प्रेरित 24:12 - Sunuwar Bible

¹² गो यरूसलेममी बाक्‍ङानु, परमप्रभु यावे आ खिंमी, ग्रुम्‍तीक खिंमी, सहर तेइ तेइ हिरशा, सुइ कली जिचा पोक्‍चा ङा लोव़ मपङ। मुर आन कली पोक्‍शा मरिम्‍शो यो मपपदुमी। सुइमी मोदेंशो मरिम्‍शो पशो ताइतक देंने मचाप्‍नीम।

प्रेरित 24:12 ပူးပေါင်းရင်းမြစ်များ

मर्कूस 9:14

मिनु अरु शेंसीब आन बाक्‍तीकेमी लेश्‍शा जाक्‍शा, शुश मुर देल्‍शो नु सास्‍त्रीपुकीमी लीशो शेंसीब आन कली लोव़ हिल्‍लो पशो तामे बाक्‍त।

यूहन्‍ना 18:21

मारदे हिल्‍लो पयीनी? आं शेंशो लोव़ नेंब आन कली हिल्‍लो पने। मेकोपुकीमी आं शेंशो लोव़ तुइक्‍नीम” देंत।

प्रेरित 24:18

गो चोव़खो दुम्‍शा, परमप्रभु कली मार मार चढ़ेङानु, मेकोपुकीमी परमप्रभु यावे आ खिंमी ततीमी। मेना गो आं का ला बाक्‍शो नङ। मुर आन कली पोक्‍शा, मरिम्‍शो यो मपङ। मोदेंशो एकोपुकीमी यो मतशो बाक्‍नीम। प्रेरित २१:२७

प्रेरित 24:5

मेको इन ङोंइती राप्‍पा वोइश्‍शो मुर कली गो रिम्‍शो पा तुइक्‍नीकी। मेको मुर थम हिंचा ङा रोइ खोदेंशो बाक्‍ब। रागी रागी हिरशा गाक्‍मेनु, यहूदी आन कली पोक्‍शा मरिम्‍शो पपाइक्‍बाक्‍त। एको नासरथ ङा दूली थमा सुइक्‍ब आन ठेयब मुर बाक्‍ब। प्रेरित १७:६

प्रेरित 25:8

मिनु पावलमी “आंइ यहूदी आन अरेशो लोव़ का यो दूली मपङ। परमप्रभु यावे खिं ग्रांग्रा मपङ। रोमी पिप सिजर कली यो मरिम्‍शो मदेंङ” देंमाक्‍त।

प्रेरित 28:17

रोम सहरम जाक्‍दीश्‍शो आ सांबु नाक्‍ती पावलमी रोममी बाक्‍ब यहूदी आन ठेयब मुर ब्रेश्‍शा खुप्‍ताक्‍मी। मिनु मेको आन कली “आं लोक्‍बपुकी, आं लोव़ का निक्‍शी नेनीन। इं यहूदी नु इं किकी पिपी आन पतीके पना पन बाक्‍ती हना यो, यरूसलेममी बाक्‍ब लोक्‍बपुकीमी आं कली दोस गेशा ग्‍याइश्‍शा, रोमी सरकार आन गुइमी गेतीमी। प्रेरित २३:१