प्रेरित 27:43 - Sunuwar Bible

⁴³ कप्‍तानमी चहिं “पावल कली मसाइक्‍थु ब्रोंइचा गेचा” दे आ थुं फ्रेंशो बाक्‍माक्‍त। मोपतीके सुइ कली साइक्‍चा मगेव। दोम्‍ली ग्‍यारस जोक्‍ब आन कली दोम्‍ली ग्‍यारशा रागीमी ग्रूङीन, दे सोइक्‍ताक्‍मी।

प्रेरित 27:43 ပူးပေါင်းရင်းမြစ်များ

हितोपदेस 16:7

परमप्रभु यावेमी मुर आन पशो तशा ग्‍येरसाक्‍व हना, मेको कली आ जोरी सत्रु नु यो गारपाइश्‍शा वोइक्‍ब। उत्‍पत्ती ३१:२४; उत्‍पत्ती ३३:४

प्रेरित 23:10

मिनु आन जिचा बारना बारन लशा, तुम्‍मुचा गोव़मे बाक्‍त। मिनु लडाइ पाइब आन ठेयब मुर “पावल कली साइक्‍नीमी कोर में” दे हिंशा, सिपाही आन कली ब्रेश्‍शा, पावल कली ग्रुंइशा, सिपाही आन बाक्‍तीके लेश्‍शा चाक्‍पदा बाक्‍त।

प्रेरित 23:24

पावल कली यो शारा का साशा वोतीसे। लांमी पावल कली सुइमी मारेइ पाइक्‍ने मचाप्‍मेक्‍ल, दे रिम्‍शो पा हुकुम पाइब फेलीक्‍स आ ङोंइती चाक्‍दीत्‍तीसे” दे माइक्‍सी बाक्‍त।

प्रेरित 27:11

कप्‍तानमी चहिं पावल आ देंशो लोव़ थमा मसुइक्‍थु, जहाज आ होव़प नु चलेब आन लोव़ नेंतु।

प्रेरित 27:3

मेकेर रे लशा, आ दीसा नाक्‍त सीदोन जाक्‍दीत्‍तक। मेकेर जाक्‍दीक्‍कानु, कप्‍तान युलीयसमी पावल कली रिम्‍शो पा आ वारच आन कली ग्रुम्‍थ लचा गेप्‍तु। मिनु मेकोपुकीमी पावल कली रिम्‍शो पाम्‍तेक्‍म। प्रेरित २४:२३; प्रेरित २८:१६

प्रेरित 27:31

मिनु पावलमी मेको आन मो पचशो तुइश्‍शा, कप्‍तान कली “मेकोपुकी प्रोक्‍शा गाक्‍तेक्‍म हना, गो नेल्‍ल ग्रुम्‍शा बेक्‍नय” दे माइक्‍तु।

प्रेरित 27:42

एको चोक्‍सीशा लाइश्‍शोपुकी प्रोक्‍नीमी कोर में, दे हिंशा, सिपाहीपुकीमी मेको आन कली प्रोक्‍चा मगेथु साइक्‍चा, दे मिम्‍शो बाक्‍मा बाक्‍त।

२ कोरिन्‍थी 11:25

खेयप सां कोक्‍केमी तुप्‍तीमी। काले फुल्‍लु आप्‍तीमी। खेयप सां आं ङोइश्‍शो जहाज समुन्‍द्रम ग्रुम्‍शा हेरा बेक्‍ती। मो दुम्‍मेनु, काब नाक्‍दो नाक्‍ती समुन्‍द्रम बाक्‍ती। प्रेरित १६:२२; प्रेरित १४:१९