प्रेरित 28:21 - Sunuwar Bible

²¹ मिनु मेकोपुकीमी पावल आ लोव़ नेंशा “इ पर्बम यहूदीया रे लोव़, चिठी का यो मजा। मेक रे एक जाक्‍शो लोक्‍ब सुइमी इ पर्बम मरिम्‍शो लोव़ पा दोस मगेम।

प्रेरित 28:21 ပူးပေါင်းရင်းမြစ်များ

यसैया 54:17

गे नु लडाइ पचा कली सेल्‍शो यामी मग्रानीम। इ कली सुमी निसाफ पची ना दोस गेबा, मेको नेल्‍ल फ्रुचा पुंइसीनीम। मोपा ग्रातीके परमप्रभु यावे आं गेय पाइब आन अङस बाक्‍ब। मेको आं गेशो ठीक पतीके बाक्‍ब” दे परमप्रभु यावेमी देंत।

यसैया 50:8

“गे रिम्‍शो पाइब बाक्‍नेवे” देंब आं नेक्‍था बाक्‍ब। गो नु सु लडाइ पाइबा? कालेमी बोक्‍शा राप्‍य। दोस गेब, सु बाक्‍मा? मेको आं ङोंइती जाक्‍मल। रोमी ८:३३

यसैया 41:11

गे नु गाइक्‍ब नेल्‍ल मुने दोक्‍शा, शिशी मताइ‍नीम। इ जोरी सत्रु नेल्‍ल फश खोदेंशो दुम्‍शा, जाम्‍शा लाइनीम।

प्रेरित 22:5

एको आं देंशो थमा बाक्ब, दे ठेयब चढ़ेब नु जोक्‍ब तुइक्‍ब खाल्‍पा नेल्‍लेम तुइक्‍नीमी। मेकोपुकीमी दमस्‍कसमी बाक्‍ब यहूदी ग्रुम्‍तीक खिं ङा ठेयब मुर आन कली चिठी ब्रेक्‍शा, ख्रीस्‍त कली थमा सुइक्‍ब आन कली ग्‍याइश्‍शा यरूसलेम चाक्‍चा, दे अधिकार गेतीमी। मिनु थमा सुइक्‍ब आन कली ग्‍याइक्‍थ दमस्‍कस लती।

प्रस्‍थान 11:7

इस्राएली आन दातेमी चहिं मुर नु बस्‍तु भाव आन चां का यो महेम्‍ब। परमप्रभु यावेमी इजीप्‍त ङा मुर आन कली नु इस्राएल ङा मुर आन कली खाल का ङा मपाइब, दे तुइक्‍तमेक्‍ल। प्रस्‍थान ९:४

प्रेरित 3:17

आं लोक्‍बपुकी, इन ठेयब मुरपुकी नु गे नेल्‍लेमी येसु कली मतुइक्‍थु, साइक्‍पाइक्‍तीनी, दे तुइक्‍नुङ। लूका २३:३४

प्रेरित 28:14

मेकेर जाक्‍दीश्‍शा, जहाज रे तोइश्‍शा, सहर लाइतक। मिनु थमा सुइक्‍ब लोक्‍ब आन कली ग्रुम्‍कानु, मेकोपुकीमी “बाक्‍कीन, बाक्‍कीन” देंतीके ७ नाक्‍त सम्‍म बाक्‍तक। मिनु रोम सहर गे लाइतक।

रोमी 9:3

आं लोक्‍ब, आ खिं ङा मुर आन पा ङा गो सराप रशा, ख्रीस्‍त रे तिल्‍चा पुंइसीचा यो बिस्‍सीङ वा। प्रस्‍थान ३२:३२