प्रेरित 26:6 - Sunuwar Bible

⁶ परमप्रभु यावेमी आंइ किकी पिपी आन कली लोव़ गेशो बाक्‍माक्‍त। मिनु मेको लोव़ आ पर्बम दोस ताइब दुम्‍ती। प्रेरित २८:२०

प्रेरित 26:6 ပူးပေါင်းရင်းမြစ်များ

उत्पत्ती 12:3

सुमी इ कली आसीक गेवा, गो मेको कली आसीक गेनुङ। सुम इ कली सराप पाइबा, गो मेको कली सराप पाइनुङ। इ पर्बम रागी ङा मुर नेल्‍ल आसीक ताइनीम” देंमाक्‍त। उत्‍पत्ती १८:१८; उत्‍पत्ती २२:१८; उत्‍पत्ती २६:४; उत्‍पत्ती २८:१४; प्रस्‍थान २३:२२; प्रेरित ३:२५; गलाती ३:८

उत्पत्ती 22:18

इ चच युइ आन पर्बम रागी रागी ङा मुर नेल्‍ल आसीक राइनीम। मारदे हना गे आं देंशो टीब बाक्‍ते’ दे परमप्रभु यावेमी देंत” दे आ स्‍वर्ग ङा गेय पाइबम अब्राहाम कली लोव़ पवा बाक्‍त। उत्‍पत्ती १२:३; गलाती ३:१६

उत्पत्ती 26:4

इ चच युइ आन कली सरीङ ङा सोरुल खोदेंशो पा शुश सेल्‍नुङ। मेको आन कली एको रागी नेल्‍ल गेनुङ। मिनु इ चच युइ आन पर्बम रागी रागी ङा मुर नेल्‍ल आसीक ताइनीम।

उत्पत्ती 3:15

गे नु मेको मीश मुर जिशा, बाक्‍चा मलीसे। मेको आ युइ नु इ युइ जिशा बाक्‍नीमी। मीश मुर आ युइ कामी इ पिया दिम्‍शा प्रोल्‍ब। गे चहिं मेको आ गेंग्रेम कोक्‍नेवे” दे सराप पदा बाक्‍त। प्रकाश १२:४-५,१५-१७

उत्पत्ती 49:10

ठेयब श्‍येत रे प्रोंइब मजाक्‍म सम्‍म आ राज दन्‍ड आ सासन पतीके आ गुइमी लीब। जात जात ङा मुर मेको आ नोले खोइक्‍नीम। गन्‍ती २४:१७; १इतिहास ५:२; हिब्रू ७:१४; इजीकीएल २१:३२

भजन संग्रह 132:11

परमप्रभु यावेमी दाऊद नु लोव़ पा कसम जशो बाक्‍त। मेकोमी “गो इ सासन पतीकेमी इ तौ का वोइक्‍नुङ” दे लोव़ पशो बाक्‍त। परमप्रभु यावेमी आ पशो लोव़ खाप्‍ब। भजन संग्रह ८९:४-५; हिब्रू ६:१७

भजन संग्रह 132:17

गो मेकेर दाऊद आ खिं ङा मुर आन मान बारपाइक्‍नुङ। आं तेल लुक्‍शो मुर कली रिम्‍शो तौ का गेता। १सामुएल २:१०; १राजा ११:३६

भजन संग्रह 98:2

परमप्रभु यावेमी आ ग्रातीके कोंइशा, आ श्‍येत रे प्रोंइतीके रागी रागी आन ङोंइती कोंइताक्‍व।

यसैया 4:2

मेको नाक्‍ती परमप्रभु यावे आ राशी दारशो नु थम रिम्‍शो बाक्‍ब। मिनु रागी आ दारसम ब्रोंइशा लीशो इस्राएली आन कली आन थुं बारपाइश्‍शा, ग्‍येरपाइक्‍ब दुम्‍ब। येरमीया ३३:१५

यसैया 7:14

मोपतीके परमप्रभुमी इन कली चिन्‍ड का गेब। मेको चिन्‍ड मार बाक्‍ब देंशा हना, कन्‍ने मीश आलम कोव़ज कुरशा तौ का थीब। मेको आ नें इम्‍मानुएल वोइक्‍नीम। मत्ती १:२३

इजीकीएल 21:27

मारेइ मारेइ ब्रेश्‍शो बाक्‍ब। मेको गो पाता। मेको मोदेंशो गेनायो मदुम्‍शो बाक्‍त। मेको सासन पचा कली शिरशो दुम्‍शा जाक्‍त हना, मेको कली गेनुङ” देंत। उत्‍पत्ती ४९:१०

इजीकीएल 37:24

आं गेय पाइब दाऊद मेको आन पिप दुम्‍ब। मिनु मेको आन गोठला कान दुम्‍ब। मिनु मेकोपुकीम आं निसाफ पतीक लोव़ टीनीम। मिनु मेकोपुकीम आं फुल्‍लुम मुशा ब्रेक्‍शो लोव़ होस पा पाइनीम। इजीकीएल ३४:२३; इजीकीएल ३६:२७

