प्रेरित 25:12 - Sunuwar Bible

¹² मिनु फेस्‍तसमी आ मुरपुकी नु पावल आ मुददा मार पचा, दो पचा, दे लोव़सी पने थुम्‍शा, पावल कली “गे सिजर पिप कली इ मुददा कोव़चा गेचा देंते। मोपतीके सिजर पिप आ बाक्‍तीके सोइक्‍नन” दे माइश्‍शा, कछडी पोक्‍शा सोइक्‍तीमी बाक्‍त।

प्रेरित 25:12 ပူးပေါင်းရင်းမြစ်များ

भजन संग्रह 76:10

थमा पा, मुर आन गाइक्‍तीकेमी इन कली ठेयब सेल्‍ब। मिनु इच्‍का ली‍शो गाइक्‍तीकेमी इन कली ठेयब सेल्‍ब।

बिलाप 3:37

परमप्रभुम मअरेशो गेय सुमी अरेने नु पपाइक्‍ने चाप्‍बा ङा? यसैया ४५:७; आमोस ३:६

दानीएल 4:35

रागी ङा मुरपुकी नेल्‍ल मेको आ ङोंइती मारेइ मबाक्‍नीम। मेकोमी स्‍वर्ग ङा गेय पाइब नु रागी ङा मुर आन कली मार पचा दाक्‍बा, मेकोन पने चाप्‍ब। सुइमी मेको कली तेक्‍ने मचाप्‍नीम। मिनु सुइमी ‘गे मार पनी?’ देंने मचाप्‍नीम। यसैया ४०:१७; अय्‍युब ९:१२

मत्ती 22:17

मिनु लोव़ का शेंदीकी, शेंब हजुर, मार लोव़ देंशा हना, सिजर सरकार कली तिरो थाप्‍चा माल्‍ब, दे मथाप्‍थु यो दुम्‍बा?” दे हिल्‍लो पखु पा, लोव़ ख्राइक्‍पपाइक्‍चा माल्‍तेक्‍म।

प्रेरित 19:21

मेको नोले पावलमी “गो मासीडोनीया नु आकाया लां पा यरूसलेममी जाक्‍दीत्‍नुङ। मेकेर काबु निक्‍बु बाक्‍शा, रोम सहर मजाक्‍दीत्‍थु मप्रोंइनुङ” दे थुं पवा बाक्‍त। प्रेरित २३:११

प्रेरित 23:11

मिनु मेको नाक्‍दो प्रभुमी पावल आ नेक्‍था जाक्‍शा “दोपा यरूसलेममी आं पर्बम शेंदीमी, मोपा रोम सहरमी यो आं पर्बम शेंशा सांकछी दुम्‍नेवे। मोपतीके महिंथु, ठेयब थुं पा बाक्‍को” देंमाक्‍त। प्रेरित १:८; प्रेरित २५:११-१२; प्रेरित २७:२३-२४

प्रेरित 25:11

गो दू्ली पाइब दुम्‍शा, साइक्‍चा पुंइसीचा ङा बाक्‍ती हना, सजाइ जाइनुङ। बेक्‍चा यो महिंनुङ। आं कली दोस गेबपुकीमी दोस ग्रुंइने मचाप्‍तेक्‍म हना, आन गुइमी दोपा गेचा पुंइसीनुङा? सिजर पिपी कली आं मुददा कोव़चा गेने, देंनुङ” दे मदा बाक्‍त। प्रेरित २३:११; प्रेरित २८:१९

प्रेरित 25:13

मिनु इच्‍का नाक्‍त नोले पिप अग्रीप्‍पा नु बेरनीस हुकुम पाइब फेस्‍तस कली ग्रुम्‍थ सिजरिया जाक्‍सा बाक्‍त।

प्रेरित 25:21

मो देंङानु, पावलमी ‘अगस्‍टस कली आं मुददा कोव़चा गेने। सिजर आ बाक्‍तीकेमी मसोइक्‍तीनी सम्‍म चोक्‍शा वोइय्‍‍यीनी’ दे पुंइतु। मिनु गो रिम्‍शो पा वोइक्‍पाइक्‍ता। मिनु गेना सोइक्‍तु, दे लां कोव़ना कोव़न बाक्‍ती” देंमाक्‍त।

प्रेरित 26:32

मिनु पिप अग्रीप्‍पामी हुकुम पाइब फेस्‍तस कली “एको मुरुमी सिजर कली आं मुददा कोव़चा गेने, दे मपुंइशो हना, प्रोंइशा सोइक्‍ने चाप्‍स वा” देंमाक्‍त। प्रेरित २५:११

प्रेरित 27:1

मिनु पावल कली सिजर बाक्‍तीके इटाली सोइक्‍ची जाक्‍माक्‍त। मिनु पावल नु अरु चोक्‍चा पुंइसीशो का निक्‍शी आन कली अगस्‍टस पल्‍टन ङा युलीयस नें पाइश्‍शो कप्‍तान आ गुइमी जिम्‍मा गेमे बाक्‍त। मिनु गो पावल आ वारच का निक्‍शी यो सासाक्‍क। प्रेरित २५:१२

प्रेरित 28:16

मिनु रोम सहरमी जाक्‍दीत्‍तक। जाक्‍दीश्‍शो रे पावल ते ते बाक्‍चा दाक्‍ता, मेक मेक बाक्‍चा गेम्‍तेक्‍म। आ कली कोव़ब सिपाही का वोइक्‍तेक्‍म। प्रेरित २७:३

फिलिप्‍पी 1:20

गो काइ मुने मदोक्‍नुङ, दे तुइश्‍शा, आस पाइनुङ। मिनु काइ महिंब दुम्‍शा, ब्रोंइती हना यो, साइक्‍तीमी हना यो, मुरपुकीमी गेना हना यो ख्रीस्‍त कली ठेयब सेल्‍मेक्‍ल, देंनुङ।