प्रेरित 26:22 - Sunuwar Bible22 खेदा पा शुश श्येत गेयीमीनु, परमप्रभु यावेमी श्येत फाल्तीक सक्ति गेती। मोपतीके गो ठेयब थुं पा इन ङोंइती राप्शा, ठेयब मुर आइक्च मुर नेल्ल इन कली आं लोव़ मोसा नु परमप्रभु यावे आ लोव़ पाइब आन लोव़ नु गारब, दे रुपीन। लूका २४:४४-४७ အခန်းကိုကြည့်ပါ။ |
प्रेरित 26:22
42 ပူးပေါင်းရင်းမြစ်များ
मिनु फिलीपमी नथानेल माइश्शो मुर कली ग्रुम्शा, मेको कली “मोसामी नु परमप्रभु यावे आ लोव़ पाइबपुकीमी यो परमप्रभु यावे आ सोइश्शो का आ पर्बम ब्रेक्शो बाक्तेक्म। मिनु गोपुकीमी मेको कली ग्रुम्तक। मेको नासरथ सहर ङा योसेफ आ तौ येसु बाक्माक्त” दे नथानेल कली देंत। यसैया ५३:२; ब्यवस्था १८:१८; येरमीया २३:५; इजीकीएल ३४:२३
लोव़ का चहिं हजुर, इन कली रुप्पाइक्नन्नी, गो येसु ख्रीस्त आ लां खोइश्शा गाक्नुङ। मेकोपुकीमी मेको लां दूली बाक्ब, दे मिम्शो बाक्नीम। ख्रीस्त आ लां खोइश्शा, साइ आं किकी पिपी आन परमप्रभु यावे कली ठेयब सेल्नुङ। गो मोसा आ अरेशो लोव़ नु परमप्रभु यावे आ लोव़ पाइबपुकीमी ब्रेक्शो लोव़ नेल्ल थमा सुइक्नुङ।
मिनु ग्रुम्ची नाक्ती पावल आ बाक्तीकेमी शुश मुर खुम्साक्म। मिनु सुनी रे नाक्दो सम्म पावलमी मेको आन कली एको लोव़ नेल्ल रुप्पपाइक्तीमी। मोसा आ अरेशो नु परमप्रभु यावे आ लोव़ पाइब आन ब्रेक्शो लोव़ रे शेंशा, परमप्रभु यावे आ सोइश्शो ख्रीस्त चहिं येसु बाक्ब देंशा, परमप्रभु यावे आ राज्य ङा लोव़ शेंताक्व।
मिनु रागी रागी ङा मुरपुकी गाइक्ताक्म। मिनु मेको आन पर्बम गाइक्ताक्नी। बेक्शो मुर आन कली निसाफ पची ना दुम्त। मिनु इन लोव़ पाइब, इन नोले खोइक्ब, इन नें कली मान पा हिंब, आइक्च नु ठेयब मुर नेल्ल आन कली इनाम गेची ना दुम्त। मिनु गे रागी कली बिग्रेब मुर आन कली बिग्रेथ जाक्तीनी” दे परमप्रभु यावे कली देंतेक्म। भजन संग्रह २:३
मिनु परमप्रभु यावे आ वाइल मोसा नु पाठा आ कुम्सो पाम्तेक्म। मिनु मेको कुम्सोम मार लोव़ बाक्त देंशा हना “परमप्रभु यावे, गे नेल्ल सक्ति पाइश्शो परमप्रभु बाक्नीनी। इन गेय ठेयब नु छक लाक्चा बाक्नीमी। गे इन लां नेल्ल ठीक नु थमा बाक्नीमी। गे गेना हना यो पिप बाक्नीनी। प्रस्थान १५:१,११; येरमीया १०:६-७; ब्यवस्था ३२:४; भजन संग्रह १४५:१७
गो ठेयब बुश नित्तीके आ ङोंइती ठेयब नु आइक्च बेक्शो मुरपुकी राप्शो तातामी। किताबपुकी प्राक्शो बाक्तेक्म। मिनु गो अर्को किताब का यो प्राक्शो ताता। मेको ब्रोंइतीक किताब बाक्त। मिनु मेको ठेयब बुश नित्तीके आ ङोंइती राप्शो बेक्शो मुर आन निसाफ पचा पुंइसीनीम। दोपा निसाफ पचा पुंइसीनीम देंशा हना, मेकोपुकीमी रागीमी बाक्मानु, मार मार पामे, मेको किताबमी ब्रेक्शो पढेशा, निसाफ पचा पुंइसीनीम। यूहन्ना ५:२८-२९; दानीएल ७:१०
ကြော်ငြာတွေ