प्रेरित 5:26 - Sunuwar Bible

²⁶ मिनु कप्‍तान नु गेय पाइबपुकी परमप्रभु यावे आ खिं लशा, सोइश्‍शो आन कली मारेइ मपथु, चाक्‍ग्‍मे बाक्‍त। “मारदे हना मरिम्‍शो पाइ‍तय हना, मुरपुकीमी इं कली फुल्‍लु आप्‍शा साइक्‍नीम” दे हिंमा बाक्‍त।

प्रेरित 5:26 ပူးပေါင်းရင်းမြစ်များ

मत्ती 14:5

मो देंतीके यूहन्‍ना कली साइक्‍चा माल्‍शो बाक्‍माक्‍त। तन्‍न मुर आन कली तशा हिंमाक्‍त। मारदे हना मुरपुकीमी यूहन्‍ना परमप्रभु यावे आ लोव़ पाइब बाक्‍ब, दे थमा सुइश्‍शो बाक्‍मा बाक्‍त। मत्ती २१:२६

मत्ती 21:26

मुरपुकी रे तवा बाक्‍त देंयानु, मुरपुकीमी इं लोव़ मनेंथु मटीनीम। मारदे हना मुरपुकीमी यूहन्‍ना परमप्रभु यावे आ लोव़ पाइब बाक्‍त, दे थमा सुइश्‍शो बाक्‍नीम” देंमुम्‍तेक्‍म। मत्ती १४:५

मत्ती 26:5

“पास्‍सा नाक्‍त साइक्‍पाइक्‍चा मदुम्‍ब। मारदे हना मुरपुकीमी जिचा पोक्‍नीम” देंमुमा बाक्‍त।

मत्ती 26:58

पत्रुस यो आन नोनोले खोइश्‍शा, मेकेर जाक्‍दीम्‍माक्‍त। मिनु लाङगा ओव़शा, नेल्‍ल क्‍येङा ठेयब चढ़ेब आ गेय पाइबपुकी नु काथा बाक्‍शा, मिनु गेपुकी परमप्रभु यावे, इन परमप्रभु कली इन थुं नेल्‍लेमी, इन सोक्‍त नेल्‍लेमी नु इन बोल नेल्‍लेमी दाक्‍चा माल्‍नीनी। कली मार पाइनीमी, मार देंनीमी, दे कोव़शा बाक्‍माक्‍त।

लूका 20:19

मिनु ठेयब चढ़ेब नु सास्‍त्रीपुकीमी “इं कली कका एको कथा देंमाक्‍त” दे रुप्‍शा चुरशा, येसु कली ग्‍याइक्‍पाइक्‍चा माल्‍मे बाक्‍त। तन्‍न शुश मुरुमी आ लोव़ नेंशो तशा हिंमा बाक्‍त।लूका १९:४८

लूका 20:6

मुरपुकी रे तवा बाक्‍त देंतय हना, एकेर बाक्‍बपुकीमी इं कली फुल्‍लु आप्‍शा साइक्‍नीम। मारदे हना यूहन्‍ना परमप्रभु यावे आ लोव़ पाइब बाक्‍त, दे थमा सुइक्‍ब बाक्‍नीम” दे शुश मिम्‍शा लोव़सी पामे बाक्‍त।

लूका 22:2

मिनु ठेयब चढ़ेब नु सास्‍त्रीपुकीमी “येसु कली दोपा ग्‍याइश्‍शा साइक्‍चा?” दे लोव़ पमुशा, साइक्‍चा माल्‍मे बाक्‍त। तन्‍न शुश मुरुमी येसु आ लोव़ नेंशो तशा, हिंमा बाक्‍त। लूका २०:१९

लूका 22:4

मिनु मेको ठेयब चढ़ेब नु ठेयब मुर आन कली ग्रुम्‍थ लशा “येसु ग्‍याइक्‍पाइक्‍चा कली वारच पाइनन्‍नी” दे माइक्‍मी बाक्‍त।

प्रेरित 4:21

मिनु मेको आस दोस थिन्‍ने मचाप्‍तीके मेकोपुकीमी “हेरकादे, मुल ङा मेरे मोदेंशो गेय मपसे” दे हिंच कोंइशा, लोव़ थोक्‍शा, सोइक्‍तमे बाक्‍त। शुश मुरुमी आस पशो छक लाक्‍चा ङा गेय तशा, परमप्रभु कली ठेयब सेल्‍ना सेल्‍न बाक्‍बाक्‍मा बाक्‍त।

प्रेरित 5:13

थमा मसुइक्‍बपुकी मेकोपुकी नु काथा गाक्‍चा बाक्‍चा हिंशा, मेको आन कली ठेयब सेल्‍शा, आन पर्बम रिम्‍शो लोव़ ला पाइबाक्‍मा बाक्‍त।

प्रेरित 5:22

मिनु गेय पाइबपुकी लशा कोव़ङमेनु, मेको चोक्‍चा पुंइसीशोपुकी मथिदमे बाक्‍त। मिनु लेश्‍शा जाक्‍शा, देंमा बाक्‍त।

प्रेरित 5:24

मिनु परमप्रभु यावे आ खिं ङा कप्‍तान नु ठेयब चढ़ेबपुकीमी मेको लोव़ नेंशा “ते लमा, दोपा ओदेंशो दुम्‍मे?” दे छक लाक्‍शा, मुल मार पचा, दे मिम्‍ने मचाप्‍मे बाक्‍त।

प्रेरित 5:25

मिनु मुर का जाक्‍शा “सिनाक्‍त गेपुकीमी जेल्‍खानमी चोक्‍पाइश्‍शो मुरपुकीमी परमप्रभु यावे आ खिंमी मुर आन कली शेंना शेंन बाक्‍नीम” देंमाक्‍त।