प्रेरित 3:21 - Sunuwar Bible

²¹ तन्‍न परमप्रभु यावे आ लोव़ पाइबपुकीमी साइ रे मार मार देंमा, मेको लोव़ थमा मदुम सम्‍म येसु ख्रीस्‍त परमप्रभु यावे नु स्‍वर्गम बाक्‍ब।

प्रेरित 3:21 ပူးပေါင်းရင်းမြစ်များ

यसैया 1:26

मिनु गो इ निसाफ पाइब, सासन पाइब नु अर्ती गेब आन कली ङोंइती ङा खोदेंशो सेल्‍नुङ। नोले इ कली ‘ठीक पाइब नु परमप्रभु कली मप्रोंइब सहर’ दे नें वोइक्‍नीम। जकरिया ८:३

लूका 1:70

साइ नेसी परमप्रभु यावेमी आ लोव़ पाइब आन कली मेको इस्राएल कली पाप रे प्रोंइब आ पर्बम लोव़ पपदा बाक्‍त। मिनु मेको लोव़ पाइबपुकीमी मार देंमा बाक्‍त देंशा हना

प्रेरित 1:11

मिनु मेको निक्‍शीमी “ए गालील ङा मुर, मार सरीङ गे कोव़ना कोव़न बाक्‍नी? येसु इन बाक्‍तीके रे परमप्रभु यावे आ बाक्‍तीके लाइक्‍चा पुंइसाक्‍व। दोपा लशो तनी, मोपा काबु लेश्‍शा यीब, दे तुइक्‍तीने” देंसा बाक्‍त। लूका २१:२७

प्रेरित 10:43

सु सुमी येसु कली थमा सुदमे, मेकोपुकी येसु आ नेंमी आन पाप क्‍याम्चा पुंइसीनीम। साइ ङोंइती रे परमप्रभु यावे आ लोव़ पाइबपुकीमी मोदेंशो देंशो बाक्‍नीम” दे शेंदीमी बाक्‍त। यसैया ५३:५-६; येरमीया ३१:३४

प्रेरित 3:19

मुल चहिं इन थुं परमप्रभु यावे गे लेश्‍शा, ख्रीस्‍त कली थमा सुतीन। मिनु मेकोमी इन पाप क्‍याम्‍ब। प्रेरित २:३८

प्रेरित 3:20

मिनु मेकोमी इन कली रिम्‍शो बाक्‍चा गेब। मिनु परमप्रभु यावेमी पाप रे प्रोंइब, येसु ख्रीस्‍त इन बाक्‍तीक सोइक्‍ब। मिनु इन थुं नाइक्‍पाइक्‍ब।

रोमी 8:21

नोले परमप्रभु यावेमी आ तमी तौ आन कली बेक्‍शा राक्‍चा रे प्रोंइशो खोदेंशो पा आ सेल्‍शो नेल्‍ल आन कली यो आ छेङछेङमी प्रोनानु, शुश रिम्‍शो दुम्‍ब। २पत्रुस ३:१३

हिब्रू 1:1

साइ नेसी परमप्रभु यावेमी आ लोव़ पाइब आन कली मार मार पपाइश्‍शा नु कोंइशा, इं किकी पिपी नु लोव़ पाइबाक्‍माक्‍त।

२ पत्रुस 1:21

मुर आन थुं रे मपीब। तन्‍न परमप्रभु यावे आ सोक्‍तीम आ मुर आन कली सुम्‍शा, परमप्रभु यावे आ लोव़ ब्रेक्‍पाइश्‍शो बाक्‍ब, दे रुप्‍चा माल्‍नीनी। १तिमोथी ३:१६-१७

२ पत्रुस 3:2

इन कली मार फ्रुक्‍पाइक्‍चा दाक्‍ताक्‍ङ देंशा हना, परमप्रभु यावे आ साइ ङा लोव़ पाइब आन ब्रेक्‍शो लोव़ फ्रुक्‍पाइक्‍चा दाक्‍ताक्‍ङ। पाप रे प्रोंइब प्रभु आ अरेशो लोव़ इन कली मिम्‍पाइक्‍चा दाक्‍ताक्‍ङ। इन शेंबपुकीमी इन कली शेंताक्‍मे।

प्रकाश 18:20

मिनु स्‍वर्गमी बाक्‍ब नेल्‍ले ग्‍येरसीने। परमप्रभु यावे आ योव़शोपुकी, ख्रीस्‍त आ सोइश्‍शोपुकी नु परमप्रभु यावे आ लोव़ पाइबपुकी ग्‍येरसीने। मारदे हना, परमप्रभु यावेमी इन कली गेशो श्‍येत आ पर्बम मेको कली सजाइ गेप्‍तु” देंशो नेंता। येरमीया ५१:४८

प्रकाश 22:6

मिनु मेकोमी आं कली “एको लोव़ नेल्‍ल थमा बाक्‍ब। मोपतीके थमा सुइक्‍ने चाप्‍नीम। परमप्रभु यावे आ लोव़ पाइब आन सोक्‍त ङा प्रभु बाक्‍ब। मोपतीके आ वाइलीम वाइल आन कली आ स्‍वर्ग ङा गेय पाइब का सोइक्‍ताक्‍व। मारदे सोइक्‍ताक्‍व देंशा हना, दुम्‍चशो लोव़ शेंथ सोइक्‍ताक्‍व। आमेन। प्रकाश १:१