होसे 3:5

मिनु नोले ङा नाक्‍तीमी इस्राएलीपुकी लेश्‍शा, परमप्रभु यावे, आन परमप्रभु कली नु आन पिप दाऊद कली माल्‍नीम। मेकोपुकी ख्रिंख्रि पा आन परमप्रभु यावे गे लेश्‍शा, आसीक ताइनीम। येरमीया ३०:९; इजीकीएल ३४:२३-२४

योएल 2:32

मेना परमप्रभु यावे आ नें थोइब नेल्‍ल ब्रोंइचा ताइनीम। मारदे हना परमप्रभु यावेमी देंशो खोदेंशो पा सियोन डांडा नु यरूसलेममी परमप्रभु यावेमी ब्रेश्‍शोपुकी ब्रोंइचा ताइनीम। मिनु मेको प्रोंइशो आन दातेमी परमप्रभु यावे आ योव़शो मुर बाक्‍नीम। रोमी १०:१३; ओबदिया १७

ओबदिया 1:21

ब्रोंइशोपुकी सियोन डांडा ङोइश्‍शा कुइ‍नीम। मिनु एसाव आ डांडा कली सासन पाइनीम। मिनु मेको राज्‍य परमप्रभु यावे के दुम्‍ब।

मीका 5:2

तन्‍न गे बेथलेहेम एफ्राथाह, गे यहूदा ङा सहर आन दाते ङा आइक्‍च बाक्‍ते हना यो, इ रे पा आं पा ङा इस्राएल कली हुकुम पाइब का जाक्‍ब। मेको साइ ङोंइती रेन बाक्‍शो बाक्‍त। यसैया ४:१७; यसैया ११:१२

मीका 7:20

गे याकूब कली इन थमा सुइक्‍तीके कोंइ‍नीनी। मिनु अब्राहाम कली दाक्‍शा मप्रोंइतीके कोंइताक्‍नी। गे साइ ङोंइती आंइ किकी पिप आन कली कसम जशा लोव़ गेशो बाक्‍तीनी। उत्‍पत्ती २८:१३-१५; उत्‍पत्ती २२:१६-१८; लूका १:७३

जकरिया 13:1

मेको नाक्‍ती दाऊद आ खिं नु यरूसलेममी बाक्‍ब मुर आन पाप नु आन मरिम्‍शो पशो क्‍याम्‍चा कली ब्‍वाक्‍कु बुक्‍तीके का बुक्‍शा ग्रू‍ब। यसैया १२:३; यसैया ५५:१

जकरिया 13:7

मिनु मुर नेल्‍ल आन परमप्रभु यावेमी मार देंत देंशा हना ‘तरवार, आं गोठला आ पर्बम बोक्‍को। नेल्‍ल क्‍येङा आं नेक्‍था ङा मुर आन पर्बम बोक्‍को। गोठला कली तुपो। मिनु भेडापुकी ब्रमल। मिनु गो आं गुइ आइक्‍च गोठला आन पर्बम क्‍युक्‍नुङ। मत्ती २६:३१

जकरिया 6:12

मिनु मेको कली मुर नेल्‍ल आन परमप्रभु यावेमी मार देंत देंशा हना ‘मेकेर मुर का बाक्‍ब। मेको आ नें राशी बाक्‍ब। मेको राशी आ बाक्‍तीकेमी बारशा, परमप्रभु यावे आ खिं सेल्‍चा माल्‍ब।

जकरिया 9:9

सियोन आ तमी, साप्‍पा ग्‍येरसो। यरूसलेम आ तमी ग्‍येरशा ठेयब सेंदा पा ग्रीङो। मारदे हना इ पिप इ बाक्‍तीकेमी जाक्‍ना जाक्‍न बाक्‍ब। मेको ग्राशा ग्‍येरसीशा जाक्‍ब। मेको ब्रेम्‍शो बाक्‍ब। मेको गधा तार ङोइश्‍शा जाक्‍ब। गधा आ चाइक्‍ब तार ङोइश्‍शा जाक्‍ब। सेफन्‍याह ३:१४; मत्ती २१:५

मलाकी 3:1

परमप्रभुमी “नेनीन, गो आं लोव़ पाइब आं ङोंइती सोइक्‍नुङ। मेकोमी आं ङोंइती आं लां सेल्‍चा माल्‍ब। इन माल्‍शो प्रभु रीब पा आ खिंम जाक्‍ब। मेको इन माल्‍शो कबल ङा लोव़ चोक्‍ब बाक्‍ब। गे मेको कली शुश दाक्‍नीनी” दे मुर नेल्‍ल आन परमप्रभु यावेमी देंत। मत्ती ११:१०; मर्कूस १:२; लूका १:१७

