प्रेरित 24:11 - Sunuwar Bible

¹¹ परमप्रभु कली मान पथ, गो एसीया रे यरूसलेममी जाक्‍शो १२ नाक्‍त लाइ यो लाक्‍शो मबाक्‍ब। आं देंशो थमा मदाप्‍तीनी हना, सु कली हिल्‍लो पाइतीनी हना यो, नेल्‍लेमी देंनीम। प्रेरित २१:१७

प्रेरित 24:11 ပူးပေါင်းရင်းမြစ်များ

प्रेरित 21:18

जाक्‍दीश्‍शो आ दीसा पावलमी आंइ कली याकूब आ खिं लाइश्‍शा, थमा सुइक्‍ब आन कली शेंब खाल्‍पा नु ग्रुम्‍पाइक्‍तु। प्रेरित १५:१३

प्रेरित 22:30

मिनु मेको लडाइ पाइब आन ठेयब मुर “मेको मुर आ दोस मार बाक्‍म?” दे रुप्‍चा माला बाक्‍त। मोपतीके आ दीसा नाक्‍ती ठेयब चढ़ेब नु कछडी बाक्‍ब मुर आन कली खुप्‍पाइश्‍शा, पावल कली आ गुइ ङा साङलो प्रुइश्‍शा लाइश्‍शा, खुम्‍सीशो मुर आन ङोंइती राप्‍पदा बाक्‍त।

प्रेरित 23:11

मिनु मेको नाक्‍दो प्रभुमी पावल आ नेक्‍था जाक्‍शा “दोपा यरूसलेममी आं पर्बम शेंदीमी, मोपा रोम सहरमी यो आं पर्बम शेंशा सांकछी दुम्‍नेवे। मोपतीके महिंथु, ठेयब थुं पा बाक्‍को” देंमाक्‍त। प्रेरित १:८; प्रेरित २५:११-१२; प्रेरित २७:२३-२४

प्रेरित 23:23

मिनु लडाइ पाइब आन ठेयब मुरुमी कप्‍तान निक्‍शी आस कली ब्रेश्‍शा “एको चोक्‍सीशो पावल कली सिजरिया सहर चोव़दीचा माल्‍ताक्‍व। मोपतीके गे निक्‍शीमी आपो नाक्‍दो ९ बजे सहे निक्‍शी सिपाही, ७० जना शारा ङोइक्‍ब नु सहे निक्‍शी भाला शेयब आन कली साशा वोतीसे।

प्रेरित 24:1

मिनु ५ नाक्‍त नोले ठेयब चढ़ेब हनानीया, यहूदी आन जोक्‍ब तुइक्‍ब खाल्‍पा का निक्‍शी नु तेरतुल्‍लस नें पाइश्‍शो निसाफ पाइब का सिजरियामी जाक्‍मा बाक्‍त। मिनु हुकुम पाइब आ ङोंइती पावल कली दोस गेमे बाक्‍त।

प्रेरित 24:17

मिनु मुल मार देंनुङ देंशा हना, गो शुश बर्स मुर आन रागीमी हिरथ लशा, साबेर गाबेर यरूसलेम लेश्‍शा जाक्‍ती। आंम आंइ यहूदी मारेइ मथीब आन कली मार मार गेथ नु परमप्रभु यावे कली मार मार चढ़ेथ लेश्‍शा जाक्‍ती। रोमी १५:२५-२६; गलाती २:१०