प्रेरित 24:10 - Sunuwar Bible

¹⁰ मिनु हुकुम पाइबमी पावल कली लोव़ पचा गेवा बाक्‍त। मिनु पावलमी “हुकुम पाइब, हजुर, एको रागीम शुश बर्स ङोंइती रे निसाफ पाइब बाक्‍नीनी, दे तुइश्‍शा, गो ग्‍येरसीशा ठेयब थुं पा आन गेशो दोस नेंशा लोव़ लेत्‍नुङ। मार लोव़ बाक्‍मे, मेको लोव़ नेल्‍ल देंनुङ।

प्रेरित 24:10 ပူးပေါင်းရင်းမြစ်များ

लूका 12:11

इन कली आन ग्रुम्‍तीक खिं ङा ठेयब मुर नु हुकुम पाइब आन ङोंइती लाइश्‍शा राप्‍पदमेनु ‘मुल मार देंचा, मार लोव़ लेत्‍चा’ दे सुर्ता मपने।

लूका 12:14

मिनु येसुमी “मार गो इस अङस योक्‍ब नङा ङा? मनङ” देंमाक्‍त।

लूका 18:2

मिनु मेकोमी “सहर कामी निसाफ पाइब का बाक्‍माक्‍त। मेको सुइ नु महिंब बाक्‍माक्‍त। परमप्रभु यावे कली ममिम्‍थु, मुर आन लोव़ यो मनेंथु, आ थुंमी मार पिमे में ला पाइबाक्‍माक्‍त।

प्रेरित 12:17

मिनु पत्रुस ओव़शा आ गुइ हिक्‍शा, आ शोव़ थीप थीप पा सिक्‍सी पा नेनीन देंशा, दोपा प्रभुमी जेल्‍खान रे प्रोंइशा सोइक्‍ता, मेको नेल्‍ल तुइक्‍पाइक्‍मी बाक्‍त। मिनु “याकूब नु इं थमा सुइक्‍ब लोक्‍ब नेल्‍ल आन कली एको लोव़ नेंपतीन, है” देंशा, मेकेर रे गाक्‍माक्‍त।

प्रेरित 13:16

मिनु पावल राप्‍शा “इस्राएली नु परमप्रभु यावे कली मान पा हिंबपुकी, इन नोफा दाइश्‍शा, नेनीन।

प्रेरित 18:15

तन्‍न लोव़, नें नु इन परमप्रभु यावे आ अरेशो लोव़ आ पर्बम बाक्‍त हना, गो मेको निसाफ पचा मदाक्‍नुङ। गे आंमा गारीने” दे हुइश्‍शा सोइक्‍तीमी बाक्‍त। यूहन्‍ना १८:३१

प्रेरित 19:33

मिनु यहूदीपुकीमी पोक्‍शो अलेकजन्‍डर कली हुल आन ङोंइती राप्‍पाइश्‍शा “लो, लोव़ पावो” दे मदमेनु, मेकोमी आ गुइ हिम्‍शा “सिक्‍सी पा आं लोव़ नेनीने, नेल्‍ल रुप्‍पाइक्‍नन्‍नी” देंमाक्‍त।

प्रेरित 21:40

मिनु लडाइ पाइब आन ठेयब मुरुमी “लो, लोव़ पचा गेनन” देंमाक्‍त। मिनु पावल ग्रूशा तला तारी ङा लाङगाम राप्‍शा “लो, सिक्‍सी पा आं लोव़ नेनीने” दे गुइ हिक्‍ता बाक्‍त। मिनु पावलमी हिब्रू लोव़ पा, मुर नेल्‍ल सिक्‍सी पामे बाक्‍त।

प्रेरित 23:24

पावल कली यो शारा का साशा वोतीसे। लांमी पावल कली सुइमी मारेइ पाइक्‍ने मचाप्‍मेक्‍ल, दे रिम्‍शो पा हुकुम पाइब फेलीक्‍स आ ङोंइती चाक्‍दीत्‍तीसे” दे माइक्‍सी बाक्‍त।

प्रेरित 26:1

मिनु पिप अग्रीप्‍पामी पावल कली “इ लोव़ मार बाक्‍मे, मेको देनो” दे लोव़ पचा गेवा बाक्‍त। मिनु पावलमी गुइ का पोक्‍शा,

१ पत्रुस 3:15

तन्‍न इन थुंमी “ख्रीस्‍त ला प्रभु बाक्‍ब” दे मेको कली ठेयब सेलीन। गे गेना हना यो “इन थमा सुइक्‍तीके मार में” दे हिल्‍लो पाइब आन कली लोव़ लेत्‍चा ठीक दुम्‍शा बाक्‍कीन। ब्रेम्‍शो थुंमी रिम्‍शो लोव़ पा लोव़ लेत्‍तीने। १पत्रुस २:२१-१४

१ सामुएल 2:25

मुरुमी मुर आन कली पाप पाप्‍तु हना, परमप्रभुम निसाफ पाइब। तन्‍न मुरुमी परमप्रभु यावे कली पाप पाप्‍तु हना, सुम गारपाइक्‍ने चाप्‍बा ङा” देंमाक्‍त। मेको लोव़ नेल्‍ल नेंताक्‍स हना यो, मेको निक्‍शीमी आस आफ आ लोव़ मटिम्‍से बाक्‍त। मारदे हना परमप्रभु यावेम मेको निक्‍शी आस कली साइक्‍चा माल्‍शो बाक्‍माक्‍त। अय्‍युब १६:२०-२१