प्रेरित 5:3 - Sunuwar Bible

³ मिनु सोइश्‍शो आन बाक्‍तीके जाक्‍दीश्‍शा, क्‍येट गेवानु, पत्रुसमी “हनानीया, मारदे गे इ थुंम सैतान ओव़चा गेशा, परमप्रभु यावे आ सोक्‍त कली जोल पवी? रू लेयशो क्‍येट नेल्‍ल ओशो ला बाक्‍ब, दे मारदे इच्‍का ख्रुइश्‍शा वोदी?

प्रेरित 5:3 ပူးပေါင်းရင်းမြစ်များ

अय्‍युब 22:13

मोपतीके गे ‘परमप्रभुमी मार तुइक्‍बा ङा? मेकोम गोस्‍स आ छिङछिङ रे दोपा निसाफ पाइबा ङा?

हितोपदेस 20:25

मुरुमी ममिम्‍थु “परमप्रभु यावे केन बाक्‍ब” देंशा, कसम जचा, थम हिंचा ङा बाक्‍ब। मारदे हना नोले मिम्‍शा, मार दुम्‍बा ङा?

उपदेसक 5:4

गे परमप्रभु आ ङोंइती कसम जनीनु, मेको खाप्‍चा कली देश मपने। परमप्रभु मूर्ख आन कली तशा मग्‍येरब। गे इन कसम जशो खाप्‍पीन। ब्‍यवस्‍था २३:२२; १सामुएल १:११,२८; भजन संग्रह ५०:१४

यसैया 29:15

गे सु सुमी आंमा मिम्‍शा पशो गेय परमप्रभु यावे आ ङोंइती ख्रुइक्‍नीनी नु छिङछिङम गेय पशा, इं कली सुम ताइबा ङा? इं कली सुम तुइक्‍बा ङा?” देंनीनी। भजन संग्रह १०:११

येरमीया 23:24

मिनु मुर आं ङोंइती रे ख्रुइश्‍शा बाक्‍ने चाप्‍नीमी ङा? मिनु गो मेको आन कली तने मचाप्‍नुङमी ङा? मार, सरीङ नु रागी निम्‍फा कली गो प्रिंने मचाप्‍नुङा ङा?” दे परमप्रभु यावेमी देंत। बजन संग्रह १३९:७-१६

होसे 11:12

एफ्राइममी आं कली जोल पना पन बाक्‍ब। मिनु इस्राएलीमी यो खाल का ङा पा आं कली जोल पाइनीम। मिनु यहूदा आ का ला परमप्रभु आ नोले खोइक्‍चा कली थुं निक्‍शी प‍शो बाक्‍ब। तन्‍न मेकोमी मेको आन कली दाक्‍शा मप्रोंइब।

गन्‍ती 30:2

मुर कामी परमप्रभु यावे कली लोव़ पाप्‍तु हना यो, कसम जाप्‍तु हना यो, मेकोमी आ पशो लोव़ पचा नु आ कसम जशो खाप्‍चा माल्‍ब। मेको आ शोव़ रे मार लोव़ ग्रूशो बाक्‍मे, मेकोमी मेको खाप्‍चा माल्‍ब।

मत्ती 13:19

सुमी परमप्रभु यावे आ राज्‍य ङा लोव़ नेंशा मरुबा, मेको लांमी जुक्‍शो वांचेर खोदेंशो बाक्‍ब। सैतानमी आ रुप्‍शो क्‍याम्‍शा गेब।

लूका 22:3

मिनु सैतान इस्‍कारीयोत ङा यहूदा आ थुंम ओव़माक्‍त। मेको शेंसीब आन दाते ङा का बाक्‍माक्‍त। यूहन्‍ना १३:२,२७

यूहन्‍ना 13:2

मिनु येसु नु आ शेंसीबपुकी नाक्‍दो ङा खमे जना जन बाक्‍शो बाक्‍तेक्‍म। आ शेंसीब सिमोन आ तौ इस्‍कारीयोती ङा यहूदा यो बाक्‍शो बाक्‍त। सैतानमी “येसु कली साइक्‍चा माल्‍ब आन कली वारच पावो” दे यहूदा कली मिम्‍पाइश्‍शो बाक्‍त। लूका २२:३

यूहन्‍ना 13:27

यहूदामी शोब्‍ले ताक्‍तु। मेना सैतान आ थुंमी ओव़त। मिनु येसुमी यहूदा कली “इ मिम्‍शो पावो” देंत।

प्रेरित 5:2

मिनु क्‍येट ताक्‍शा, इच्‍का गो वोंइसीस, लीशो चहिं नेल्‍ल ओशो ला, दे सोइश्‍शो आन कली गेचा, दे लोव़सी गारपदसे बाक्‍त। मिनु मोपा मेको लीशो क्‍येट हनानीयामी चोव़दीम्‍माक्‍त। प्रेरित ६:३४-३७

प्रेरित 5:4

मेको रू मलेयसी नु इस केन बाक्‍त। लेयसी नोले मेक रे जाक्‍शो क्‍येट यो इस केन बाक्‍त। मिनु मारदे जोल पसी? गे आंइ कली जोल मपसी, तन्‍न परमप्रभु यावे कली जोल पाइतीसी” दे मदा बाक्‍त।

प्रेरित 5:9

मिनु पत्रुसमी “गे निक्‍शी गारशा, मोदेंशो पा परमप्रभु यावे आ सोक्‍त कली जोल पचा दुम्‍बा? इ वोंइश कली थिम्‍थ लाइबपुकी लेश्‍शा जाक्‍चाम्‍तेक्‍म। इच्‍ची ना इ कली यो लाइश्‍शा थिम्‍नीम” देंमेनु, मीश मुर यो दिङ गोल्‍शा बेक्‍माक्‍त।

ब्‍यवस्‍था 23:21

मिनु गेपुकीमी परमप्रभु यावे, इन परमप्रभु नु कसम जनीनु, मेको खाप्‍शा, थाप्‍चा कली मरिम्‍दीन। मारदे हना परमप्रभु यावे, इन परमप्रभुमी कसम खाप्‍शो कोव़चा दाक्‍ब। मो मपाइतीनी हना, गे पाप राइनीनी। गन्‍ती ३०:३

याकूब 4:7

गेपुकी परमप्रभु यावेमी देंशो लोव़ टिने। सैतान रे ङोन बाक्‍कीन। मो पाइतीनी हना, सैतानमी इन कली प्रोंइब। मत्ती २३:१२; १पत्रुस ५:८-९

१ पत्रुस 5:8

गेय पचा ङोंइती मिम्‍तीन। होस पा बाक्‍कीन। मारदे हना इन कली मदाक्‍ब सैतानमी शोव़लु बेक्‍शो गुप्‍स खोदेंशो पा “सु कली ब्‍वाइनुङा” दे माल्‍ना माल्‍न गाक्‍ब। १थिस्‍सलोनिकी ५:६; लूका २२:३१; २कोरिन्‍थी २:११