प्रेरित 24:14 - Sunuwar Bible14 लोव़ का चहिं हजुर, इन कली रुप्पाइक्नन्नी, गो येसु ख्रीस्त आ लां खोइश्शा गाक्नुङ। मेकोपुकीमी मेको लां दूली बाक्ब, दे मिम्शो बाक्नीम। ख्रीस्त आ लां खोइश्शा, साइ आं किकी पिपी आन परमप्रभु यावे कली ठेयब सेल्नुङ। गो मोसा आ अरेशो लोव़ नु परमप्रभु यावे आ लोव़ पाइबपुकीमी ब्रेक्शो लोव़ नेल्ल थमा सुइक्नुङ। အခန်းကိုကြည့်ပါ။ |
प्रेरित 24:14
44 ပူးပေါင်းရင်းမြစ်များ
मिनु लेंशा परमप्रभुमी मोसा कली “इस्राएल ङा मुर आन कली मार देंचा माल्नेवे देंशा हना ‘परमप्रभु यावे, इन किकी पिपी अब्राहाम, इसहाक नु याकूब आन परमप्रभुमी इन कली ग्रुम्थ सोइक्ताक्यी। आं नें गेना हना यो लीब। नेल्ल पाला ङा मुरुम आं नें आन थुंमी मिम्शा वोइक्चा माल्नीम’ देंचा माल्नेवे। प्रस्थान ६:२-३; यसैया ४२:८
मिनु फिलीपमी नथानेल माइश्शो मुर कली ग्रुम्शा, मेको कली “मोसामी नु परमप्रभु यावे आ लोव़ पाइबपुकीमी यो परमप्रभु यावे आ सोइश्शो का आ पर्बम ब्रेक्शो बाक्तेक्म। मिनु गोपुकीमी मेको कली ग्रुम्तक। मेको नासरथ सहर ङा योसेफ आ तौ येसु बाक्माक्त” दे नथानेल कली देंत। यसैया ५३:२; ब्यवस्था १८:१८; येरमीया २३:५; इजीकीएल ३४:२३
मिनु ग्रुम्ची नाक्ती पावल आ बाक्तीकेमी शुश मुर खुम्साक्म। मिनु सुनी रे नाक्दो सम्म पावलमी मेको आन कली एको लोव़ नेल्ल रुप्पपाइक्तीमी। मोसा आ अरेशो नु परमप्रभु यावे आ लोव़ पाइब आन ब्रेक्शो लोव़ रे शेंशा, परमप्रभु यावे आ सोइश्शो ख्रीस्त चहिं येसु बाक्ब देंशा, परमप्रभु यावे आ राज्य ङा लोव़ शेंताक्व।
मिनु काबु यरूसलेममी बाक्ब ठेयब चढ़ेब आन कली ग्रुम्शा, दमस्कस सहर ङा ग्रुम्तीक खिं खिं ङा ठेयब मुर आन कली कागज ब्रेक्शा गेचा नङ देंशा पुना बाक्त। सावल आ पुंइशो लोव़ मार बाक्त देंशा हना “दमस्कसमी बाक्ब येसु आ लां खोइक्ब मीश मुर वोंइश मुर सु सु थिदुमी, मेको नेल्ल आन कली ग्याइश्शा फ्रेंशा, यरूसलेम चाक्नुङमी” दे पुंइशो बाक्माक्त।
मिनु नोले गो मेको परमप्रभु यावे आ स्वर्ग ङा गेय पाइब कली सेउ पचा कली आ खोइलीमी बाप्ती। मेकोमी चहिं आं कली “मपावो। गो गे नु इ लोक्बपुकी खोदेंशो येसु आ लोव़ पाइब, परमप्रभु यावे आ वाइल नङ। परमप्रभु यावे कली मान पावो। मारदे हना येसु आ लोव़ पाइबपुकीम परमप्रभु यावेमी तुइक्पाइश्शो लोव़ ला पाइनीम” दे माइक्ती। प्रकाश २२:८-९
ကြော်ငြာတွေ