प्रेरित 27:4 - Sunuwar Bible

⁴ मिनु लेश्‍शा जाक्‍शा, जहाज ङोइश्‍शा, लाइतक। मिनु साइप्रस आ नेक्‍नेक्‍था जाक्‍दीत्‍तक। मारदे हना फश गिवारमी आइदी लां लचा मगेव।

प्रेरित 27:4 ပူးပေါင်းရင်းမြစ်များ

मत्ती 14:24

शेंसीबपुकी चहिं समुन्‍द्र आ दातेम जाक्‍दीश्‍शा, फश नु छालमी तेक्‍शा, श्‍येत जाम्‍तेक्‍म।

मर्कूस 6:48

मिनु येसुमी आ शेंसीबपुकीमी श्‍येत जामे बाक्‍त, दे तुइक्‍ता बाक्‍त। मारदे हना फशेमी डोंगा तेक्‍गा बाक्‍त। मिनु नां सोव़चावानु, येसु ब्‍वाक्‍कु तारी गाक्‍शा पिमाक्‍त।

लूका 8:22

काबु येसु नु आ शेंसीबपुकी डोंगाम ङोइश्‍शा “समुन्‍द्र शोक्‍शा, आइक्‍ची हांबु ल‍य” दे लचा गोव़मे बाक्‍त।

प्रेरित 13:4

मिनु मेको निक्‍शी परमप्रभु यावे आ सोक्‍तीमी योव़शा सोइक्‍तीके एन्‍टीओक सहर रे ब्रुप्‍शा, सिलुसीया सहरमी जाक्‍दीस्‍सा बाक्‍त। मेकेर जहाज ङोइश्‍शा समुन्‍द्र शोक्‍शा, साइप्रस टापु जाक्‍दीस्‍सा बाक्‍त।

प्रेरित 15:39

मिनु बारनाबास लाइक्‍चा, पावलमी मलाइक्‍चा देंतीके मेको आस लोव़ मगारथु, जिशा ब्रासा बाक्‍त। मिनु बारनाबासमी मर्कूस कली लाइश्‍शा, जहाज ङोइश्‍शा साइप्रस लमाक्‍त।

प्रेरित 21:16

सिजरिया ङा थमा सुइक्‍बपुकी यो गो नु गाक्‍तेक्‍म। यरूसलेममी जाक्‍दीश्‍शा, मेको गो नु गाक्‍बपुकीमी मनासोन आ खिंमी बास बाक्‍चा, दे चाक्‍दीत्‍तेक्‍म। मनासोन चहिं साइप्रस टापु ङा बाक्‍माक्‍त। साइ ङोंइती रे ख्रीस्‍त कली थमा सुइक्‍ब बाक्‍माक्‍त।

प्रेरित 21:3

साइप्रस टापु तांइसीतीक जाक्‍दीश्‍शा, साइप्रस गे मलथु, आइदी रे पा ग्रीशा लशा, सिरीया रागी ङा टायर सहरमी जाक्‍दीश्‍शा तोंइ‍साक्‍क। मारदे हना मेको जहाजमी कुर‍शो भारी शोल्‍चा माल्‍शो बाक्‍त।

प्रेरित 27:7

मिनु लकानु, शुश फश गिवार पा तेक्‍तीके श्‍येत पा ओंखां ओंखां लशा, क्‍नीदोस रागी आ नेक्‍था जाक्‍दीत्‍तक। फश गिवार मलीथु, आइक्‍था रे पा साल्‍मोने नु क्रेट टापु आस नेक्‍नेक्‍था लां रे पा लाइतक।

प्रेरित 4:36

मोदेंशो गेब का चहिं योसेफ माइश्‍शो मुर का बाक्‍माक्‍त। मेको योसेफ साइप्रस रागीमी जरमेशो लेवी आ थर ङा बाक्‍माक्‍त। सोइश्‍शोपुकीमी योसेफ आ याइनी नें बारनाबास वोइश्‍शो बाक्‍मा बाक्‍त। बारनाबास देंशो “आन थुं ग्‍येत्‍थ लुक्‍च दुम्‍शो मुर आन कली आन थुं नाइक्‍पाइक्‍ब” दे रुम्‍सीब। प्रेरित ११:२२-२६; प्रेरित १२:२५; प्रेरित १५:२; गलाती २:१कलस्‍सी ४:१०