प्रेरित 24:1 - Sunuwar Bible

¹ मिनु ५ नाक्‍त नोले ठेयब चढ़ेब हनानीया, यहूदी आन जोक्‍ब तुइक्‍ब खाल्‍पा का निक्‍शी नु तेरतुल्‍लस नें पाइश्‍शो निसाफ पाइब का सिजरियामी जाक्‍मा बाक्‍त। मिनु हुकुम पाइब आ ङोंइती पावल कली दोस गेमे बाक्‍त।

प्रेरित 24:1 ပူးပေါင်းရင်းမြစ်များ

भजन संग्रह 11:2

नेनीन, इन अरेशो मटीबपुकीमी आन लिब्रा कीशा, आन ब्रा डोरीम वोइश्‍शा, ठीक पाइब रिम्‍शो थुं पाइश्‍शो मुर आन कली ख्रुइश्‍शा आप्‍नीम।

यसैया 3:3

मिनु ५० जना आन कप्‍तान, मान पाइक्‍चा पुंइसीब, सल्‍ला गेब, जोक्‍ब तुइक्‍ब, मन्‍तर तन्‍तर पाइब नु नेल्‍ल क्‍येङा जोक्‍ब नेल्‍ल सहर रे योल्‍ब।

प्रेरित 12:21

मिनु काबु पिप हेरोदमी रकारी वा फेक्‍शा, आ ठेयब नित्‍तीकेमी निश्‍शा, मेको आन कली आ लोव़ नेंपाइक्‍मी बाक्‍त।

प्रेरित 21:27

मेको चोव़खेतीक ७ नाक्‍त दुम्‍चा चिक्‍तानु, यहूदीपुकी एसीया रे जाक्‍शा पावल कली ग्‍याइक्‍तमे बाक्‍त। मेकोपुकीमी पावल कली परमप्रभु यावे आ खिंमी बाक्‍शो तशो बाक्‍मा बाक्‍त।

प्रेरित 23:2

हनानीया माइश्‍शो ठेयब चढ़ेबमी पावल आ नेक्‍था बाक्‍ब आन कली “मेरे आ शोव़ रोप्‍तीने” देंमाक्‍त।

प्रेरित 23:24

पावल कली यो शारा का साशा वोतीसे। लांमी पावल कली सुइमी मारेइ पाइक्‍ने मचाप्‍मेक्‍ल, दे रिम्‍शो पा हुकुम पाइब फेलीक्‍स आ ङोंइती चाक्‍दीत्‍तीसे” दे माइक्‍सी बाक्‍त।

प्रेरित 23:30

मिनु यहूदीपुकीमी ‘मेको कली साइक्‍चा, दे गारशो बाक्‍नीम’ देंशो नेंशा, हजुर, इन बाक्‍तीक सोइक्‍ताक्‍ङ। एको कली दोस गेब आन कली ‘सिजरिया ङा हुकुम पाइब आ बाक्‍तीक लने’ दे माइक्‍नुङमी” दे ब्रेक्‍ता बाक्‍त।

प्रेरित 23:33

मिनु चाक्‍दीश्‍शा, पावल नु चिठी मेको हुकुम पाइब कली जिम्‍मा गेमे बाक्‍त।

प्रेरित 23:35

मिनु हुकुम पाइबमी “लो मो हना इ कली दोस गेबपुकी जाक्‍मल। मिनु इ मुददा कोव़नुङ” देंशा हेरोद आ दरवारमी लाइश्‍शा, खाल पाइब आन दातेमी वोइक्‍पदा बाक्‍त।

प्रेरित 24:11

परमप्रभु कली मान पथ, गो एसीया रे यरूसलेममी जाक्‍शो १२ नाक्‍त लाइ यो लाक्‍शो मबाक्‍ब। आं देंशो थमा मदाप्‍तीनी हना, सु कली हिल्‍लो पाइतीनी हना यो, नेल्‍लेमी देंनीम। प्रेरित २१:१७

प्रेरित 24:2

मिनु कछडी बाक्‍मा नाक्‍ती पावल कली हुकुम पाइब आ ङोंइती राप्‍पदमेनु, तेरतुल्‍लस निसाफ पाइबमी दोस गेशा “माननीय फेलीक्‍स सरकार, हजुर, इन रिम्‍शो पा हुकुम पशोमी गो यहूदी नेल्‍ल थुं नाइश्‍शा बाक्‍चा ताइतक। आंइ रागी रिम्‍शो सेल्‍चा कली नक लां कोंइताक्‍नी। मिनु नेल्‍ल आंइ कली थम रिम्‍शो दुम्‍त।

प्रेरित 25:15

मिनु यरूसलेम लङानु, ठेयब चढ़ेब नु यहूदी आन शेंब खाल्‍पापुकीमी एको मुर आ पर्बम नेल्‍ल तुइक्‍पाइक्‍तीमी। शुश दोस गेम्‍तेक्‍म। मिनु मेको कली सजाइ गेचा, दे पुंइतेक्‍म।

प्रेरित 25:2

मिनु यरूसलेममी बाक्‍मेनु, ठेयब चढ़ेबपुकी यहूदी आन ठेयब मुरपुकीमी ग्रुम्‍थ जाक्‍शा, फेस्‍तस कली पावल आ पर्बम लोव़ पामे बाक्‍त।

१ कोरिन्‍थी 2:1

आं लोक्‍बपुकी, गो गेपुकी नु बाक्‍ङानु, परमप्रभु यावे आ लोव़ नेंपदुनु, मुर आन जोक्‍तीक तुइक्‍तीक रे नु फू चुइश्‍शो लोव़ पा मशेंदन्‍नी।

१ कोरिन्‍थी 2:4

मुर आन कली जोक्‍तीक तुइक्‍तीक कोंइशा, ठेयब लोव़ मपङ। तन्‍न परमप्रभु यावे आ सोक्‍तीम कोंइशो सक्ति रे पा शेंताक्‍न्‍नी। मत्ती १०:२०