प्रेरित 4:13 - Sunuwar Bible

¹³ पत्रुस नु यूहन्‍ना शुश मशेंसीशो बाक्‍ताक्‍स हना यो, जोक्‍ब तुइक्‍ब खोदेंशो पा महिंथु, ठेयब थुं पा लोव़ पाम्‍से बाक्‍त। मेको लोव़ नेंशा, कछडी पाइबपुकी छक लाक्‍मा बाक्‍त। मिनु मेको निक्‍शी थमा पा येसु नु काथा गाक्‍ब काथा बाक्‍ब बाक्‍सा बाक्‍त, दे तुइक्‍तमे बाक्‍त।

प्रेरित 4:13 ပူးပေါင်းရင်းမြစ်များ

मत्ती 11:25

काबु येसुमी “आं आफ, सरीङ नु रागी ङा परमप्रभु, गे नेल्‍ल क्‍येङा ठेयब ननी। गे शुश रिम्‍शो पाइतीनी। जोक्‍ब तुइक्‍ब नङ, दे मिम्‍ब आन कली इन लोव़ मरुप्‍तीक थुं गेतीनी। मजोक्‍ब मतुइक्‍ब आन कली रुप्‍तीक थुं गेतीनी। यसैया २९:१४; लूका १०:२१-२२; यूहन्‍ना १७:२५; १कोरिन्‍थी १:२८-२९

मत्ती 26:71

मिनु लाङगामी ग्रूमेनु, मेकेर गेय पाइब मीश मुर कामी “नासरथ ङा येसु नु काथा गाक्‍ब का एको यो बाक्‍माक्‍त” दे मेकेर बाक्‍ब आन कली देंमाक्‍त।

मत्ती 26:73

मिनु मेको एर ओंथ बाक्‍बपुकी जाक्‍शा, पत्रुस कली “गे यो काथा गाक्‍ब का बाक्‍ङे बाक्‍त। इ ब्‍वाक्‍स नेंशा, गालील ङा बाक्‍ङे बाक्‍त, दे तुंइ‍सीब” दे मदमे बाक्‍त।

लूका 22:8

मिनु येसुमी पत्रुस नु यूहन्‍ना आस कली “पास्‍सा चाड ङा भोज साथ लसे” दे माइक्‍सी बाक्‍त।

यूहन्‍ना 19:26

मिनु येसुमी आ ममा कली “आं ममा, मेको कली इ तौ मिम्‍तो” दे माइक्‍तु। यूहन्‍ना १३:२३

यूहन्‍ना 7:15

मिनु यहूदीपुकीमी छक लाक्‍शा “मेको गेनायो मशेंसीशो मुरुम यो दोपा इश ङा जोक्‍गा?” देंमुम्‍तेक्‍म। मत्ती १३:५६

यूहन्‍ना 7:49

तन्‍न परमप्रभु यावे आ अरेशो लोव़ मजोक्‍बपुकी सराप रशो बाक्‍नीम” दे हुइक्‍तमे बाक्‍त।

प्रेरित 4:14

सापाइक्‍चा पुंइसीशो मुर पत्रुस नु यूहन्‍ना नु काथा राप्‍शा बाक्‍शो तशा, जोल पाम्‍से बाक्‍त देंशा, आस लोव़ जोल सेल्‍ने मचाप्‍थु, मारेइ देंने मचाप्‍मे बाक्‍त। प्रेरित ३:८-९

प्रेरित 4:19

मिनु पत्रुस नु यूहन्‍नामी “परमप्रभु यावे आ देंशो टिचा देय इन देंशो टिचा? एको निक्‍शीमी परमप्रभु यावेमी तेको पचा देंबा, दे आंमा मिम्‍तीने। प्रेरित ५:२८-२९

प्रेरित 4:29

परमप्रभु, मेकोपुकीमी हिंच कोंइताक्‍म हना यो, महिंथु ठेयब थुं पा इन लोव़ शेंतीक सक्ति तकल, दे पुंइनीकी। एफिसी ६:१९

प्रेरित 4:31

मोदेंशो प्रार्थना पने थुम्‍मे चोटीन ख्रिनु कुशो खोदेंशो पा आन बुक्‍शा बाक्‍तीके एर ओंथ नेल्‍ल हिम्‍से बाक्‍त। मिनु नेल्‍ले परमप्रभु यावे आ सोक्‍तीम प्रिंचा पुंइसमा बाक्‍त। मिनु महिंथु ठेयब थुं पा परमप्रभु आ लोव़ शेंना शेंन गाक्‍बाक्‍मा बाक्‍त।

प्रेरित 9:27

बारनाबासमी चहिं सावल नु सोइश्‍शो आन कली ग्रुम्‍पदा बाक्‍त। मिनु लांमी गाक्‍मेनु, प्रभु कली तशो, प्रभुमी लोव़ पशो, दमस्‍कसमी महिंथु, येसु आ नेंमी शेंशा गाक्‍शो, मेको लोव़ नेल्‍ल बारनाबासमी रुप्‍पाइक्‍मी बाक्‍त।

प्रेरित 9:28

मिनु सावल कली ब्रामे बाक्‍त। मिनु सावलमी यरूसलेम सहरमी सुइ सुइ आन कली तशा महिंथु, येसु आ नेंमी शेंना शेंन गाक्‍माक्‍त।

१ कोरिन्‍थी 1:27

तन्‍न परमप्रभु यावेमी जोक्‍ब तुइक्‍ब आन कली मुने तोक्‍चा कली मजोक्‍ब मतुइक्‍ब मूर्ख आन कली योव़तीमी। परमप्रभु यावेमी अधिकार सक्ति पाइश्‍शो आन कली मुने तोक्‍चा कली अधिकार सक्ति मपाइश्‍शो आन कली योव़तीमी।

१ कोरिन्‍थी 14:25

आ थुं ङा ख्रुइश्‍शो नेल्‍ल तुइश्‍शा, बाप्‍शा “परमप्रभु यावे ठेयब बाक्‍ब” देंशा, परमप्रभु यावे थमा पा, इन दातेमी बाक्‍ब, दे तुइक्‍ब। यूहन्‍ना १६:८

२ कोरिन्‍थी 3:12

मोदेंशो आस पतीके गो काइ महिंब दुम्‍शो बाक्‍नीकी।