प्रेरित 26:24 - Sunuwar Bible

²⁴ मोपा लोव़ पना पन लदानु, हुकुम पाइब फेस्‍तसमी आ लोव़ ख्रोइश्‍शा “पावल, गे बौला, शुश शेंसीशा जोक्‍ब तुइक्‍ब दुम्‍शा, निप्‍स ग्‍यशो कका दु‍मे बाक्‍त” दे ठेयब सेंदा पा देंमेनु,

प्रेरित 26:24 ပူးပေါင်းရင်းမြစ်များ

२ राजा 9:11

मिनु येहू मेको नोले लडाइ पाइब आन ठेयब मुर आन बाक्‍तीक जाक्‍माक्‍त। मिनु मेकोपुकीम मेको कली “मार नेल्‍ल रिम्‍शोन बाक्‍बा? मेको आ निप्‍स ग्‍यशो मुर इ बाक्‍तीक मारदे जाक्‍म?” दे हिल्‍लो पामे बाक्‍त। मिनु येहूमी मेको आन कली “गे मेको मुर कली तुइक्‍नीनी। मिनु मेकोम मार देंबा, मेको यो तुइक्‍नीनी” दे माइक्‍मी बाक्‍त।

येरमीया 29:26

परमप्रभु यावेम इ कली चढ़ेब येहो-यादा आ पा ङा चढ़ेब सेल्‍तु’ मोपतीके गे परमप्रभु यावे आ खिं ङा ठेयब मुर दुम्‍शा, मेको जिम्‍मा ताक्‍नेवे। गे मेकेर आन निप्‍स ग्राइश्‍शो नु जोल पा परमप्रभु यावे आ लोव़ पखु पाइब आन कली ठेंङरो थोक्‍शा, आन शुरम फलाम क्‍युक्‍शा वोतो। येहो-यादा कली यो-यादा यो ब्रेक्‍शो बाक्‍ब। इजीकीएल ९:७; येरमीया २०:२

होसे 9:7

मिनु सजाइ गेतीक नाक्‍त जाक्‍शो बाक्‍ब। क्‍येक्‍क लेत्‍तीक नाक्‍त यो जाक्‍शो बाक्‍ब। इस्राएल ङा मुरपुकीमी मेको तुइक्‍‍नीम। परमप्रभु यावे आ लोव़ पाइब गुक्‍शो खोदेंशो पा बाक्‍नीम। मेकोपुकी गशो दुम्‍तेक्‍म। मारदे हना इन मरिम्‍शो पचा नु मदाक्‍चा आ पर्बम मोदेंशो दुम्‍त।

मर्कूस 3:21

मिनु येसु आ खिं ङा मुरपुकीमी मेको नेंशा “आ निप्‍स ग्‍यशो दुम्‍माक्‍त, दोपा यो खिं लाइक्‍चा” दे ब्रथ लमा बाक्‍त। मर्कूस ६:४; यूहन्‍ना ७:५; यूहन्‍ना ८:८४

यूहन्‍ना 7:15

मिनु यहूदीपुकीमी छक लाक्‍शा “मेको गेनायो मशेंसीशो मुरुम यो दोपा इश ङा जोक्‍गा?” देंमुम्‍तेक्‍म। मत्ती १३:५६

यूहन्‍ना 8:48

मिनु यहूदीपुकीमी “गे सामरीया ङा बाक्‍ते। गे वोलमी सुम्‍शो बाक्‍ते, दे थमा लोव़ मपका ङा?” देंतेक्‍म। यूहन्‍ना ७:२०

यूहन्‍ना 8:52

मिनु यहूदीपुकीमी “गे वोलमी सुम्‍शो बाक्‍ते, दे गो मुल तुइक्‍ताक्‍क। अब्राहाम नु परमप्रभु यावे आ लोव़ पाइबपुकी बेक्‍तेक्‍म। गे चहिं ‘सुमी आं देंशो टीबा, मेको गेनायो मबेक्‍ब’ देंते।

प्रेरित 17:32

मिनु बेक्‍शो रे सेंचा पुंइसाक्‍व, मुर नेल्‍ल बेक्‍शो रे सेंचा पुंइसीनीम, दे शेंशो नेंशा, का निक्‍शीमी “एको फश लोव़ पाइक्‍बाक्‍त, है” दे रिस्‍समा बाक्‍त। का निक्‍शीमी चहिं “इन शेंशो रिम्‍शो लाक्‍तक, लेंशा नेंनीकी” दे गाक्‍मा बाक्‍त।

