प्रेरित 26:19 - Sunuwar Bible

¹⁹ अग्रीप्‍पा सरकार, परमप्रभुमी कोंइशो कोंइतीक तशा, आ लोव़ नेंशा, मेको लोव़ टीब दुम्‍ती। गलाती १:१६

प्रेरित 26:19 ပူးပေါင်းရင်းမြစ်များ

यसैया 50:5

परमप्रभु, परमप्रभु यावेमी आं कली आ लोव़ नेंपाइक्‍ती। मिनु गो आ लोव़ टिशा, नोले मशोंइसीङ। भजन संग्रह ४०:७

यसैया 6:8

मिनु परमप्रभु यावेमी “गो सु कली सोइक्‍नुङा? आंइ पर्बम सु लाइबा?” दे लोव़ पशो नेंता। मिनु “गो बाक्‍ती। आं कली सोइक्‍तीनी” देंती।

येरमीया 20:9

गो मेको आ पर्बम लोव़ मपाइनुङ। आ नें थिशा लेंशा लोव़ मपाइनुङ देंती हना यो, आ थुंमी ब्रशो मी खोदेंशो दुम्‍त। आं रुशपुकीम तेक्‍शा वोदुनु, मी खोदेंशो दुम्‍त। गो मेको कली तेक्‍शा दती। गो थमा पा, मेको कली तेक्‍ने मचाप्‍नुङ। १कोरिन्‍थी ९:१६

इजीकीएल 12:7

गो मेको आ अरेशो खोदेंशो पाता। मिनु ग्‍याइश्‍शा लाइक्‍चा पुंइसीशो दुम्‍चा कली नाक्‍तीन आं कुम्‍लो फ्रेंशा ग्रुंइताक्‍ङ। मिनु नाक्‍दो गारोम पोव़ला ख्रित्‍ता। मिनु मेको आन तन तना आं कुम्‍लो बलाम कुरशा नाक्‍दो गाक्‍ती।

इजीकीएल 3:14

मिनु सोक्‍तीम आं कली क्‍युक्‍शा लाइक्‍ती। मिनु गो कशो थुं दुम्‍शा, गाइश्‍शा लती। मेना परमप्रभु यावे आ बोल्‍यो गुइम आं कली दिप्‍ती।

योना 1:3

तन्‍न योना परमप्रभु यावे आ ङोंइती रे लशा, निनवे मलथु, टारशीश गे प्रोक्‍चा गोवा बाक्‍त। मिनु योप्‍पा सहरम यिशा, टारशीश लाइब डोंगा का थिश्‍शा, क्‍येट थाप्‍शा, परमप्रभु यावे आ ङोंइती रे प्रोक्‍शा, डोंगाम ङोंइसे बाक्‍त। भजन संग्रह १३९:७,९,१०

प्रेरित 26:18

मारदे हना मेकोपुकी मिक्‍च ताइब दुम्‍मल। छिङछिङमी बाक्‍शोपुकी छेङछेङमी बाक्‍चा तामेक्‍ल। सैतान आ अधिकारमी बाक्‍शोपुकी परमप्रभु यावे आ अधिकारमी बाक्‍ब दुम्‍मल। मेको आन पाप क्‍याम्‍चा पुंइसीशा, आं कली थमा सुइश्‍शोमी आं मुरपुकी नु काथा दुम्‍शा, आं मुर दुम्‍मल’ देंशो नेंता। प्रेरित २०:३२

प्रेरित 26:2

“अग्रीप्‍पा सरकार, यहूदीपुकीमी शुश दोस गेतीमी। मिनु मेको दोस आ पर्बम हजुर नु लोव़ पचा तङानु, गो ग्‍येरसाक्‍यी।

प्रेरित 26:20

दमस्‍कसमी जाक्‍दीश्‍शा, लोव़ शेंचा गोव़ता। मिनु यरूसलेममी, यहूदीया रागी हिरशा गाक्‍ती। अर्को रागी ङा मुर आन रागी रागी हिरशा गाक्‍ती। मोपा गाक्‍ङानु, मुर आन कली ‘पाप पचा प्रोंइशा, इन थुं परमप्रभु यावे गे हिरदीने। मिनु परमप्रभु कली शिरशो गेय पा इन थुं थमा पा हिरशो बाक्‍त, दे कोंइदीने’ दे शेंना शेंन गाक्‍ती।

गलाती 1:16

मोपतीके आ तौ येसु ख्रीस्‍त कली तपाइक्‍ती। मिनु शुश अर्को रागी ङा मुर आन कली आ तौ आ पर्बम शेंथ सोइक्‍ताक्‍यी। मेको शेंचा आ पर्बम गो सुइ नु लोव़सी मपङ। अर्को मुर आन अर्ती यो मनेंनु। मत्ती १६:१७; गलाती २:७