प्रेरित 25:6 - Sunuwar Bible

⁶ मिनु ८, १० नाक्‍त बाक्‍शा, सिजरिया लेश्‍शा यि‍माक्‍त। मिनु आ दीसा नाक्‍ती कछडी वोइश्‍शा, पावल कली चाक्‍पाइश्‍शा, आ ङोंइती राप्‍पदा बाक्‍त।

प्रेरित 25:6 ပူးပေါင်းရင်းမြစ်များ

मत्ती 27:19

मिनु निसाफ पचा कली बाक्‍मेनु, आ मीशेमी “मेको सुइ कली मरिम्‍शो मपाइब कली मारेइ मपतीने। मारदे हना मुलाक्‍दो इम्‍ङानु, मेको आ पर्बम गो शुश श्‍येत जचा ङा ङोमु ताता” दे शोव़थ सोइक्‍ता बाक्‍त।

यूहन्‍ना 19:13

मिनु यहूदी आन लोव़ नेंशा, पिलातसमी येसु कली खिं रे ग्रुंइताक्‍व। मिनु पिलातस निसाफ पाइब आ नित्‍तीकेमी निस्‍‍साक्‍व। मेको निसाफ नित्‍तीक आ खपीमी फुल्‍लु ब्रशो बाक्‍तेक्‍म। मेको कली हिब्रू लोव़मी गाब्‍बाथा देंनीम।

प्रेरित 25:1

फेस्‍तस हुकुम पाइब दुम्‍शा, आ सांबु नाक्‍ती सिजरिया रे गाक्‍शा, यरूसलेम ग्‍येत्‍थ लमाक्‍त।

प्रेरित 25:10

मिनु पावलमी “मदुम्‍ब हजुर, मारदे हना सिजर आ निसाफ पाइबपुकीमी कका आं मुददा कोव़चा माल्‍नीम। यहूदी आन कली मरिम्‍शो मारेइ मपङ, दे हजुर, गे यो तुइक्‍नीनी।

प्रेरित 25:17

मिनु दोस गेबपुकी एक जाक्‍मा आ दीसा नाक्‍त कछडी वोइश्‍शा ग्रुम्‍पदुमीनु,

प्रेरित 25:4

मिनु हुकुम पाइब फेस्‍तसमी मेको आन लोव़ नेंशा, आन पुंइशो मगेथु “पावल कली सिजरियामी चोक्‍स ङा चोक्‍स वोइश्‍शा पिती। मुल शुश नाक्‍त मबाक्‍थु, मेरेन लेश्‍शा लाइनुङ।

प्रेरित 25:5

मोपतीके अधिकार तशो इन मुर का निक्‍शी योव़शा, गो नु सोइक्‍तीने। मिनु सिजरियामी जाक्‍दीश्‍शा, मुददा कोव़नुङ। मेको मुरुमी मरिम्‍शो पशो बाक्‍त हना, दोस ग्रुंइने चाम्‍सीब” दे माइक्‍मी बाक्‍त।

प्रेरित 8:40

नोले फिलीप अस्‍दोद सहरमी ग्रूदीम्‍माक्‍त। मिनु मेकेर रे गाउं गाउं सहर सहरम येसु आ लोव़ नेंपाइक्‍ना पाइक्‍न गाक्‍शा, सिजरिया सहर जाक्‍दीम्‍माक्‍त। प्रेरित २१:८-९

२ कोरिन्‍थी 5:10

मारदे हना गो नेल्‍ल ख्रीस्‍त आ ङोंइती निसाफ पची ना जाक्‍चा माल्‍नीकी। रांम बाक्‍यानु, इं रांम पशो रिम्‍शो नु मरिम्‍शो नेल्‍ल ताइनीकी। प्रेरित १७:३१; रोमी २:१६; रोमी १४:१०; यूहन्‍ना ५:२९; एफिसी ६:८

याकूब 2:6

गे चहिं प्रुङग आन कली दिप्‍नीनी। मेको शुश क्‍येट थीब मुरपुकी इन कली श्‍येत गेब मुर मनमी ङा? मेकोपुकीमी इन कली अडडाम मचाक्‍दीत्‍नीमी ङा?