन कली मार पचा दाक्‍बा, मेकोन पने चाप्‍ब। सुइमी मेको कली तेक्‍ने मचाप्‍नीम। मिनु सुइमी ‘गे मार पनी?’ देंने मचाप्‍नीम। यसैया ४०:१७; अय्‍युब ९:१२

मत्ती 16:18

गे पत्रुस नवे, एको सेरथे फुल्‍लु तारी आं खिं सेल्‍नुङ। नरकमी मेको कली ग्राने मचाप्‍ब। यूहन्‍ना १:४२; एफिसी २:२०

लूका 21:15

मारदे हना मोपा राप्‍पदमेनु, इन जोरी सत्रुमी लेन्‍ने मचाप्‍चा ङा लोव़ इन शोव़ रे पपाइक्‍नन्‍नी। इन कली ठीक लोव़ पपाइक्‍नुङ। मिनु मेकोपुकीमी इन लोव़ ख्रोइक्‍ने मचाप्‍नीम। प्रेरित ६:१०

प्रेरित 11:17

गोपुकीमी प्रभु येसु ख्रीस्‍त कली थमा सुइक्‍तीके परमप्रभु यावे आ सोक्‍तीम पिंचा पुंइसाक्‍य। मिनु अर्को रागी ङा मुरपुकीमी यो येसु ख्रीस्‍त कली थमा सुइक्‍तीके आ सोक्‍तीम पिंचा पुंइसाक्‍म। मोदेंशो दुम्‍शो तशा, मार पाइनुङा? गो परमप्रभु आ पशो गेय तेक्‍ने चाप्‍नङा?” दे रुप्‍पाइक्‍मी बाक्‍त।

प्रेरित 23:9

मोपतीके आन जिचा बारना बारन लशा, शुश रेयके पामे बाक्‍त। मिनु फरिसी ङा शेंब का निक्‍शीमी बोक्‍शा “एको मुर के मारेइ दोस मबाक्‍ब, दे मिम्‍नीकी। मुर आ मिक्‍चीम मतांइसीब का नु लोव़ पवा कों? परमप्रभु यावे आ स्‍वर्ग ङा गेय पाइब नु लोव़ पवा कों? मोदेंशो यो दुम्‍ने चाप्‍ब” देंमा बाक्‍त। प्रेरित २५:२५

प्रेरित 6:10

तन्‍न स्‍तीफानस परमप्रभु यावे आ सोक्‍तीम ब्रीशा जोक्‍शो तुइश्‍शो ब्‍वाक्‍मेनु, सुइमी ग्राने मचाप्‍मे बाक्‍त। लूका २१:१५

प्रेरित 7:51

“ए, गे परमप्रभु यावे आ लोव़ मनेंथु मटीब फुल्‍लु खोदेंशो थुं पाइश्‍शोपुकी, गे परमप्रभु यावे कली मतुइक्‍ब मुर खोदेंशो पाइनीनी। इन किकी पिपीमी पशो खोदेंशो पा गे यो परमप्रभु यावे आ सोक्‍त आ देंशो मटिथु दूली पाइनीनी। प्रस्‍थान १२:९; लेवी २६:४; रोमी २:२८-२९

प्रेरित 9:5

मोदेंशो नेंशा “प्रभु, गे सु ननी?” दे हिल्‍लो पवानु “इ खेदा पशो येसु गो नङ।

१ कोरिन्‍थी 1:25

परमप्रभु यावे आ मूर्ख लोव़ मुर आन जोक्‍तीक तुइक्‍तीक क्‍येङा ठेयब जोक्‍तीक तुइक्‍तीक लोव़ बाक्‍ब। परमप्रभु यावे आ आइक्‍च सक्ति यो मुर आन ठेयब सक्ति क्‍येङा ठेयब बाक्‍ब।

१ कोरिन्‍थी 10:22

गोपुकीम प्रभु कली रुश पपाइक्‍चा दुम्‍बा ङा? गो प्रभु क्‍येङा ठेयब नया ङा?