प्रेरित 28:9 - Sunuwar Bible

⁹ मोपा सापाइश्‍शो तशा, टापु ङा रोइ पशो मुरपुकी जाक्‍शा, आन रोइ सापांइसाक्‍म।

प्रेरित 28:9 ပူးပေါင်းရင်းမြစ်များ

मत्ती 4:24

मिनु सिरीया रागी नेल्‍ल मेको आ पर्बम लोव़ ब्रम्‍माक्‍त। मिनु रोइ पशो मुर नेल्‍ल आन कली येसु आ बाक्‍तीकेमी चाक्‍स ङा चाक्‍स पाइबाक्‍मा बाक्‍त। वोलमी तशो, वोलमी सुम्‍शो नु गुइ खोइल मदुक्‍ब मुर चाक्‍गमे बाक्‍त। मिनु येसुमी मेको नेल्‍ल आन कली सापाइक्‍मी बाक्‍त। मर्कूस ६:५५

प्रेरित 13:6

मिनु साइप्रस टापु नेल्‍ल हिरशा, गाक्‍मा गाक्‍मा पाफोस सहरमी जाक्‍दीम्‍मा बाक्‍त। मेकेर जाक्‍दीश्‍शा बाक्‍मानु, बार-येसु माइश्‍शो चटक कोंइब, यहूदी मुर का ग्रुम्‍मे बाक्‍त। मेको “परमप्रभु यावे आ लोव़ पाइब नङ” देंखु पा गाक्‍बाक्‍माक्‍त।

प्रेरित 28:10

मिनु टापु ङा मुर नेल्‍लेमी ग्‍येरसीशा, आंइ कली मार मार चाक्‍शा गेम्‍तेक्‍म। गाक्‍चकानु लांमी जचा कली लाम्‍जी कुम्‍ज सेल्‍शा कुरपा सोइक्‍ताक्‍म।

प्रेरित 28:8

पुब्‍लीयस आ खिंमी बा‍स बाक्‍कानु, आ आफ ख्‍युर पा जरो पा रोइ पशो बाक्‍त। मिनु पावलमी रोइ पाइब कली ग्रुम्‍थ लशा, आ गुइ मेको तारी वोइश्‍शा, प्रार्थना पा सापाइक्‍तु।

प्रेरित 5:12

मिनु सोइश्‍शोपुकीमी मुर आन दातेमी शुश चिन्‍ड नु छक लाक्‍चा ङा गेय पाम्‍तेक्‍म। मेको नेल्‍ल सोलोमन नें वोइश्‍शो थाम पाइश्‍शो ठेयब कोठाम बाक्‍बाक्‍मा बाक्‍त। प्रेरित ३:११

प्रेरित 5:15

सोइश्‍शोपुकीमी शुश छक लाक्‍चा ङा गेय पशो तशा, मुरपुकीमी रोइ पाइब आन कली चाक्‍शा, लां पित्‍थ इप्‍पाइश्‍शा, वोइक्‍बाक्‍मा बाक्‍त। मारदे हना पत्रुस मेको लां गाक्‍मेनु, आ वांकुम योइश्‍शा साब, दे मिम्‍शा मो पाइबाक्‍मा बाक्‍त। प्रेरित १९:११-१२