प्रेरित 24:25 - Sunuwar Bible

²⁵ मिनु पावलमी “ठीक पशो नु ठीक मपशो मार बाक्‍बा, इं थुं नु रां कली दोपा अरेचा नु परमप्रभुमी मुर नेल्‍ल आन कली निसाफ पाइब” दे शेंदानु, फेलीक्‍स हिंशा “लो मोक्‍ल, मुलाक्‍ती ओशो ला लोव़ पय। इ लोव़ दीसा नित्‍थ लेंशा नेंनुङ” दे सोइक्‍ता बाक्‍त।

प्रेरित 24:25 ပူးပေါင်းရင်းမြစ်များ

२ सामुएल 23:3

इस्राएली आन परमप्रभुम लोव़ पाप्‍तु। इस्राएली आन सेरथे फुल्‍लुमी आं कली ‘सुमी मुर आन कली ठीक निसाफ पाइ‍बा, सुम परमप्रभु कली मान पा हिंशा हुकुम पाइ‍बा,

१ राजा 21:27

मिनु आहाबम मेको लोव़ नेंशा, आ वा खाक्‍गा बाक्‍त। मिनु अरन्‍डी फेक्‍शा माइजा बाक्‍माक्‍त। मेको अरन्‍डी फेक्‍शा आ थुं लुक्‍च लशा इम्‍माक्‍त।

२ राजा 22:19

गे आं कली टिचा दाक्‍शा, इ थुं आं ङोंइती ब्रेम्‍शो दुम्‍शा, गे सुर्ता पा इ वा खाक्‍शो ताता। मारदे हना गो यहूदा रागी नु मेकेर ङा मुर आन पर्बम सराप रशा, मुर मबाक्‍तीक दुम्‍ब, देंती। गे मेको आ पर्बम आं ङोंइती ङाक्‍शो नेंता।

एज्रा 10:3

मोपतीके मुल आंइ परमप्रभु नु कबल का पय। आ प्रभु नु परमप्रभु आ शेंतीक मान पा हिंशा टी‍ब आन देंशो खोदेंशो पा एको मीश मुर नु आन आल नेल्‍ल आन कली प्रोंइशा सोइक्‍चा कली लोव़ थोक्‍तय। मिनु परमप्रभु आ अरेशो लोव़म देंशो खोदेंशो पय।

एज्रा 10:9

मिनु यहूदा नु बेन्‍यामीन ङा मुर नेल्‍ल नाक्‍त सां यरूसलेममी बुक्‍तेक्‍म। मेको ९ महिना ङा २० नाक्‍तीम बाक्‍त। मुर नेल्‍ल परमप्रभु आ खिं ङा लाङगाम निस्‍साक्‍म। मेको नेल्‍ल लोव़ नु ठेयब ठेयब रेउ आ पर्बम ख्रिंख्रि पाम्‍तेक्‍म।

अय्‍युब 29:14

गो ठीक पतीक कली वा फेक्‍सीशो खोदेंशो पा फेक्‍साक्‍यी। आं ठीक निसाफ पतीके आ वा नु आं फेटा खोदेंशो बाक्‍त।

भजन संग्रह 11:7

परमप्रभु यावे ठीक पाइब बाक्‍ब। मोपतीके ठीक पतीके दाक्‍ब। मिनु रिम्‍शो थुं पाइश्‍शो मुरपुकीमी आ कुल ताइनीम। मत्ती ५:८

भजन संग्रह 119:120

गो इन कली मान पा हिंशा ख्रिंख्रि पाइ‍नुङ। मिनु गो इन निसाफ पतीक मिम्‍शा हिंनुङ।

भजन संग्रह 45:7

गे ठीक पतीके दाक्‍नीनी। इन अरेशो मटीब आन कली चहिं काइ मदाक्‍नीनी। मोपतीके परमप्रभु, इन परमप्रभुमी इन वारच नेल्‍ल आन क्‍येङा इन कली दाक्‍शा, इन कली तेल लुक्‍शो खोदेंशो पा ग्‍येरपाइक्‍तु।

भजन संग्रह 72:2

मेकोमी इन मुर आन कली ठीक पतीकेमी निसाफ पवल। इन प्रुङग मुर आन कली ठीक पा निसाफ पवल।

भजन संग्रह 99:1

परमप्रभु यावे पिप बाक्‍ब। जात जात ङा मुरपुकी ख्रिंख्रि पामेक्‍ल। मेको करूब आन तारी बाक्‍ब। रागीम ख्रिनु कुल। भजन संग्रह ९३:१; भजन संग्रह १८:११

