प्रेरित 5:24 - Sunuwar Bible

²⁴ मिनु परमप्रभु यावे आ खिं ङा कप्‍तान नु ठेयब चढ़ेबपुकीमी मेको लोव़ नेंशा “ते लमा, दोपा ओदेंशो दुम्‍मे?” दे छक लाक्‍शा, मुल मार पचा, दे मिम्‍ने मचाप्‍मे बाक्‍त।

प्रेरित 5:24 ပူးပေါင်းရင်းမြစ်များ

यसैया 9:7

मेको आ अधिकार गेना हना यो बारब। दाऊद आ राज्‍य कली गेना हना यो थुं नाइक्‍तीके दुम्‍ब। मेको आ राज्‍य गेना हना यो ठीक निसाफ नु ठीक पतीकेमी बाक्‍ब। मेको मुर नेल्‍ल आन परमप्रभु यावेमी पाइब। २सामुएल ७:१२-१३; लूका १:३२; यसैया ११:१-५; भजन संग्रह ७२:३-४

लूका 22:4

मिनु मेको ठेयब चढ़ेब नु ठेयब मुर आन कली ग्रुम्‍थ लशा “येसु ग्‍याइक्‍पाइक्‍चा कली वारच पाइनन्‍नी” दे माइक्‍मी बाक्‍त।

लूका 22:52

मिनु येसुमी मेकेर जाक्‍शो ठेयब चढ़ेब, परमप्रभु यावे आ खिं ङा ठेयब मुर नु जोक्‍ब तुइक्‍ब खाल्‍पा आन कली “तरवार कोक्‍के कुरशा, खुइ पाइब कली ग्‍याइक्‍थ जाक्‍शो खोदेंशो पा आं कली ग्‍याइक्‍थ जाक्‍नी?

यूहन्‍ना 12:19

मिनु फरिसीपुकीमी “गोपुकी मारेइ पने मचाप्‍नय। कोव़ङीन, मुर नेल्‍ल मेको आ नोले खोइक्‍नीम” देंमुम्‍तेक्‍म। यूहन्‍ना ११:४८

प्रेरित 2:12

मोपा मेको नेंबपुकीमी ‘मार बाक्‍म माइ, मार दुम्‍बा’ देंमुमा बाक्‍त।

प्रेरित 4:1

मिनु पत्रुस नु यूहन्‍नामी मोदेंशो शेंना शेंन बाक्‍सानु, चढ़ेबपुकी, परमप्रभु यावे आ खिं ङा ठेयब मुर नु सदुकीपुकी जाक्‍मा बाक्‍त। लूका २७:४:५२

प्रेरित 4:21

मिनु मेको आस दोस थिन्‍ने मचाप्‍तीके मेकोपुकीमी “हेरकादे, मुल ङा मेरे मोदेंशो गेय मपसे” दे हिंच कोंइशा, लोव़ थोक्‍शा, सोइक्‍तमे बाक्‍त। शुश मुरुमी आस पशो छक लाक्‍चा ङा गेय तशा, परमप्रभु कली ठेयब सेल्‍ना सेल्‍न बाक्‍बाक्‍मा बाक्‍त।

प्रेरित 5:23

मेकोपुकीमी “जेल्‍खानमी जाक्‍दी‍कानु, खाल पाइब बाक्‍तेक्‍म। लाप्‍चो नेल्‍ल चोक्‍स ङा चोक्‍स बाक्‍तेक्‍म। मिनु आगा कोव़शोनु, इन माल्‍शो मुरपुकी चहिं मबाक्‍म” देंमा बाक्‍त।

प्रेरित 5:25

मिनु मुर का जाक्‍शा “सिनाक्‍त गेपुकीमी जेल्‍खानमी चोक्‍पाइश्‍शो मुरपुकीमी परमप्रभु यावे आ खिंमी मुर आन कली शेंना शेंन बाक्‍नीम” देंमाक्‍त।

प्रेरित 5:26

मिनु कप्‍तान नु गेय पाइबपुकी परमप्रभु यावे आ खिं लशा, सोइश्‍शो आन कली मारेइ मपथु, चाक्‍ग्‍मे बाक्‍त। “मारदे हना मरिम्‍शो पाइ‍तय हना, मुरपुकीमी इं कली फुल्‍लु आप्‍शा साइक्‍नीम” दे हिंमा बाक्‍त।