प्रेरित 4:7 - Sunuwar Bible

⁷ मेको नेल्‍ल खुम्‍सीशा बाक्‍मानु, पत्रुस नु यूहन्‍ना आस कली जेल्‍खान रे ग्रुंइपाइश्‍शा, आन बाक्‍तीके चाक्‍पाइश्‍शा आन ङोंइती राप्‍पदमे बाक्‍त। मिनु “मेको खोइल मदुक्‍ब मुर कली सु आ सक्तिमी, सु आ नें ब्रशा सापांइसी, लो देनीस” दे हिल्‍लो पामे बाक्‍त। मत्ती २१:२३

प्रेरित 4:7 ပူးပေါင်းရင်းမြစ်များ

प्रस्‍थान 2:14

मिनु मेकोमी “सुमी इ कली आंस होव़प नु निसाफ पाइब सेला? इजीप्‍त ङा मुर कली साइश्‍शो खोदेंशो पा आं कली यो सदु, देंने?” दें‍त। मिनु मोसामी “मुल एको लोव़, मुर नेल्‍लेमी तुइक्‍नीमी” दे मिम्‍शा हिं‍त। प्रेरित ७:३५

मत्ती 21:23

मिनु परमप्रभु यावे आ खिं ओव़शा, मुर आन कली शेंना शेंन बाक्‍मेनु, ठेयब चढ़ेब नु जोक्‍ब तुइक्‍ब खालपापुकी जाक्‍शा “तेको अधिकारमी मोदेंशो पवी? एको अधिकार सुमी गेवे?” देंतेक्‍म। यूहन्‍ना २:१८; प्रेरित ४:७

मर्कूस 11:28

“तेको अधिकारमी मोदेंशो पवी? मो पचा, दे सुमी अधिकार गेवे?” देंमा बाक्‍त।

यूहन्‍ना 2:18

मिनु यहूदीपुकीमी येसु कली “इ के मो पचा ङा अधिकार बाक्‍ब, दे आंइ कली मार चिन्‍ड कोंइने चाप्‍नेवे?” देंमानु, मत्ती २१:२३

यूहन्‍ना 8:3

मिनु सास्‍त्री नु फरिसीपुकीमी येसु आ बाक्‍तीकेमी मीश मुर का चाक्‍तेक्‍म। मेको मीश मुर ग्‍युंबे पशा यो अरु वोंइश नु इप्‍शो बाक्‍माक्‍त। मेको कली मुर आन दातेमी राप्‍पाइक्‍तेक्‍म। सास्‍त्री यहूदी आन कली परमप्रभु यावे आ अरेशो लोव़ शेंब बाक्‍शो बाक्‍तेक्‍म।

यूहन्‍ना 8:9

मिनु येसु आ लोव़ नेंशा, दोस गेब मुर जोक्‍ब तुइक्‍ब खाल्‍पा रे का का पा नेल्‍ल लाम्‍तेक्‍म। मिनु येसु नु मेको मीश मुर ला लीताक्‍स।

प्रेरित 4:10

गे ला ममाइ, तन्‍न इं इस्राएल ङा मुर नेल्‍लेमी रुप्‍चा माल्‍नीम। मेको खोइल मदुक्‍ब मुर नासरथ ङा येसु ख्रीस्‍त आ नें ब्रशा साशा गाक्‍ने चाप्‍ब दुम्‍माक्‍त, दे रुपीने। मेको नासरथ ङा येसु ख्रीस्‍त कली गेपुकीमी शीमी केप्‍शा कांटी थोक्‍शा क्‍याइक्‍पाइश्‍शा साइक्‍पाइक्‍तीनी। तन्‍न परमप्रभु यावेमी मेको कली बेक्‍शो रे सेंताक्‍व। प्रेरित ३:६,१३-१६

प्रेरित 4:6

मेना ठेयब चढ़ेब हन्‍नास बाक्‍माक्‍त। ङोंइती ङा ठेयब चढ़ेब काइयाफास, यूहन्‍ना नु अलेकजन्‍डर बाक्‍मा बाक्‍त। ठेयब चढ़ेब आन खिं ङा मुर यो शुश जाक्‍शो बाक्‍मा बाक्‍त। लूका ३:१-२

प्रेरित 4:8

मिनु पत्रुस परमप्रभु यावे आ सोक्‍तीमी ब्रीशा, मेको आन कली “इं इस्राएल ङा हुकुम पाइब नु खाल्‍पापुकी, आं लोव़ नेनीने। मत्ती १०:१९-२०

प्रेरित 5:40

मिनु गमालीएल आ लोव़ नेंशा, बिस्‍समा बाक्‍त। मिनु लाङगाम सोइश्‍शो आन कली खिं गा ब्रेश्‍शा, का का पा युक्‍पदमे बाक्‍त। मिनु “मुल ङा मेरे येसु आ नेंमी शेंशा मगाक्‍कीने” दे प्रोंइशा सोइक्‍तमे बाक्‍त। मत्ती १०:१७