मलाकी 4:2

तन्‍न गे आं नें कली मान पाइब, इन ङोंइती आं ठीक पतीके नां खोदेंशो पा दाप्‍ब। इन रोइ यो सानीनी। गे गोठ रे पा ग्रूशो बाछा खोदेंशो पा प्रेक्‍ना प्रेक्‍न दोरनीनी। लूका १:७८

प्रेरित 23:6

मिनु पावलमी कछडीम बाक्‍बपुकी का निक्‍शी सदुकी, का निक्‍शी फरिसी बाक्‍नीम, दे तुइश्‍शा, ठेयब सेंदा पा “आं लोक्‍बपुकी, गो फरिसी नङ। गो फरिसी आ तौ नङ। बेक्‍शो रे सेंसीशा ब्रोंइचा तांइसीब, दे थमा सुइश्‍शो लोव़मी आं कली दोस गेशा, मुददा कोप्‍ताक्‍यीमी” देंमाक्‍त। प्रेरित २२:३; प्रेरित २६:५; गलाती १:१४

प्रेरित 24:15

गो नु अर्को यो ठीक पाइब नु ठीक मपाइब बेक्‍शो रे सेंसीचा पुंइसीनीम, दे थमा सुइक्‍नीकी। दानीएल १२:२; यूहन्‍ना ५:२८-२९

प्रेरित 24:21

आं देंशो लोव़ का आ पर्बम दोस गेतीमी, दे तुइक्‍नुङ। मेको आं देंशो लोव़ मार बाक्‍ब देंशा हना ‘मुर बेक्‍शो रे सेंसीनीम’ दे थमा सुइक्‍नुङ। मेको आ पर्बम आं कली मुददा कोप्‍ताक्‍यीमी। मिनु इन ङोंइती राप्‍पाइय्‍यीनी, दे माइक्‍तामी। मिनु मुल इन ङोंइती राप्‍पाइक्‍तीमी” दे पावलमी देंमाक्‍त। प्रेरित २३:६

प्रेरित 26:8

परमप्रभु यावेमी बेक्‍शा लशो आन कली सेंपाइश्‍शा गेना हना यो ब्रोंइशा बाक्‍चा गेब देंशो लोव़ थमा सुइक्‍तीक लोव़ ममाइ ङा? हजुरपुकी, एको लोव़ मारदे थमा सुइक्‍ने मचाप्‍नीनी? प्रेरित २३:८

प्रेरित 28:20

इन कली एको लोव़ नेल्‍ल रुप्‍पाइक्‍थ ब्रेश्‍शा खुप्‍ताक्‍न्‍नी। आं दोस चहिं मार बाक्‍ब देंशा हना, इं इस्राएलीपुकीमी परमप्रभु यावेमी पाप रे प्रोंइब ख्रीस्‍त कली रागीमी सोइश्‍शो देंशो लोव़ थमा सुइश्‍शो आ पर्बम साङलो पाइक्‍चा पुंइसाक्‍ङ” दे माइक्‍तीमी। प्रेरित २६:६-७

प्रेरित 3:24

मोसामी देंशो लोव़ ला ममाइ। परमप्रभु यावे आ लोव़ पाइब सामुएल नु अरु शुशेमी मोसामी देंशो खोदेंशो लोव़ पामे बाक्‍त।

रोमी 15:8

इं किकी पिपी आन कली गेशो लोव़ खाप्‍चा कली ख्रीस्‍त यहूदी आन कली पाप रे प्रोंइब दुम्‍त। मोपा परमप्रभु यावे आ देंशो थमा बाक्‍ब, दे कोंइचा कली मोदेंशो दुम्‍त। मत्ती १५:२४; प्रेरित ३:२५

गलाती 4:4

मिनु नोले परमप्रभु यावेमी वोइश्‍शो नाक्‍त आ तौ कली सोइक्‍ताक्‍व। मेको आ तौ मीश मुर रे परमप्रभु यावे आ अरेशो लोव़मी जरमेसाक्‍व। मर्कूस १:१५; एफिसी १:१०

ब्‍यवस्‍था 18:15

परमप्रभु यावे, इन परमप्रभुमी इन दाते रे आं खोदेंशो पा आ लोव़ पाइब का योव़ब। गेपुकीमी मेको आ लोव़ नेंचा माल्‍नीनी। गन्‍ती १२:६-८; यूहन्‍ना १:४५; यूहन्‍ना ६:१४; यूहन्‍ना ७:४०; प्रेरित ३:२२; प्रेरित ७:३७

तीतस 2:13

मोदेंशो दुम्‍शा, मान ताइब परमप्रभु यावे नु इं कली पाप रे प्रोंइब येसु ख्रीस्‍त आ छेङछेङ ग्रूब, दे गो आस पशा रिम्‍नय। १कोरिन्‍थी १:७; फिलिप्‍पी ३:२०; १थिस्‍सलोनिकी १:१०