प्रेरित 25:5 - Sunuwar Bible

⁵ मोपतीके अधिकार तशो इन मुर का निक्‍शी योव़शा, गो नु सोइक्‍तीने। मिनु सिजरियामी जाक्‍दीश्‍शा, मुददा कोव़नुङ। मेको मुरुमी मरिम्‍शो पशो बाक्‍त हना, दोस ग्रुंइने चाम्‍सीब” दे माइक्‍मी बाक्‍त।

प्रेरित 25:5 ပူးပေါင်းရင်းမြစ်များ

प्रेरित 18:14

मिनु पावलमी एको गेशो दोस आ पर्बम लोव़ लेत्‍चा चिक्‍शो, गाल्‍लीयोमी लोव़ पचा मगेथु, दोस गेब यहूदी आन कली “एको मुर मरिम्‍शो पशा, खुइ पा मुर आन कली साइश्‍शो हना, इन लोव़ नेंशा गो निसाफ पङ वा। प्रेरित २५:१८-२०

प्रेरित 23:30

मिनु यहूदीपुकीमी ‘मेको कली साइक्‍चा, दे गारशो बाक्‍नीम’ देंशो नेंशा, हजुर, इन बाक्‍तीक सोइक्‍ताक्‍ङ। एको कली दोस गेब आन कली ‘सिजरिया ङा हुकुम पाइब आ बाक्‍तीक लने’ दे माइक्‍नुङमी” दे ब्रेक्‍ता बाक्‍त।

प्रेरित 24:8

मेकोमी आंइ कली ‘मेको मुर आ दोस मार बाक्‍मे, मेको लोव़ हुकुम पाइब फेलीक्‍स कली मतीन’ दे हजुर, इन बाक्‍तीके सोइक्‍ताक्‍की। मुल एको मुर कली गे आंमान हिल्‍लो पना पन आ दोस नेल्‍ल ग्रुंइने चाप्‍नीनी। मिनु आंइ गेशो दोस थमा बाक्‍माक्‍त, दे तुइक्‍नीनी” देंमाक्‍त।

प्रेरित 25:16

गो मेको आन कली ‘कछडी वोइश्‍शा, दोस गेबपुकी नु दोस गेचा पुंइसीब कली मग्रुम्‍पाइक्‍थु, दोस मग्रुंइथु, सजाइ गेचा आंइ रोमी ऐन कानुनम मगारब। दोस गेचा पुंइसीबमी एको आन देंशो थमा बाक्‍ब, दे मदेंम सम्‍म सजाइ गेचा मदुम’ दे माइक्‍तामी। प्रेरित २२:२५

प्रेरित 25:25

गो चहिं मो देंशो साइक्‍चा पुंइसीब मुर मतङ। मिनु एकोमी यो रोमी पिप सिजर अगस्‍टस कली आं मुददा कोव़चा गेने, दे पुंइतु। मिनु सिजर आ बाक्‍तीके सोइक्‍तु देंती।

प्रेरित 25:4

मिनु हुकुम पाइब फेस्‍तसमी मेको आन लोव़ नेंशा, आन पुंइशो मगेथु “पावल कली सिजरियामी चोक्‍स ङा चोक्‍स वोइश्‍शा पिती। मुल शुश नाक्‍त मबाक्‍थु, मेरेन लेश्‍शा लाइनुङ।

प्रेरित 25:6

मिनु ८, १० नाक्‍त बाक्‍शा, सिजरिया लेश्‍शा यि‍माक्‍त। मिनु आ दीसा नाक्‍ती कछडी वोइश्‍शा, पावल कली चाक्‍पाइश्‍शा, आ ङोंइती राप्‍पदा बाक्‍त।