हितोपदेस 16:12

पिपमी मरिम्‍शो पाइब आन कली तशा ग्रांग्रा दी‍ब। मारदे हना ठीक पतीकेमी आ राज्‍य बोल्‍यो सेल्‍ब।

उपदेसक 11:9

ए ठिटा मुर, गे ठिटा बाक्‍ङेनु ग्‍येरसो। इ थुंमी गे ठिटा बाक्‍ङेनु ग्‍येरपदल। इ त‍शो नु इ थुंमी मिम्‍शो आस नोले खोतो। तन्‍न परमप्रभुमी मेको नेल्‍ल तुइश्‍शा निसाफ पाइब, दे मिम्‍तो। उपदेसक २:२४

उपदेसक 12:14

मारदे हना परमप्रभुमी इं पशो रिम्‍शो नु मरिम्‍शो गेय नेल्‍ल नु ख्रुइश्‍शा पशो नेल्‍ल निसाफ पाइब। रोमी २:१६; २कोरिन्‍थी ५:१०

उपदेसक 5:8

राज्‍य कामी प्रुङग आन कली दिप्‍शो नु मेको आन कली ठीक निसाफ मपशो ताइ‍तीनी हना, छक मलाक्‍कीन। मारदे हना मेको आन क्‍येङा अधिकार पाइश्‍शो का बाक्‍ब। मिनु मेको नेल्‍ल आन क्‍येङा ठेयब अर्को का बाक्‍ब। प्रस्‍थान २३:६

यसैया 1:18

मिनु परमप्रभु यावेमी “जाक्‍कीन, गोपुकी बुक्‍शा, लोव़सी पय। इन पाप हुश खोदेंशो लल बाक्‍त हना यो, फुं खोदेंशो बुश दुम्‍ब। शुश लल बाक्‍त हना यो, मेको ऊन खोदेंशो बुश दुम्‍ब। यसैया ४४:२२; भजन संग्रह ५१:९

यसैया 1:21

परमप्रभु यावेमी “आं थमा सुइश्‍शो सहर दोपा तेल्‍लेम दु‍म्‍मे? ठीक निसाफ नु ठीक पतीके मेको नु बाक्‍त। मुल मेको मुर साइक्‍ब मुरुम ब्रीतेक्‍म।

यसैया 16:5

गेना हना यो दाक्‍ब आ नित्‍तीक वोंइसीब। मेको दाऊद आ ताम्‍बुम बाक्‍ब। मिनु मेको नित्‍तीकेमी थमा सुइक्‍चा पुंइसीब ठीक निसाफ पा हुकुम पाइब का निस्‍सीब। मेकोमी रीब पा कुल मकोव़थु, निसाफ पाइब।

यसैया 32:11

गे ठेयब लेश्‍शो मीश मुर ख्रिंख्रि पने। गे काइ महिंबपुकी ख्रिंख्रि पा हिनीन। इन वा प्रुइश्‍शा अरन्‍डी फेक्‍सीन।

यसैया 41:21

परमप्रभु यावेमी “इन लोव़ मार बाक्‍बा, देनीन। थमा बाक्‍ब, दे कोंइदीन, दे गो, याकूब आ पिपमी देंनुङ।

यसैया 55:6

परमप्रभु यावे कली मथिन्‍नी सम्‍म मालीने। मेको आ नेक्‍था बाक्‍मेनु, मेको कली पुनीन। येरमीया २९:१३-१४; आमोस ५:४

यसैया 61:8

गो, परमप्रभु यावेमी, ठीक पतीके दाक्‍नुङ। रोइक्‍तीक नु हेंथे पतीक गेय काइ मदाक्‍नुङ। गो मेको आन कली थमा पा आन पशो खोदेंशो पा गेनुङमी। गो मेकोपुकी नु गेना हना यो लीब कबल पाइनुङ। यसैया ५४:१०; यसैया ५५:३

यसैया 66:2

मारेइ मारेइ आं सेल्‍शो मनमी ङा? मोपतीके मेको नेल्‍ल आं के नम” दे परमप्रभु यावेम देंत। मिनु लेंशा “मो हना यो गो आं लोव़ नेंशा, हिंशा, ख्रिंख्रि पा श्‍येत जाइब नु आ थुं जिक्‍‍शो मुर आन कली कोव़नुङ।

