प्रेरित 3:22 - Sunuwar Bible

²² साइ नेसी परमप्रभु यावे आ लोव़ पाइब मोसामी ‘परमप्रभु, इन परमप्रभु यावेमी आं कली योव़शो खोदेंशो पा आ लोव़ पाइब इन मुर आन दाते रे योव़शा, इन कली वारच पाइब नु लां कोंइब सेल्‍ब। मोपा योव़शोमी इन कली मार मार शेंबा, मेको आ लोव़ नेंशा टिने। ब्‍यवस्‍था १८:१५,१९

प्रेरित 3:22 ပူးပေါင်းရင်းမြစ်များ

मत्ती 21:11

मिनु येसु नु काथा गाक्‍बपुकीमी “गालील रागी ङा नासरथ रे जाक्‍शो परमप्रभु यावे आ लोव़ पाइब येसु एको बाक्‍ब” देंतेक्‍म।

लूका 13:33

मुलाक्‍ती, दीसा नु नित्‍थ नाक्‍ती यरूसलेम मेर गाक्‍नुङ। मारदे हना परमप्रभु यावे आ लोव़ पाइबपुकी साइ रेन यरूसलेम सहरम ला खतम दुम्‍नीम’ देनीन” दे सोइक्‍तीमी बाक्‍त।

लूका 24:19

येसुमी “मार दुम” देंमाक्‍त। मिनु मेको निक्‍शीमी “मार दुम्‍त देंशा हना, नासरथ ङा येसुमी परमप्रभु यावे आ लोव़ पवानु, शुश चिन्‍ड कोंइताक्‍व। परमप्रभु यावे नु मुर नेल्‍ल आन ङोंइती मोदेंशो पाप्‍तु। मत्ती २१:११

यूहन्‍ना 1:17

मोसामी परमप्रभु यावे आ अरेशो लोव़ गेप्‍तु। तन्‍न शिशी पाइब नु परमप्रभु यावे आ थमा लां कोंइब येसु ख्रीस्‍त रे बाक्‍ब। रोमी १०:४

यूहन्‍ना 12:46

रागी ङा मुर आन कली परमप्रभु यावे आ पर्बम तुइक्‍पाइक्‍चा कली गो रागी कली छेङछेङ दुम्‍शा जाक्‍ती। मोपतीके सुम आं कली थमा सुइक्‍बा, मेको छिङछिङमी मबाक्‍ब।

यूहन्‍ना 5:24

नोफा दाइश्‍शा नेनीन, सुमी आं लोव़ नेंबा नु आं कली सोइक्‍ब आं आफ परमप्रभु यावे कली थमा सुइक्‍बा, मेको गेना हना यो ब्रोंइशा बाक्‍चा ताइब। सजाइ मताइब। मारदे हना बेक्‍शो रे गेना हना यो ब्रोंइशा बाक्‍चा ताइब। यूहन्‍ना ३:१६-१८

यूहन्‍ना 8:12

मिनु येसुमी लेंशा फरिसी आन कली “गो रागी कली छेङछेङ नङ। आं नोले खोइक्‍बपुकी गेनायो छिङछिङमी मगाक्‍नीम। ब्रोंइतीक छेङछेङ ताइनीम” देंत। यूहन्‍ना १:५,९; यसैया ४९:६; यसैया ६०:२०; मत्ती ५:१४-१६

प्रेरित 7:37

मेको मोसामी इस्राएली आन कली ‘आं खोदेंशो, परमप्रभु यावेमी आ लोव़ पाइब इन दाते रे का योव़शा, आ लोव़ नेंपाइक्‍ब का सेल्‍ब’ दे तुइक्‍पाइक्‍मी बाक्‍त। ब्‍यवस्‍था १८:१५

रोमी 8:3

परमप्रभु यावेमी अरेशो लोव़ टिने मचाप्‍नीम, दे तुइश्‍शा, आ तौ कली पापी बुद पा रागीम सोइक्‍ताक्‍व। मोपा मेको कली मुर आन पाप आ पर्बम सजाइ गेप्‍तु। प्रेरित १८:३८; प्रेरित १५:१०; हिब्रू २:१७

रोमी 9:5

नेल्‍लेम तुइश्‍शो किकी पिपी एको जात ङा बाक्‍मा बाक्‍त। मिनु मेको आन दाते रे मेको नेल्‍ल आन क्‍येङा ठेयब दुम्‍शा ख्रीस्‍त जरमेसे बाक्‍त। गोपुकीम परमप्रभु यावे कली गेना हना यो मान पय, आमेन। रोमी १:३; मत्ती १:-; लूका ३:२३-३४

गलाती 4:4

मिनु नोले परमप्रभु यावेमी वोइश्‍शो नाक्‍त आ तौ कली सोइक्‍ताक्‍व। मेको आ तौ मीश मुर रे परमप्रभु यावे आ अरेशो लोव़मी जरमेसाक्‍व। मर्कूस १:१५; एफिसी १:१०

हिब्रू 2:1

इं नेंशो लोव़ थुंमी वोइक्‍चा माल्‍ब। थुंमी मवोइक्‍तय हना, मेको लोव़ साम्‍नय।

हिब्रू 5:9

मेको पाको दुम नोले आ कली टीब आन कली गेना हना यो श्‍येत रे प्रोंइशा बाक्‍चा गेब दुम्‍माक्‍त।

प्रकाश 1:1

परमप्रभु यावेमी येसु ख्रीस्‍त कली “मार मार दुम्‍चा चिक्‍ता, आ रागी ङा वाइलीम वाइलपुकीमी तुइक्‍तमेक्‍ल” दे कोंइताक्‍व। मिनु येसु ख्रीस्‍तमी आ स्‍वर्ग ङा गेय पाइब कली आ वाइल यूहन्‍ना आ बाक्‍तीके सोइक्‍ताक्‍व। मारदे सोइक्‍ताक्‍व देंशा हना, मेको दुम्‍चशो लोव़ शेंथ सोइक्‍ताक्‍व।