प्रेरित 5:11 - Sunuwar Bible

¹¹ मिनु थमा सुइश्‍शा बुक्‍‍बपुकी नु मेको लोव़ नेंब नेल्‍लेमी “मो देंशो हेंथे पा जोल पचा मदुम्‍बाक्‍माक्‍त” दे तुइश्‍शा, शुश हिंमा बाक्‍त।

प्रेरित 5:11 ပူးပေါင်းရင်းမြစ်များ

भजन संग्रह 89:7

आंम मुर आन बुक्‍तीकेमी परमप्रभु कली मान पा हिंनीम। मेको आ एर ओंथ बाक्‍ब नेल्‍ल आन क्‍येङा मेको शुश ठेयब नु मान पा हिंचा माल्‍शो बाक्‍ब।

येरमीया 32:40

गो मेकोपुकी नु गेना हना यो लीब कबल का पाइनुङ। गो मेको आन कली रिम्‍शो पचा कली गेनायो मप्रोंइनुङ। मिनु गो मेको आन थुंमी आं कली मान पा हिंतीके वोइक्‍नुङ। मोपा मेकोपुकीम आं कली मप्रोंइनीम। येरमीया ३१:३१-३४

प्रेरित 19:17

मेको लोव़ तेइ तेइ ब्रशा, एफिससमी बाक्‍ब यहूदी नु ग्रीक नेल्‍लेमी नेन्‍मे बाक्‍त। मिनु “येसु आ नेंमी हेंथे मब्‍वाक्‍चा बाक्‍माक्‍त” दे रुप्‍शा हिंशा, प्रभु येसु आ नें कली मान पा ठेयब सेल्‍मे बाक्‍त।

प्रेरित 2:43

मिनु सोइश्‍शोपुकीमी परमप्रभु यावे आ सोक्‍त रे पा शुश चिन्‍ड नु छक लाक्‍चा ङा गेय कोंइना कोंइन बाक्‍बाक्‍मा बाक्‍त। मुरपुकीमी मेको आन कली मोदेंशो पशो तशा छक लाक्‍शा हिंबाक्‍मा बाक्‍त।

प्रेरित 5:5

मिनु हनानीयामी पत्रुस आ देंशो नेंशा, दिङ गोल्‍शा बेक्‍माक्‍त। मिनु मुरपुकीमी मेको लोव़ नेंशा, शुश हिंमा बाक्‍त।

प्रेरित 9:31

मिनु यहूदीया, गालील नु सामरीया रागीमी बाक्‍ब थमा सुइक्‍बपुकी खेदा पचा मपुंइसीथु, बाक्‍चा तामे बाक्‍त। थमा सुइक्‍बपुकीमी प्रभु कली मान पा हिंशा, परमप्रभु यावे आ सोक्‍त रे पा वारच पचा पुंइसीशा, आन थुं बारना बारन ल‍माक्‍त। मिनु थमा सुइक्‍ब यो तेम्‍सीन सीन लमा बाक्‍त।

फिलिप्‍पी 2:12

आं दाक्‍शो लोक्‍बपुकी, गेपुकीमी नेल्‍ल नाक्‍त आं देंशो टीतीनी। गो बाक्‍ङानु ला ममाइ, गो मबाक्‍ङानु यो मेको क्‍येङा शुश रिम्‍शो पने। गेपुकी हिंशा ख्रिंख्रि पा इन पाप रे ब्रोंइतीक गेय पने। १पत्रुस १:१७

हिब्रू 11:7

नोआह यो थमा सुइक्‍ब बाक्‍माक्‍त। यावेमी मेको कली “नोले ओदेंशो दुम्‍ब” मदानु, मेको लोव़ थमा सुइश्‍शा टिशा, ठेयब डोंगा सेल्‍शा, आ खिं ङा मुर आन कली ओंइशा, बेक्‍चा मगेथु प्रोंइमी बाक्‍त। नोआहमी मो पशो तशा यो अरुमी थमा मसुदमे बाक्‍त। मिनु आन थमा मसुइक्‍तीके दोसी दुम्‍शा, नेल्‍ल बेक्‍चा माल्‍मा बाक्‍त। नोआह चहिं थमा सुइश्‍शोमी ब्रोंइचा तांइसीब, दे कोंइब दुम्‍माक्‍त। उत्‍पत्ती ६:८-९,१३-२२

हिब्रू 12:15

अर्ती गेमुशा वारच पमुशा बाक्‍कीने। सुइ परमप्रभु यावे आ शिशी मताइब मदुम्‍ल। सुइमी थुं चोशा दुशा बाक्‍ब आन कली फ्राशा, मुर आन कली मरिम्‍शो मसेलल। ब्‍यवस्‍था २९:१७

हिब्रू 12:28

मोपतीके गेनायो महिम्‍सीब राज्‍य ओव़चा ताइनय, दे तुइश्‍शा, परमप्रभु यावे कली मान पा ठेयब सेल्‍ना सेल्‍न “गे रिम्‍शो पाइब बाक्‍नीनी” देंशा, ग्‍येरशा आ दाक्‍शो गेय पना पन बाक्‍य।

हिब्रू 4:1

मोपतीके होस पांइसय, थुं नाइक्‍चा ताइनीनी देंशो लोव़ मुल यो लीशो बाक्‍तीके, होस पा बाक्‍य। मारदे हना सु सुमी आ लोव़ मटीमे, मेको ओव़चा मताइनीम।

१ पत्रुस 1:17

गेपुकीमी परमप्रभु यावे कली “इं आफ” दे पुंइना पुंइन बाक्‍नीनी। मेकोमी मुर आन कुल मकोव़थु, आन पशो कोव़शा, निसाफ पाइब। मोपतीके गे रागीमी बाक्‍नीनु, पाप पचा हिनीन। रोमी २:११; फिलिप्‍पी २:१२

प्रकाश 15:4

नेल्‍लेमी इन कली मान पा हिंशा इन नें ठेयब सेल्‍नीमी। मारदे हना गे ला परमप्रभु बाक्‍नीनी। रागी रागी ङा मुर नेल्‍ले इन ङोंइती जाक्‍शा, पोक्‍च थेक्‍शा, खुम्‍की पा बाप्‍नीमी। मारदे हना इन निसाफ पतीके नेल्‍लेमी ताम्‍तेक्‍म” देंशो कुम्‍सो आ लोव़ बाक्‍त। भजन संग्रह ८६:९; येरमीया १६:१९-२१