येरमीया 22:3

परमप्रभु यावेमी मार देंत देंशा हना “गे ठीक निसाफ पने। ठीक गेय पने। रोइक्‍चा पुंइसीशो आन कली मरिम्‍शो पाइब आन गुइ रे प्रोनीन। अर्को रागी ङा मुर, रोम रोइक्‍च नु आन वोंइश बेक्‍शो मीश मुर आन कली मरिम्‍शो मपने। मिनु एको रागीम मारेइ दोस मताइब आन हुश मशाइक्‍पतीन। येरमीया २१:१२

येरमीया 23:29

परमप्रभु यावेमी “मार, आं लोव़ मी खोदेंशो मबाक्‍बा ङा? मेको सेरथे फुल्‍लु कली प्रोल्‍ब घन खोदेंशो मबाक्‍बा ङा?” दे परमप्रभु यावेमी देंत। हिब्रू ४:१२

येरमीया 36:16

मिनु मेकोपुकीमी मेको पढेशो नेल्‍ल नेंशा हिंशा आन कुल कोव़मुम्‍तेक्‍म। मिनु मेकोपुकीमी बारुक कली “गोपुकीम एको लोव़ नेल्‍ल पिप कली नेंपाइक्‍चा माल्‍नीकी” देंतेक्‍म।

इजीकीएल 45:9

मिनु परमप्रभु, परमप्रभु यावेमी “ए इस्राएल ङा सासन पाइबपुकी। गेपुकीम हुश ख्राक्‍श पोक्‍तीनी। दिप्‍चा प्रोनीन। गेपुकीम थम रिम्‍शो नु ठीक गेय पने। आं मुर आन कली आन खिं रू रे मखेरीन। १राजा १२:४,११; १राजा २१; येरमीया २१:११-१२; मीका ३:१-३

दानीएल 12:2

मिनु खपीमी बेक्‍शा इप्‍शो नेल्‍ल बोक्‍नीम। का निक्‍शी गेना हना यो ब्रोंइ‌चा कली बोक्‍नीम। का निक्‍शी चहिं गेना हना यो शुश मुने दोक्‍चा कली बोक्‍नीम। यूहन्‍ना ५:२९

दानीएल 4:27

हजुर पिप, मोपतीके आं गेशो अर्ती इन कली दुम्‍ल। इन पाप कली ठीक पतीकेमी क्‍याम्‍दीन। मिनु इन मरिम्‍शो पशो, श्‍येत जाइब आन कली शिशी पतीकेमी क्‍याम्‍दीन। मो पाइतीनी हना, इन रिम्‍शो बाक्‍तीक शुश नाक्‍त सम्‍म लीब” देंत। हितोपदेस १९:१७; मत्ती ५:७

दानीएल 5:30

मिनु मेको नाक्‍दोन कल्‍दी आन पिप बेल-शजर साइक्‍चा पुंइसाक्‍व।

होसे 10:12

ठीक पतीक शोक्‍कीन। मिनु मप्रोंइचा ङा दाक्‍तीक अन्‍न खोदेंशो पा खुप्‍तीन। गे इन मवाक्‍शो रू वाक्‍तीन। मारदे हना इन परमप्रभु यावे कली माल्‍ची नाक्‍त जाक्‍त। मिनु मेको जाक्‍शा, गे इन कली पाप रे प्रोंइब। येरमीया ४:३; यसैया ५५:६

होसे 10:4

मेकोपुकीमी शुश फश लोव़ पाइनीम। मार फश लोव़ पाइनीम देंशा हना, जोल पा कसम जशा कबल पाइनीम। मोपतीके वाक्‍शो रूमी ओशेर पाइश्‍शो सुवा वाशो खोदेंशो पा मुददा बारनीम।

होसे 7:5

आंइ पिप आ भोजम आ सासन पाइब अङगुर शांबु तूशा दुक्‍नीम। मिनु पिपमी शुक्‍शी पाइबपुकी नु गुइ गारपाइक्‍ब।

आमोस 5:24

तन्‍न ठीक निसाफ पतीक ब्‍वाक्‍क खोदेंशो पा शाइक्‍पतीन। ठीक पतीक गेनायो मसोव़ब खोला खोदेंशो पा शाइक्‍पतीन।

आमोस 6:12

मेकोमी “मार, शारा रोंगुम दोरनीमी ङा? मार, मेकेर ब्‍यफ वाक्‍नीमी ङा? तन्‍न गेपुकीम ठीक निसाफ कली दूली सेल्‍तीनी। ठीक पतीक कली कशो सेल्‍तीनी। आमोस ५:७

