प्रेरित 26:29 - Sunuwar Bible

²⁹ पावलमी “लोव़ का निक्‍शी पशा हना यो, शुश पशा हना यो, दोपा यो आं खोदेंशो दु‍मीन, दे मिम्‍नुङ। सरकार ला ममाइ, एकेर खुम्‍सीशा बाक्‍ब नेल्‍ल आं खोदेंशो दुम्‍मल। तन्‍न ग्‍याइश्‍शा साङलोम पाइश्‍शा जेल्‍खानमी चोक्‍चा चहिं मपुंइसमल, दे पुंइ‍नुङ” देंमाक्‍त।

प्रेरित 26:29 ပူးပေါင်းရင်းမြစ်များ

२ सामुएल 18:33

मिनु पिप आ थुं ग्‍येत्‍थ लुक्‍च दुम्‍शा, मेको ठेयब लाप्‍चो आ तार ङा कोठाम लशा ङाक्‍माक्‍त। मिनु गाक्‍ना गाक्‍न लमेनु “आं तौ अब्‍सालोम, आं तौ अब्‍सालोम, इ पा ङा गो बेक्‍शो नङ हना, दुम वा। अब्‍सालोम! आं तौ, आं तौ” दे ङाक्‍माक्‍त।

२ राजा 5:3

मिनु मेकोमी आ होव़पोक्‍म कली “आं होव़प, आं प्रभुमी सामरीयाम बाक्‍ब परमप्रभु यावे आ लोव़ पाइब कली ग्रुम्‍शो हना, मेकोमी आ कोव़र सापद वा” देंमाक्‍त।

प्रस्‍थान 16:3

“इजीप्‍त रागी उइ परमप्रभु यावेमी आंइ कली सद हना, रिम्‍शो दुम वा। मेकेर श्‍ये नु शोब्‍ले शुश बाक्‍त। गे आंइ कली जचा मगेथु, साइक्‍चा कली एको गोरशो रागीमी चाक्‍तीसी” दे गन गन पाम्‍तेक्‍म। प्रस्‍थान १४:११

येरमीया 13:17

तन्‍न गेपुकीम मेको मनेंतीनी हना, गो इन ठेयब लेश्‍शो आ पतीके, गो आं थुंम सुइ आन मतुइक्‍चा ङा पा ङाक्‍नुङ। परमप्रभु यावे आ हुल ग्‍याइश्‍शा लाइक्‍चा पुंइसीतीके गो हुइ हुइ पा ङाक्‍नुङ। मिनु आं मिक्‍च रे प्रेक्‍कु दोक्‍ब। येरमीया ८:२३; येरमीया १४:१७; लूका १९:४१

येरमीया 38:20

मिनु येरमीयामी “मेकोपुकीमी इन कली मेको आन गुइम जिम्‍मा मगेनीम। गो इन कली देंशो परमप्रभु यावे आ लोव़ टिने। मिनु इन कली रिम्‍शो दुम्‍ब। इन सोक्‍ती यो ब्रोंइब।

गन्‍ती 11:29

तन्‍न मोसामी मेको कली “मार, आं पर्बम गे ईख पाइब दुमे? परमप्रभु यावेमी आ सोक्‍त आ मुर नेल्‍ल आन तार वोइश्‍शा, मेको नेल्‍ल परमप्रभु यावे आ लोव़ पाइब दुम हना, गिश रिम्‍शो दुम वा” देंत। योएल ३:१; मर्कूस ९:३८-३९

यूहन्‍ना 5:34

आं पर्बम शेंशो चहिं मुरुमी शेंतीक ममाइ। पाप पशो आ पर्बम सजाइ रे ब्रोनीन, दे इन कली देंनुङ।

प्रेरित 12:6

हेरोदमी पत्रुस कली मुर आन ङोंइती राप्‍पाइक्‍चा देंशो नाक्‍त आ ङोंइती नाक्‍दो पत्रुस साङलो निक्‍शीमी पाइश्‍शा, सिपाही निक्‍शी आस दातेम इप्‍पाइश्‍शो बाक्‍माक्‍त। लाप्‍चो आ ङोंइती यो खाल पाइबपुकी बाक्‍मा बाक्‍त।

प्रेरित 21:33

मिनु लडाइ पाइब आन ठेयब मुरुम पावल कली ग्‍याइक्‍पाइश्‍शा, साङलो निक्‍शी लिक्‍तीने देंशा लिक्‍पाइश्‍शा आ ङोंइती राप्‍पदा बाक्‍त। मिनु “एको मुर ते ङा बाक्‍मे? मार पवा?” दे मुर आन कली हिल्‍लो पचा गोवा बाक्‍त। प्रेरित २०:२३

प्रेरित 25:14

मिनु शुश नाक्‍त बाक्‍सानु, फेस्‍तसमी पिप कली पावल आ पर्बम “एक फेलीक्‍समी मुददा मख्रोइक्‍थु चोक्‍शा वोइश्‍शो मुर का बाक्‍ब। प्रेरित २४:२७

रोमी 10:1

आं लोक्‍बपुकी, गो थमा मसुइक्‍ब इस्राएली आन पर्बम परमप्रभु यावे कली “थमा सुइक्‍पतीन” दे पुंइना पुंइन बाक्‍नुङ।

१ कोरिन्‍थी 4:8

मुल गे इन माल्‍शो नेल्‍ल ताइतीनी। शुश क्‍येट थीब दुम्‍तीनी। शेंब, आंइ कली हिल्‍लो मपथु, मुर आन कली हुकुम पाइतीनी। गे रिम्‍शो हुकुम पाइतीनी हना, गो यो गे नु गेय पाइब दुम्‍शो, रिम्‍शो दुम वा। प्रकाश ३:१७; प्रकाश ३:२१

१ कोरिन्‍थी 7:7

मुर नेल्‍ले आं खोदेंशो दुम्‍मल दे मिम्‍नुङ। मो हना यो परमप्रभु यावेमी आ दाक्‍शो पा का निक्‍शी आन कली ग्‍युंबे पशा बाक्‍चा, का निक्‍शी आन कली चहिं ग्‍युंबे मपथु बाक्‍चा गेशो बाक्‍त। मत्ती १९:१२

२ कोरिन्‍थी 11:1

गो इच्‍का निप्‍स ग्राइश्‍शो लोव़ पाइनुङ, गे आं लोव़ फाल्‍शा नेंशा गेयीनी।

एफिसी 6:20

गो मेको लोव़ शेंचा कली साङलोम फ्रेंशा सोइश्‍शो मुर दुम्‍ती। गेपुकीमी आं पर्बम “महिंथु शेंदल” दे परमप्रभु यावे कली पुनीने। मोपा महिंथु, लोव़ पचा परमप्रभु यावे आ दाक्‍शो बाक्‍ब। २कोरिन्‍थी ५:२०; प्रेरित २८:३१

कलस्‍सी 1:28

गोपुकीमी येसु ख्रीस्‍त सु बाक्‍बा, मार पाइबा, दे शेंनीकी। मुर नेल्‍ल आन कली “होस पा बाक्‍कीन” दे यो शेंनीकी। मोपा गोपुकीमी मुर आन कली का का पा ख्रीस्‍त कली थमा पा तुइक्‍ब सेल्‍शा, परमप्रभु यावे आ ङोंइती राप्‍पाइक्‍चा दाक्‍नीकी।