प्रेरित 25:2 - Sunuwar Bible

² मिनु यरूसलेममी बाक्‍मेनु, ठेयब चढ़ेबपुकी यहूदी आन ठेयब मुरपुकीमी ग्रुम्‍थ जाक्‍शा, फेस्‍तस कली पावल आ पर्बम लोव़ पामे बाक्‍त।

प्रेरित 25:2 ပူးပေါင်းရင်းမြစ်များ

अय्‍युब 31:31

आं गेय पाइब नेल्‍लेम गेनायो ‘अय्‍युब आ भोजम मुर मरूम’ मदेंम।

हितोपदेस 4:16

मारदे हना मेकोपुकी मरिम्‍शो मपामे सम्‍म इप्‍ने मचाप्‍नीम। मुर कली मथिपदमे सम्‍म निन्‍द्रा मपाइनीम। भजन संग्रह ३६:५; मीका २:१

प्रेरित 24:1

मिनु ५ नाक्‍त नोले ठेयब चढ़ेब हनानीया, यहूदी आन जोक्‍ब तुइक्‍ब खाल्‍पा का निक्‍शी नु तेरतुल्‍लस नें पाइश्‍शो निसाफ पाइब का सिजरियामी जाक्‍मा बाक्‍त। मिनु हुकुम पाइब आ ङोंइती पावल कली दोस गेमे बाक्‍त।

प्रेरित 25:15

मिनु यरूसलेम लङानु, ठेयब चढ़ेब नु यहूदी आन शेंब खाल्‍पापुकीमी एको मुर आ पर्बम नेल्‍ल तुइक्‍पाइक्‍तीमी। शुश दोस गेम्‍तेक्‍म। मिनु मेको कली सजाइ गेचा, दे पुंइतेक्‍म।

प्रेरित 25:24

मिनु फेस्‍तसमी “सरकार अग्रीप्‍पा, एकेर देल्‍शो हजुरपुकी, आं लोव़ का निक्‍शी नेनीने। एको इन ङोंइती राप्‍पाइश्‍शो मुर कोव़ङीने। यहूदी नेल्‍लेमी एको कली मरिम्‍शो मुर, दे दोस गेनीमी। यरूसलेम नु एकेर कछडी वोदमेनु ‘मेको कली साइक्‍चा माल्‍ब’ देंन देंन रेयके पाम्‍तेक्‍म। प्रेरित २२:२२

प्रेरित 28:17

रोम सहरम जाक्‍दीश्‍शो आ सांबु नाक्‍ती पावलमी रोममी बाक्‍ब यहूदी आन ठेयब मुर ब्रेश्‍शा खुप्‍ताक्‍मी। मिनु मेको आन कली “आं लोक्‍बपुकी, आं लोव़ का निक्‍शी नेनीन। इं यहूदी नु इं किकी पिपी आन पतीके पना पन बाक्‍ती हना यो, यरूसलेममी बाक्‍ब लोक्‍बपुकीमी आं कली दोस गेशा ग्‍याइश्‍शा, रोमी सरकार आन गुइमी गेतीमी। प्रेरित २३:१

१ थिस्‍सलोनिकी 2:16

दोपा श्‍येत गेम्‍तेक्‍म देंशा हना, रागी रागी ङा मुर आन कली पाप रे ब्रोंइचा ताइनीम, दे आंइ कली लोव़ पचा मगेम। मोदेंशो पा यहूदीम आन पाप गेना हना यो तेम्‍ना तेम्‍न बाक्‍नीम। मोपतीके परमप्रभु यावेमी मेको आन कली चुरशा सजाइ गेब। मत्ती २१:३२-३३