हबकुक 3:16

गो इन सेंदा नेंनुनु, ख्रिंख्रि पाता। आं शोव़ यो ख्रिंख्रि पाप्‍तु। आं रुश आगा नेल्‍ल मुक्‍ताक्‍मे। खोइल ख्रिंख्रि पाप्‍तु। मो हना यो आंइ कली मरिम्‍शो पाइब मुर आन कली श्‍येत दुम नाक्‍ती कली रिम्‍शा बाक्‍ती।

हाग्‍गै 1:2

मिनु हाग्‍गैमी “मुर नेल्‍ल आन परमप्रभु यावेमी मार देंत देंशा हना ‘एको मुरपुकीमी परमप्रभु यावे आ खिं मुल लेंशा सेल्‍ची मजाक्‍शो बाक्‍ब देंनीम’ ” देंत।

मत्ती 22:5

तन्‍न ब्रेत्‍चा पुंइसीब नेल्‍लेमी ग्‍युंबे जथ लचा थुं मपथु, का आ रूमी गेय पथ लमाक्‍त, का ग्‍याप्‍तीक लेयतीक गेय पथ लमाक्‍त।

यूहन्‍ना 16:8

मिनु मेको जाक्‍शा, रागी ङा मुर आन कली पाप आ पर्बम नु परमप्रभु यावे आ ङोंइती मार ठीक बाक्‍ब नु परमप्रभु यावे आ निसाफ पतीक दोदेंशो बाक्‍बा, दे शेंब।

प्रेरित 10:42

मिनु मोदेंशो पा काथा बाक्‍कानु, येसुमी आंइ कली ‘मुर आन कली आं पर्बम शेंदीने। मार शेंचा देंशा हना, परमप्रभु यावेमी येसु कली ब्रोंइशा बाक्‍ब नु बेक्‍शो मुर नेल्‍ल आन कली निसाफ पाइब सेल्‍तु, दे शेंशा गाक्‍कीन’ दे माइक्‍तीकी। यूहन्‍ना ५:२२

प्रेरित 17:13

मिनु थिस्‍सलोनीकी सहरमी बाक्‍ब यहूदीपुकीमी “पावलमी बेरोइया सहरमी परमप्रभु यावे आ लोव़ शेंबाक्‍माक्‍त” देंशो नेंशा जाक्‍शा, मुर आन कली पोक्‍शा दूली पपाइश्‍शा, पावल कली खेदा पचा गोपदमे बाक्‍त।

प्रेरित 17:2

पावल हिरशा गाक्‍मेनु, सहर सहर ङा यहूदी आन ग्रुम्‍तीक खिं खिं ओव़शा शेंबाक्‍माक्‍त। मोपा थिस्‍सलोनीकी सहरमी यो ग्रुम्‍तीक खिं लशा, शेंचा गोवा बाक्‍त।

प्रेरित 17:32

मिनु बेक्‍शो रे सेंचा पुंइसाक्‍व, मुर नेल्‍ल बेक्‍शो रे सेंचा पुंइसीनीम, दे शेंशो नेंशा, का निक्‍शीमी “एको फश लोव़ पाइक्‍बाक्‍त, है” दे रिस्‍समा बाक्‍त। का निक्‍शीमी चहिं “इन शेंशो रिम्‍शो लाक्‍तक, लेंशा नेंनीकी” दे गाक्‍मा बाक्‍त।

प्रेरित 2:37

मिनु आ लोव़ नेंब आन थुं खाइक्‍माक्‍त। मिनु पत्रुस नु सोइश्‍शो आन कली “गो मार पक मिनु?” दे हिल्‍लो पामेनु, प्रेरित १६:३०; लूका ३:१०

प्रेरित 24:15

गो नु अर्को यो ठीक पाइब नु ठीक मपाइब बेक्‍शो रे सेंसीचा पुंइसीनीम, दे थमा सुइक्‍नीकी। दानीएल १२:२; यूहन्‍ना ५:२८-२९

प्रेरित 24:26

फेलीक्‍समी “पावलमी क्‍येट सुइक्‍बा कों” दे यो आस पशो बाक्‍माक्‍त। मिनु लेंशा ब्रेप्‍बाक्‍माक्‍त।

प्रेरित 26:28

मिनु पिप अग्रीप्‍पामी “लोव़ का निक्‍शीमी गो ख्रीस्‍त कली थमा सुइक्‍ब दुम्‍ती” देंमेनु,

