प्रेरित 26:3 - Sunuwar Bible

³ मारदे हना यहूदी आन पतीके नु गारचा ङा मगारचा ङा लोव़ नेल्‍ल हजुरमी, रिम्‍शो पा तुइश्‍शो बाक्‍नीनी। लोव़ शुश बाक्‍ब। मोपतीके मब्रीथु, हजुरमी, नेंशा गेचा नङ।

प्रेरित 26:3 ပူးပေါင်းရင်းမြစ်များ

येरमीया 32:11

मिनु गो आं रू ग्‍याप्‍शो ब्रेक्‍शो छाप थोक्‍शो कागज ताक्‍ता। छाप थोक्‍शो नु छाप मथोक्‍शो कागज यो ताक्‍ता।

प्रेरित 21:21

मेकोपुकीमी ‘पावलमी अर्को रागी ङा मुर नु बाक्‍ब यहूदी आन कली मोसामी अरेशो लोव़ पचा प्रोनीने, इन आल आन कली ख्रोइक्‍तीक चिनु मख्रोतीन’ दे शेंना शेंन गाक्‍ब, देंशो नेंशो बाक्‍नीमी। प्रेरित १६:३

प्रेरित 24:10

मिनु हुकुम पाइबमी पावल कली लोव़ पचा गेवा बाक्‍त। मिनु पावलमी “हुकुम पाइब, हजुर, एको रागीम शुश बर्स ङोंइती रे निसाफ पाइब बाक्‍नीनी, दे तुइश्‍शा, गो ग्‍येरसीशा ठेयब थुं पा आन गेशो दोस नेंशा लोव़ लेत्‍नुङ। मार लोव़ बाक्‍मे, मेको लोव़ नेल्‍ल देंनुङ।

प्रेरित 24:4

हजुर, कली शुश मक्‍योल्‍चा, दे मिम्‍नुङ। तन्‍न लोव़ का चहिं पचा गेयीनी।

प्रेरित 25:26

तन्‍न सिजर कली एको मुर आ पर्बम मार लोव़ ब्रेक्‍चा ङा? आ दोस ग्रुंइने मचबु। मोपतीके मुलाक्‍ती अग्रीप्‍पा सरकार नु हजुर नेल्‍ल इन ङोंइती राप्‍पाइक्‍ता। गो नेल्‍लेमी हिल्‍लो हिक्‍सी पा दोस ग्रुंइताक्‍य हना, सिजर पिप कली ब्रेक्‍शा सोइक्‍ने चाप्‍नुङ।

प्रेरित 26:2

“अग्रीप्‍पा सरकार, यहूदीपुकीमी शुश दोस गेतीमी। मिनु मेको दोस आ पर्बम हजुर नु लोव़ पचा तङानु, गो ग्‍येरसाक्‍यी।

प्रेरित 26:26

अग्रीप्‍पा सरकारमी आं देंशो लोव़ नेल्‍ल रुप्‍शो बाक्‍ब, दे तुइक्‍ताक्‍ङ। मोपतीके आं ग्राकी लोक्‍शा लोव़ पाता। सरकारमी ख्रीस्‍त आ पर्बम ब्रशो शुश लोव़ नेंशा रुप्‍शो बाक्‍माक्‍त। ख्रीस्‍त आ पर्बम दुम्‍शो चहिं का निक्‍शीमी ला तुइश्‍शो मनमी। शुशेमी तुइश्‍शो बाक्‍नीमी। यूहन्‍ना १८:२०

प्रेरित 26:7

मिनु मेको लोव़ नेल्‍ल खाप्‍ब, दे आंइ १२ थर ङा यहूदी नेल्‍लेमी थमा सुइश्‍शा, परमप्रभु यावे कली नाक्‍दो नाक्‍त ठेयब सेल्‍शा बाक्‍नीकी। मेको आन थमा सुइश्‍शो खोदेंशो पा गो यो थमा सुइक्‍ब का नङ। मेको थमा सुइश्‍शो आ पर्बम आं कली दोस गेतीमी, अग्रीप्‍पा सरकार। प्रेरित २४:१५

प्रेरित 28:17

रोम सहरम जाक्‍दीश्‍शो आ सांबु नाक्‍ती पावलमी रोममी बाक्‍ब यहूदी आन ठेयब मुर ब्रेश्‍शा खुप्‍ताक्‍मी। मिनु मेको आन कली “आं लोक्‍बपुकी, आं लोव़ का निक्‍शी नेनीन। इं यहूदी नु इं किकी पिपी आन पतीके पना पन बाक्‍ती हना यो, यरूसलेममी बाक्‍ब लोक्‍बपुकीमी आं कली दोस गेशा ग्‍याइश्‍शा, रोमी सरकार आन गुइमी गेतीमी। प्रेरित २३:१

प्रेरित 6:14

मेको नासरथ ङा येसुमी परमप्रभु यावे आ खिं प्रेप्‍ब। मोसामी गेशो पतीके लोव़ प्रोंइशा, नक पतीक वोइक्‍ब, देंशो आंइ नोफामी नेंतक” दे ब्‍वाक्‍पदमे बाक्‍त। यूहन्‍ना २:१९

१ कोरिन्‍थी 13:2

गो नु परमप्रभु यावे आ लोव़ पतीक सक्ति, ख्रुइश्‍शो लोव़ नेल्‍ल रुप्‍‍तीक सक्ति, नेल्‍ल जोक्‍तीक तुइक्‍तीक सक्ति नु डांडा याक्‍पाइक्‍तीक थमा सुइक्‍तीके बाक्‍त हना, तन्‍न गो नु दाक्‍तीक मबाक्‍त हना, गो मारेइ मनङ। मत्ती ७:२२; मत्ती १७:२०

ब्‍यवस्‍था 17:18

मिनु मेको पिपमी सासन पवानु, चढ़ेब, लेवी आ थर ङा मुर आन किताब रे परमप्रभु यावे आ अरेशा लोव़ किताब काम ब्रेक्‍चा माल्‍ब।