प्रेरित 4:10 - Sunuwar Bible

¹⁰ गे ला ममाइ, तन्‍न इं इस्राएल ङा मुर नेल्‍लेमी रुप्‍चा माल्‍नीम। मेको खोइल मदुक्‍ब मुर नासरथ ङा येसु ख्रीस्‍त आ नें ब्रशा साशा गाक्‍ने चाप्‍ब दुम्‍माक्‍त, दे रुपीने। मेको नासरथ ङा येसु ख्रीस्‍त कली गेपुकीमी शीमी केप्‍शा कांटी थोक्‍शा क्‍याइक्‍पाइश्‍शा साइक्‍पाइक्‍तीनी। तन्‍न परमप्रभु यावेमी मेको कली बेक्‍शो रे सेंताक्‍व। प्रेरित ३:६,१३-१६

प्रेरित 4:10 ပူးပေါင်းရင်းမြစ်များ

दानीएल 3:18

तन्‍न आंइ कली मप्रोंइतु हना यो, हजुर, इन कली एको लोव़ तुइक्‍पाइक्‍चा दाक्‍नीकी ‘गोपुकी इन देवी देवता आन कली सेउ मपाइनीकी। मिनु इन राप्‍पाइश्‍शो सुन के मूर्ति आ ङोंइती खुम्‍की पा मबाप्‍नीकी’ देंतेक्‍म” दे पिप कली माइक्‍तेक्‍म। प्रस्‍थान २०:३-५

मत्ती 2:23

मिनु गालील ङा नासरथ सहरमी जाक्‍दीश्‍शा बाक्‍मा बाक्‍त। मारदे हना साइ नेसी परमप्रभु यावे आ लोव़ पाइब आन लोव़ थमा दुम्‍चा माल्‍बाक्‍माक्‍त। मेकोपुकीमी “मेको कली नासरी देंनीम” देंशो बाक्‍मा बाक्‍ब। लूका २:३९; यूहन्‍ना १:४६

लूका 18:37

“नासरथ ङा येसु एको लां पित” देंमा बाक्‍त।

प्रेरित 2:32

परमप्रभु यावेमी येसु कली बेक्‍शो रे सेंताक्‍व। मेको गो आंइ मिक्‍चीमी ताइतक।

प्रेरित 2:36

मोपतीके इस्राएली नेल्‍लेमी मार तुइक्‍चा माल्‍नीनी देंशा हना, गेपुकीमी शीम केप्‍शा कांटी थोक्‍शा साइक्‍पाइश्‍शो येसु कली परमप्रभु यावेमी प्रभु नु ख्रीस्‍त सेल्‍तु” दे माइक्‍मी बाक्‍त। ख्रीस्‍त आ देंशो मस्‍सीह्‍ बाक्‍ब। प्रेरित ५:३१

प्रेरित 28:28

परमप्रभु यावेमी अर्को रागी ङा मुर आन, कली आ लोव़ नेंपाइक्‍ब। मेकोपुकीमी नोफा दाइश्‍शा नेंशा टीनीम, दे तुइक्‍तीन” दे माइक्‍तीमी।

प्रेरित 3:6

मिनु पत्रुसमी “गो नु सुन चांदी मबा। मार बाक्‍मे, मेकोन गेनन। तन्‍न आं के मार मेकोन गेनन। नासरथ ङा येसु ख्रीस्‍त आ नेंमी बोक्‍शा एर ओंथ हिरसो” देंशा,

रोमी 1:4

तन्‍न मुर ला ममाइ। परमप्रभु यावे आ तौ यो बाक्‍ब। “आं तौ बाक्‍ब” दे तुइक्‍पाइक्‍चा कली परमप्रभु यावेमी आ सोक्‍त आ सक्तिम येसु ख्रीस्‍त कली बेक्‍शो रे सेंताक्‍व। मत्ती २८:१८; प्रेरित १३:३३