प्रेरित 9:6

मुल छुल बोक्‍शा दमस्‍कस सहर लावो। मिनु मेकेर जाक्‍दीश्‍शा, गे मार गेय पचा माल्‍नेवे तुइक्‍पाइक्‍चा पुंइसीनेवे” देंशो लोव़ नेंना बाक्‍त।

रोमी 12:1

आं लोक्‍बपुकी, इन कली मुल यो शुश शेंचा दाक्‍ताक्‍ङ। परमप्रभु यावेमी इन कली शिशी पा आ मुर सेल्‍तु। मोपतीके आ मुर दुम्‍शा, इन रां, थुं, गिंम नेल्‍ल, सेसीन परमप्रभु यावे आ दाक्‍शो चढ़ेतीक खोदेंशो पा जिम्‍मा गेंसीन। मेको इन परमप्रभु यावे कली रिम्‍शो पशो गेय बाक्‍ब। रोमी ६:१३

रोमी 14:12

गो नेल्‍लेमी परमप्रभु यावे आ ङोंइती मार पशो बाक्‍या, मेको का का पा शोव़चा माल्‍नय।

रोमी 2:16

मिनु परमप्रभु यावे आ निसाफ पची नाक्‍त मुर आन ख्रुइश्‍शा पशो कली निसाफ पाइ‍ब। आं शेंशो ग्‍येरपाइक्‍तीक लोव़ परमप्रभु यावेमी येसु ख्रीस्‍त आ पतीकेमी निसाफ पाइब। लूका ८:१७

१ कोरिन्‍थी 4:5

मोपतीके प्रभु आ निसाफ पतीक नाक्‍त मजाक्‍म सम्‍म मुर आन कली मनाक्‍तीन। आ निसाफ नाक्‍ती जाक्‍मेनु, ख्रुइश्‍शा वोइश्‍शो लोव़ नेल्‍ल तुइक्‍पाइक्‍ब। छिङछिङम ख्रुइश्‍शो थुं ङा थोव़क नेल्‍ल छेङछेङम तांइसीनीम। मिनु परमप्रभु यावेमी मुर आन कली “गे रिम्‍शो पाइतीनी” देंब। १कोरिन्‍थी ३:८

२ कोरिन्‍थी 5:10

मारदे हना गो नेल्‍ल ख्रीस्‍त आ ङोंइती निसाफ पची ना जाक्‍चा माल्‍नीकी। रांम बाक्‍यानु, इं रांम पशो रिम्‍शो नु मरिम्‍शो नेल्‍ल ताइनीकी। प्रेरित १७:३१; रोमी २:१६; रोमी १४:१०; यूहन्‍ना ५:२९; एफिसी ६:८

२ कोरिन्‍थी 6:2

मारदे हना मेकोमी “शिशी पची ना इ पुंइशो नेंता। गो पाप रे प्रोंइतीक नाक्‍तीमी इ कली वारच पाता” दे ब्रेक्‍शो बाक्‍ब। नेनीने, मुल शिशी पची ना बाक्‍ब। नेनीन मुल पाप रे प्रोंइतीक नाक्‍त बाक्‍ब। यसैया ४९:८; लूका ४:१९,२१

गलाती 3:22

तन्‍न परमप्रभु यावेमी ब्रेक्‍पाइश्‍शो लोव़मी “मुर नेल्‍ल पाप आ वाइलीम वाइल दुम्‍शो बाक्‍नीम” दे ब्रेक्‍शो बाक्‍ब। सु सुमी येसु ख्रीस्‍त कली थमा सुदमे, मेको आन थमा सुइश्‍शोमीन “पाप रे ब्रोंइचा ताइनीम” दे गेशो लोव़ खाप्‍शो ताम्‍तेक्‍म। रोमी ३:९-२०; रोमी ११:३२

गलाती 5:23

ब्रेम्‍शो दुम्‍नीमी नु आंम कली चलेस जोक्‍नीमी। मोदेंशो पाइब मुर कली परमप्रभु यावे आ अरेशो लोव़मी मारेइ मपाइब। १तिमोथी १:९

२ तिमोथी 4:1

गो इ कली ख्रीस्‍त येसु नु परमप्रभु यावे आस ङोंइती मार देंनुङ देंशा हना, येसु ख्रीस्‍त आ राज्‍य जाची ना बेक्‍शो नु ब्रोंइशो मुर आन कली निसाफ पाइब बाक्‍ब। मेको आ जाक्‍चा नु राज्‍य पचा मिम्‍शा १पत्रुस ४:५

