प्रेरित 4:24 - Sunuwar Bible

²⁴ मिनु आस लोव़ नेंशा, नेल्‍ल थुं का पा परमप्रभु यावे कली ठेयब सेल्‍शा “परमप्रभु यावे, नेल्‍ल आन कली सासन पाइब, गे सरीङ, रागी, समुन्‍द्र नेल्‍ल सेल्‍तीनी। मिनु मेकेर बाक्‍शो मारेइ मारेइ सेल्‍तीनी। मिनु मेको आन कली कोव़नीनी।

प्रेरित 4:24 ပူးပေါင်းရင်းမြစ်များ

२ राजा 19:15

मिनु हिज्‍कीयाहम मेको परमप्रभु यावे आ ङोंइती प्राक्‍शा वोइश्‍शा “परमप्रभु यावे, इस्राएली आन परमप्रभु गे करूब आन तार बाक्‍नीनी। रागी ङा राज्‍य नेल्‍लेम गे का ला परमप्रभु बाक्‍नीनी। गे रागी नु सरीङ सेल्‍ब बाक्‍नीनी। प्रस्‍थान २५:२२; भजन संग्रह ८०:२

२ राजा 19:19

मुल परमप्रभु यावे, आंइ परमप्रभु आंइ कली मेको आ गुइ रे प्रोनीन, दे पुंइनुङ। मिनु रागी नेल्‍ल ङा मुरपुकीम परमप्रभु यावे, गे का ला परमप्रभु बाक्‍नीनी, दे तुइक्‍तमेक्‍ल” दे पुना बाक्‍त।

नेहेम्‍याह 9:6

मिनु एज्रामी “गे का ला परमप्रभु यावे बाक्‍नीनी। गे सरीङ सेल्‍तीनी। स्‍वर्ग नु मेकेर बाक्‍ब नेल्‍ल सेल्‍तीनी। गे रागी नु मेकेर ङा मारेइ मारेइ, समुन्‍द्र नु मेकेर ङा मारेइ मारेइ आन कली सेल्‍तीनी। मिनु मेको नेल्‍ल कली ब्रोंइचा गेतीनी। मिनु स्‍वर्ग ङा गेय पाइबपुकीमी इन कली ठेयब सेल्‍नीम।

प्रस्‍थान 20:11

मारदे हना परमप्रभु यावेमी ६ नाक्‍तीमी सरीङ नु रागी, ठेयब समुन्‍द्र नु ठेयब समुन्‍द्रमी बाक्‍शो नेल्‍ल आन कली सेल्‍तु। मिनु नोले ङा नाक्‍त नांइसाक्‍व। मोपतीके परमप्रभु यावेमी ‘मेको आं नाक्‍त बाक्‍ब’ दे मेको नाक्‍त कली आसीक गेशो बाक्‍ब। उत्‍पत्ती २:२-३

यसैया 51:12

परमप्रभुमी “गो इन कली थुं बारपाइक्‍ब नङ। गे मुर तशा, मारदे हिंनीनी? मुरपुकी घांस खोदेंशो पा बेक्‍नीम। भजन संग्रह ५६:५; मत्ती १०:२८; यसैया ४०:१,६

येरमीया 20:13

मिनु “परमप्रभु यावे कली कुम्‍सो पने। परमप्रभु यावे ठेयब बाक्‍ब” दे कुम्‍सो पने। मेकोमी क्‍येट मथीब आन कली मरिम्‍शो पाइब आन गुइ रे प्रोंइतु।

येरमीया 32:17

“परमप्रभु, परमप्रभु यावे, इन ठेयब सक्ति नु दिंशो गुइम गे सरीङ नु रागी सेल्‍तीनी। इन कली मारेइ गेय मचाप्‍चा ङा मबाक्‍ब। येरमीया २७:५; उत्‍पत्ती १८:१४; लूका १:३७

प्रेरित 14:15

मिनु ठेयब सेंदा पा “ए गेपुकी, मार पचानी? गो देवता मनस्‍कु, इन खोदेंशो मुर कका नस्‍कु। इन कली ग्‍येरपाइक्‍ब लोव़ शेंथ जाक्‍शो नस्‍कु। मूर्ति पूजा पचा प्रोंइशा, गेना हना यो ब्रोंइशा बाक्‍ब परमप्रभु यावे गे इन थुं हिरदीने। मेकोमी सरीङ, रागी, समुन्‍द्र नु मेकेर मार मार बाक्‍मा, मेको नेल्‍ल सेल्‍शो बाक्‍ब, दे तुइक्‍तीने। प्रेरित १०:२६

प्रेरित 16:25

नाक्‍दो पावल नु सिलासमी प्रार्थना पा कुम्‍सो पा परमप्रभु यावे कली ठेयब सेल्‍से बाक्‍त। आस प्रार्थना नु कुम्‍सो पशो जेल्‍खानमी चोक्‍सीशो नेल्‍लेमी नेन्‍मे बाक्‍त।

प्रेरित 4:23

मिनु पत्रुस नु यूहन्‍ना प्रोंइचा पुंइसीशा, वारच आन कली ग्रुम्‍थ लसा बाक्‍त। मिनु सु सुमी मार मार पवा, मार मार देंमा, मेको नेल्‍ल शोव़ङसे बाक्‍त।