प्रेरित 5:25 - Sunuwar Bible

²⁵ मिनु मुर का जाक्‍शा “सिनाक्‍त गेपुकीमी जेल्‍खानमी चोक्‍पाइश्‍शो मुरपुकीमी परमप्रभु यावे आ खिंमी मुर आन कली शेंना शेंन बाक्‍नीम” देंमाक्‍त।

प्रेरित 5:25 ပူးပေါင်းရင်းမြစ်များ

भजन संग्रह 107:14

मेकोमी मेको आन कली आन श्‍येत नु छिङछिङ रे ग्रुंइताक्‍मी। मिनु मेको आन साङलो प्रोइक्‍तु।

येरमीया 26:2

परमप्रभु यावेमी मार देंत, देंशा हना “आं खिं ङा लाङगाम रपो। मिनु आं कली ठेयब सेल्‍चा कली जाक्‍ब यहूदा सहर ङा मुर नेल्‍ल आन कली गो इ कली देंशो लोव़ नेल्‍ल मेको आन कली देनो। लोव़ का यो मफेवो।

दानीएल 3:13

मिनु मेको नेंशा, पिप नेबुकदनेसर शुश गाइश्‍शा, चुरशा “शद्रक, मेशक नु अबेद-नेगो आन कली आं ङोंइती चाक्‍कीन” दे हुकुम पाप्‍तु। मिनु मेको आन कली चाक्‍शा, पिप आ ङोंइती राप्‍पाइक्‍तेक्‍म।

मत्ती 10:18

इन कली श्‍येत गेबपुकी नु अर्को रागी ङा मुर आन ङोंइती सांकछी दुम्‍चा कली ठेयब मुर नु पिप आन ङोंइती राप्‍पाइक्‍नीम। प्रेरित २५:२३; प्रेरित २७:२४

यूहन्‍ना 11:46

का निक्‍शी चहिं फरिसी आन कली ग्रुम्‍थ लशा, येसु आ पशो शोव़ङमे बाक्‍त।

प्रेरित 3:1

मिनु काबु पत्रुस नु यूहन्‍ना ३ बजे ङा प्रार्थना पची ना परमप्रभु यावे आ खिंमी जाक्‍सा बाक्‍त।

प्रेरित 5:24

मिनु परमप्रभु यावे आ खिं ङा कप्‍तान नु ठेयब चढ़ेबपुकीमी मेको लोव़ नेंशा “ते लमा, दोपा ओदेंशो दुम्‍मे?” दे छक लाक्‍शा, मुल मार पचा, दे मिम्‍ने मचाप्‍मे बाक्‍त।

प्रेरित 5:26

मिनु कप्‍तान नु गेय पाइबपुकी परमप्रभु यावे आ खिं लशा, सोइश्‍शो आन कली मारेइ मपथु, चाक्‍ग्‍मे बाक्‍त। “मारदे हना मरिम्‍शो पाइ‍तय हना, मुरपुकीमी इं कली फुल्‍लु आप्‍शा साइक्‍नीम” दे हिंमा बाक्‍त।