प्रेरित 22:1

मिनु पावलमी हिब्रू लोव़ पा “आं आफ नु लोक्‍बपुकी, लोव़ का निक्‍शी नेनीने” देंमेनु, मेकोपुकी थम सिक्‍सी पा नोफा दाइश्‍शा बाक्‍मा बाक्‍त।

प्रेरित 24:25

मिनु पावलमी “ठीक पशो नु ठीक मपशो मार बाक्‍बा, इं थुं नु रां कली दोपा अरेचा नु परमप्रभुमी मुर नेल्‍ल आन कली निसाफ पाइब” दे शेंदानु, फेलीक्‍स हिंशा “लो मोक्‍ल, मुलाक्‍ती ओशो ला लोव़ पय। इ लोव़ दीसा नित्‍थ लेंशा नेंनुङ” दे सोइक्‍ता बाक्‍त।

प्रेरित 24:27

मोपा ब्रेत्‍ता ब्रेत्‍ता बर्स निक्‍शी योल्‍माक्‍त। मिनु फेलीक्‍स अर्को रागीमी याक्‍से बाक्‍त। आ पा ङा हुकुम पाइब पोरसीयस फेस्‍तस जाक्‍माक्‍त। फेलीक्‍समी यहूदी आन कली ग्‍येरपाइक्‍चा, दे पावल आ मुददा मख्रोइक्‍थु, चोक्‍स ङा चोक्‍स वोइश्‍शा गाक्‍माक्‍त।

प्रेरित 26:11

थमा सुइक्‍ब आन कली आंइ ग्रुम्‍तीक खिं खिंमी कीशा चाक्‍शा तुप्‍शा, येसु आ नें मरिम्‍शो सेल्‍पाइश्‍शा, मुल ङा मेरे मेको लां मखोइक्‍नीकी देंपाइक्‍तामी। नेल्‍ल आन कली साइक्‍पाइक्‍नुङमी, दे जोंब बोक्‍शा गाक्‍ती। यरूसलेममी ला ममाइ, ङोन ङोन रागी लशा, खेदा पा श्‍येत गेतामी।

१ कोरिन्‍थी 1:23

मेको आन दाक्‍शो, आन माल्‍शा गाक्‍शो नेल्‍ल तुइश्‍शा यो गोमी चहिं “ख्रीस्‍त पाप क्‍याम्‍चा कली साइक्‍चा पुंइसाक्‍व” दे आन कली नेंपाइक्‍नीकी। मोदेंशो नेंपाइक्‍कानु, ख्रीस्‍त लांमी वोइश्‍शो फुल्‍लु खोदेंशो दुम्‍शा, यहूदी आन कली दाइल पाइक्‍ब। मिनु राम्‍सीनीम। अर्को रागी ङा मुरपुकीमी “मूर्ख लोव़ बाक्‍माक्‍त” दे काइ नेंचा मदाक्‍नीम। प्रेरित १७:३२; गलाती ५:११; १कोरिन्‍थी २:१४

१ कोरिन्‍थी 4:10

गो ख्रीस्‍त आ पर्बम मूर्ख दुम्‍तक। तन्‍न गे ख्रीस्‍त आ पतीकेमी जोक्‍ब तुइक्‍ब बाक्‍नीनी। गोपुकी मचाप्‍ब दुम्‍तक। गेपुकी चहिं बोल्‍यो बाक्‍नीनी। मुरपुकीमी इन कली मान पा ठेयब सेल्‍नीम। आंइ कली चहिं महिक्‍नीम। १कोरिन्‍थी ३:१८

२ कोरिन्‍थी 5:13

गो मरुप्‍चा ङा बाक्‍तक हना, गो परमप्रभु यावे कली ठेयब सेल्‍चा कली मोदेंशो दुम्‍तक। गो रुप्‍चा ङा बाक्‍तक हना, मेको इन कली दुम्‍ब।

२ तिमोथी 3:15

गे आल रे ना परमप्रभु यावे आ लोव़ तुइश्‍शो बाक्‍नेवे। मेको लोव़मी ख्रीस्‍त येसु कली थमा सुइश्‍शा “दोपा पाप रे प्रोंइचा” दे इ कली शेंने चाप्‍ब। यूहन्‍ना ५:३९