प्रेरित 26:10 - Sunuwar Bible

¹⁰ यरूसलेममी मेको आ नें क्‍याम्‍तीक गेय पा गाक्‍ती। ठेयब चढ़ेबपुकी रे अधिकार तशा, थमा सुइक्‍ब शुश आन कली जेल्‍खानमी चोक्‍पाइक्‍तामी। मोशो ला ममाइ, थमा सुइक्‍ब आन कली सदमेनु, गोमी ‘रिम्‍शो पाइतीनी’ देंती।

प्रेरित 26:10 ပူးပေါင်းရင်းမြစ်များ

भजन संग्रह 16:3

रागीम बाक्‍ब इन योव़शो मुर, थमा पा ठेयब मुर बाक्‍नीम। गो मेको मुर आन कली तशा ग्‍येरसीनुङ।

प्रेरित 7:58

मिनु कीशा लाइश्‍शा, सहर रे ग्रुंइशा, फुल्‍लु क्रोम्‍चा गोव़मे बाक्‍त। सांकछीपुकीमी आन वा प्रुइश्‍शा, सावल नें पाइश्‍शो ठिटा का आ ङोंइती वोदमे बाक्‍त। लेवी २४:१६; प्रेरित २२:२०

प्रेरित 8:1

स्‍तीफानस कली साइश्‍शो तशा, सावलमी “एको कली साइक्‍चा माल्‍शो। मिनु साइश्‍शा ठीक पाइतीनी” देंमाक्‍त। स्‍तीफानस कली सादमे नाक्‍त रे यरूसलेम सहरम बाक्‍ब थमा सुइक्‍ब नेल्‍ल आन कली खेदा पा श्‍येत गेचा गोव़मे बाक्‍त। मिनु श्‍येत गेशा प्रोक्‍पदमेनु, मेकोपुकी ब्रशा गाक्‍शा, यहूदीया नु सामरीया रागीमी जाक्‍दीश्‍शा बाक्‍मा बाक्‍त। १२ जना येसु आ सोइश्‍शोपुकी ला यरूसलेम उइ बाक्‍मा बाक्‍त। प्रेरित १:८; प्रेरित ११:१९

प्रेरित 8:3

सावलमी चहिं “मेको आन थमा सुइश्‍शो क्‍याम्‍चा” दे खिं खिं हिरशा ओव़शा, थमा सुइक्‍ब वोंइश मुर, मीश मुर नेल्‍ल आन कली ग्‍याइक्‍पाइश्‍शा, फ्रेंशा लाइश्‍शा जेल्‍खानमी चोक्‍पाइक्‍बाक्‍माक्‍त। प्रेरित ९:१; प्रेरित २२:४; १कोरिन्‍थी १५:९

प्रेरित 9:21

मोदेंशो मेको आ शेंशो नेंशा “आमाइ, यरूसलेममी येसु कली थमा सुइक्‍ब आन कली का यो मवोइक्‍नुङमी देंब मेको ममाइ ङा? इं सहर ङा येसु कली थमा सुइक्‍ब आन कली यो ग्‍याइश्‍शा लाइश्‍शा, ठेयब चढ़ेब आन ङोंइती राप्‍पाइक्‍नुङमी, दे एक जाक्‍शो ममाइ ङा?” दे छक लाक्‍शा देंमुमा बाक्‍त। प्रेरित ८:१; प्रेरित २६:१०

प्रेरित 9:26

सावल दमस्‍कस रे प्रोक्‍शा, यरूसलेम लेश्‍शा जाक्‍दीम्‍माक्‍त। मिनु थमा सुइक्‍ब नु गारशा, काथा बाक्‍चा मला बाक्‍त। तन्‍न मेकोपुकीमी मेको येसु आ नोले खोइक्‍ब दुम्‍त, दे थमा मसुइक्‍थु, हिंशा मब्रामे बाक्‍त। गलाती १:१७-१९

प्रेरित 9:32

पत्रुस शेंना शेंन गाक्‍शा, लिडडा सहर जाक्‍दीम्‍माक्‍त। मिनु मेकेर बाक्‍ब प्रभु आ योव़शो आन कली ग्रु‍मा बाक्‍त।

प्रेरित 9:41

मिनु पत्रुसमी आ गुइ कीशा पोक्‍गा बाक्‍त। मिनु लाङगा सोइश्‍शो नु प्रभु आ योव़शो नेल्‍ल आन कली खिं गा ब्रेश्‍शा, तबीता कली बेक्‍शो रे सेंपाइश्‍शो कोंइदा बाक्‍त।

१ कोरिन्‍थी 15:9

मारदे हना गो सोइश्‍शो आन दातेमी नेल्‍ल क्‍येङा आइक्‍च बाक्‍नुङ। आं कली सोइश्‍शो देंचा मशिरचा ङा बाक्‍नुङ। मारदे हना गो परमप्रभु यावे कली थमा सुइक्‍ब आन कली खेदा पाता। एफिसी ३:८; प्रेरित ८:३

गलाती 1:13

साइ गो दोपा यहूदी धर्म ब्रङा, मेको नेंशा तुइश्‍शो बाक्‍नीनी। मेना गो येसु ख्रीस्‍त आ नेंमी देल्‍ब आन कली खेदा पपाइश्‍शा ग्‍याइक्‍पाइश्‍शा चोक्‍पाइश्‍शा, श्‍येत गेतामी। मेको आन कली साम्‍चा, दे शुश गेय पाता।

एफिसी 1:1

गो पावल नङ। ख्रीस्‍त येसुम आं कली सोइक्‍ताक्‍यी। मेको परमप्रभु यावे आ दाक्‍शो बाक्‍त। मिनु गो एको चिठी एफिसस सहरम बाक्‍ब येसु ख्रीस्‍त कली थमा सुइक्‍ब, परमप्रभु यावे आ मुर इन कली ब्रेक्‍ताक्‍न्‍नी।

प्रकाश 17:6

मिनु गो मेको मीश मुर कली परमप्रभु यावे आ योव़शो मुर नु येसु आ सांकछी आन हुशेमी दुक्‍शो ताता। मेको कली तङानु, गो शुश छक लाक्‍ती। प्रकाश १८:२४