तीतस 1:8

थमा सुइक्‍ब आन कली कोव़ब चहिं बास गेब, रिम्‍शो गेय दाक्‍ब, रिम्‍शो नु मरिम्‍शो तुइक्‍ब, ठीक गेय पाइब, थमा पा परमप्रभु आ गेय पाइब नु आंम रां चलेस जोक्‍ब मुर बाक्‍चा माल्‍नीम।

हिब्रू 12:21

मोदेंशो हिंचा ङा दुम्‍शो तशा, मोसामी “हिंशा ख्रिंख्रि पाता” देंमाक्‍त। ब्‍यवस्‍था ९:१९

हिब्रू 3:13

पापम इं थुं क्‍याल्‍शा मटीब मदुम्‍यल, दे मुलाक्‍त रेन नाक्‍त किंत किंत अर्ती गेमुने। १थिस्‍सलोनिकी ५:११

हिब्रू 4:1

मोपतीके होस पांइसय, थुं नाइक्‍चा ताइनीनी देंशो लोव़ मुल यो लीशो बाक्‍तीके, होस पा बाक्‍य। मारदे हना सु सुमी आ लोव़ मटीमे, मेको ओव़चा मताइनीम।

हिब्रू 6:2

मार मार चिक्‍चा शेंतीके, मुर आन तारी गुइ वोइक्‍चा, बेक्‍शो रे सेंसीशा ब्रोंइचा नु गेना हना यो निसाफ पचा आ पर्बम लोव़ बाक्‍ब।

हिब्रू 9:27

दोपा मुर खेयप का बेक्‍चा माल्‍नीमी नु मेको बेक्‍शा, निसाफ पचा पुंइसीनीम। उत्‍पत्ती ३:१९

याकूब 2:19

गेपुकी परमप्रभु यावे का ला बाक्‍ब, दे थमा सुइक्‍नीनी। मोपा रिम्‍शो पाइनीनी। वोलपुकीमी यो मेको थमा सुइश्‍शा हिंशा ख्रिंख्रि पाइनीम।

१ पत्रुस 3:15

तन्‍न इन थुंमी “ख्रीस्‍त ला प्रभु बाक्‍ब” दे मेको कली ठेयब सेलीन। गे गेना हना यो “इन थमा सुइक्‍तीके मार में” दे हिल्‍लो पाइब आन कली लोव़ लेत्‍चा ठीक दुम्‍शा बाक्‍कीन। ब्रेम्‍शो थुंमी रिम्‍शो लोव़ पा लोव़ लेत्‍तीने। १पत्रुस २:२१-१४

२ पत्रुस 1:6

इन तुइक्‍तीकेमी आंमा अरेसीचा माल्‍नीनी। आंमा कली अरेसीतीके, पपाइक्‍तीके नु थमा सुइक्‍तीके मप्रोंइनुङ, दे खोइली थेक्‍शा बाक्‍चा माल्‍नीनी। इन खोइली थेक्‍शा बाक्‍तीकेमी परमप्रभु यावे खोदेंशो पा गेय पने।

१ यूहन्‍ना 3:10

मिनु तेको मुर परमप्रभु यावे आ आल बाक्‍नीमी नु तेको मुर सैतान आ आल बाक्‍नीमी, दे तुंइ‍सीब। दोपा तुंइ‍सीब देंशा हना, सु सु ठीक गेय मपाइनीमी नु आ लोक्‍ब आन कली मदाक्‍नीमी, मेको परमप्रभु यावे आ आल मनमी। मेको सैतान आ आल बाक्‍नीम। यूहन्‍ना ५:१८

१ यूहन्‍ना 3:7

आं आइक्‍च आलपुकी, दूली लोव़ शेंब आन लोव़ मनेनीन। सुम ठीक गेय पाइबा, मेको मुर यो येसु ख्रीस्‍त खोदेंशो पा ठीक पाइब बाक्‍ब। १यूहन्‍ना २:२९

१ सामुएल 12:7

मिनु गे आं ङोंइती बाक्‍कीन। गो परमप्रभु यावे आ ङोंइती गेपुकी नु लोव़ पाइनुङ। परमप्रभु यावेमी इन कली नु इन किकी पिपी आन कली दोपा प्रोना, मेको इन कली देंनुङ।