प्रेरित 25:23 - Sunuwar Bible

²³ मिनु आ दीसा अग्रीप्‍पा नु बेरनीस नु सहर ङा सरकार आ ठेयब मुरपुकीमी सरकारी वा फेक्‍शा जाक्‍शा, दरवारमी देल्‍मा बाक्‍त। मिनु फेस्‍तसमी पावल कली चाक्‍पाइश्‍शा, नेल्‍ल आन ङोंइती राप्‍पदा बाक्‍त।

प्रेरित 25:23 ပူးပေါင်းရင်းမြစ်များ

एस्‍तर 1:4

मिनु मेको पिपमी १८० नाक्‍त सम्‍म आ राज्‍य ङा शुश शोंप, आ दारस नु आ ठेयब दुम्‍तीके मेको आन कली कोंइताक्‍मी।

उपदेसक 1:2

मेको शेंबमी “जाम्‍शा लाइनीम, मारेइ मारेइ जाम्‍शा लाइब बाक्‍नीम। जाम्‍शा लाइनीम, नेल्‍ल जाम्‍शा लाइब बाक्‍नीम।

यसैया 14:11

इ दारस नु इ ठेयब ताप्‍तीके नेल्‍ले यो बेक्‍शो मुर आन बाक्‍तीके जाक्‍तेक्‍म। लुस्‍पु इ ब्राख्‍ये दुम्‍नीम। बुस्‍स इ फेक्‍तीक दुम्‍ब’। इजीकीएल ३२:१८-१९

यसैया 5:14

बेक्‍शो मुर आन बाक्‍तीकेम मेको आन कली दाक्‍चा कली आ शोव़ पाक्‍शो बाक्‍ब। मिनु यरूसलेम ङा ठेयब मुर नेल्‍ल नु मेकेर रेयके पा बाक्‍ब नेल्‍ल नरक आ शोव़म ओव़नीम।

इजीकीएल 30:18

मेको नाक्‍त तेहाफ-नेहेस सहर छिङछिङ दुम्‍ब। गो मेकेर इजीप्‍त रागी आ जुवा जिक्‍नुङ। मिनु मेको आ ठेयब लेश्‍शो क्‍याम्‍नुङ। गोस्‍सुमी मेको सहर कली सुम्‍ब। मिनु मेको आ एर ओंथ ङा सहर ङा मुर ग्‍याइश्‍शा लाइक्‍चा पुंइसीनीम। येरमीया ४३:९

इजीकीएल 32:12

गो थम सक्ति पाइश्‍शो मुर आन तरवार रे इ लडाइ पाइब आन कली साइक्‍पाइक्‍नुङमी। मेको सक्ति पाइश्‍शो मुर रागी नेल्‍ल ङा मुर आन क्‍येङा मरिम्‍शो पाइब बाक्‍नीम। मेकोपुकीम इजीप्‍त रागी आ ठेयब लेश्‍शो खतम पोक्‍नीम। मिनु मेको आ लडाइ पाइब नेल्‍ल आन कली साइक्‍नीम।

इजीकीएल 33:28

गो मेको रागी कली मुर मबाक्‍शो नु श्‍येत्‍थ सेल्‍नुङ। मिनु मेको आ ठेयब लेत्‍तीक जाम्‍ब। मिनु इस्राएल ङा डांडाम सुइ एर ओंथ पने मचाप्‍चा ङा पा मुर मबाक्‍तीके दुम्‍ब।

इजीकीएल 7:24

गो रागी रागी ङा नेल्‍ल आन क्‍येङा मरिम्‍शो पाइब मुर आन कली मेको आन खिं रोइक्‍पाइक्‍नुङ। गो बोल्‍यो मुर आन ठेयब लेत्‍तीक नुप्‍पाइक्‍नुङ। मिनु मेको आन चोव़खो बाक्‍तीके ग्रांग्रा दिशो दुम्‍नीम।

दानीएल 4:30

मेकोमी “मार, एको बेबीलोन थम रिम्‍शो मबाक्‍बा ङा? गो एको आं ठेयब सक्तिमी आं शुश शोंप वोइश्‍शा, बाक्‍चा कली सेल्‍ता” देंत। हितोपदेस १६:१८

मर्कूस 6:21

काबु मार दुम्‍माक्‍त देंशा हना, पिप आ जरमेशो नाक्‍ती मिम्‍चा कली हेरोद पिपमी आ दरवार ङा गेय पाइब, सरकार ङा गेय पाइब नु गालील ङा ठेयब मुर नेल्‍ल आन कली ब्रेश्‍शा, ठेयब भोज का गेवा बाक्‍त।

प्रेरित 12:21

मिनु काबु पिप हेरोदमी रकारी वा फेक्‍शा, आ ठेयब नित्‍तीकेमी निश्‍शा, मेको आन कली आ लोव़ नेंपाइक्‍मी बाक्‍त।

प्रेरित 25:13

मिनु इच्‍का नाक्‍त नोले पिप अग्रीप्‍पा नु बेरनीस हुकुम पाइब फेस्‍तस कली ग्रुम्‍थ सिजरिया जाक्‍सा बाक्‍त।

प्रेरित 26:30

मो देंमेनु, पिप छुल बोक्‍शा गाक्‍माक्‍त। मिनु हुकुम पाइब, बेरनीस नु मेकेर बाक्‍ब नेल्‍ल छुल छाल बोक्‍शा गाक्‍मा बाक्‍त।

प्रेरित 9:15

प्रभुमी “मोदेंशो तुइक्‍ताक्‍वी हना यो, मुल छुल बोक्‍शा लावो। मारदे हना अर्को रागी ङा मुर, पिपपुकी नु इस्राएली आन कली आं नें तुइक्‍पाइक्‍चा, दे गो मेको कली योव़ने थुम्‍ता। प्रेरित १३:४६; प्रेरित २६:२; प्रेरित २७:२४

१ कोरिन्‍थी 7:31

मुरपुकीम रागी ङा गेय पाइनी‍म हना यो, रागी ङा गेय मपशो खोदेंशो पा बाक्‍मल। मारदे हना रागी जाम्‍शा लचा चिक्‍शो बाक्‍ब। १यूहन्‍ना २:१५-१७

याकूब 1:11

नां दाप्‍शा ङा मिन शुश हुप्‍तानु, घांस नेल्‍ल सोल सुल बेक्‍नीम। मिनु आन फू सफा नेल्‍ल हेम्‍नीम। मोपा आ दार‍स जाम्‍ब। मेको खोदेंशो पा क्‍येट थीब मुर यो आ गेय पस ङा पस बेक्‍नीम। यसैया ४०:६-७

१ पत्रुस 1:24

परमप्रभु यावे आ देंशो लोव़ मार बाक्‍त देंशा हना, रागी ङा मुर नेल्‍ल घांस खोदेंशो बाक्‍नीम। मेको आन दार‍स बोइश्‍शो फू खोदेंशो बाक्‍ब। आ घांस सोव़ब, मिनु फू यो हेम्‍ब। याकूब १:१०-११

१ यूहन्‍ना 2:16

मिनु रागीमी मार बाक्‍ब देंशा हना, मेको मुर आन रांमी मार मार पचा दाक्‍नीमी, मेकोन पाइनीमी। मेको आन मिक्‍चीमी मार मार कोव़चा दाक्‍नीमी, मेकोन कोव़थ लाइनीम। आन शुश शोंप आ पर्बम ठेयब लेत्‍तीके इं आफ परमप्रभु यावे रे ममाइ, रागी ङा मुर आन पतीके बाक्‍ब।