प्रेरित 23:17 - Sunuwar Bible

¹⁷ मिनु पावलमी कप्‍तान का ब्रेश्‍शा “एको ठिटा कली लडाइ पाइब आन ठेयब मुर नु ग्रुम्‍पतीने। मारदे हना लोव़ का निक्‍शी तुइक्‍पाइक्‍चा माल्‍ताक्‍व” देंमाक्‍त।

प्रेरित 23:17 ပူးပေါင်းရင်းမြစ်များ

हितोपदेस 22:3

निप्‍स पाइश्‍शो मुर श्‍येत जाक्‍चा चिक्‍शो तशा, ख्रुंइसी‍नीम। तन्‍न मारेइ मजोक्‍ब मुरुमी मारेइ मतुइक्‍थु श्‍येत जाइनीम। हितोपदेस २७:१२

मत्ती 10:16

भेडा आन कली फर आन दातेम सोइश्‍शो खोदेंशो पा सोइक्‍नन्‍नी। बुस्‍स खोदेंशो पा निप्‍स पाइश्‍शो दुमीने। मिनु परवा खोदेंशो दुम्‍शा, सुइ कली मरिम्‍शो मपने। लूका १०:३; रोमी १६:१९; एफिसी ५:१५

यूहन्‍ना 18:12

मिनु सिपाहीपुकी, आन कप्‍तान नु यहूदी आन ठेयब मुरपुकीमी येसु कली ग्‍याइश्‍शा फ्रेंताक्‍म।

प्रेरित 22:26

मिनु कप्‍तानमी मुल मार पचा, दे सिपाही आन ठेयब मुर कली हिल्‍लो पथ लमाक्‍त। मिनु “कोर्रामी युक्‍चा पुंइसीचा ङा मुर ममाइ बाक्‍त। आं यो रोमी नागरिक बाक्‍त” दे तुइक्‍पदा बाक्‍त।

प्रेरित 23:16

मेको लोव़ पावल आ भानीजमी नेंना बाक्‍त। मिनु सिपाही बाक्‍तीके लशा, पावल कली माल्‍शा ग्रुम्‍शा तुइक्‍पदा बाक्‍त।

प्रेरित 23:18

मिनु कप्‍तानमी ठिटा कली लडाइ पाइब आन ठेयब मुर आ बाक्‍तीके चाक्‍दीश्‍शा “हजुर, चोक्‍सीशो पावलमी आं कली ब्रेश्‍शा, एको ठिटा कली इन बाक्‍तीके चाक्‍दीत्‍चा। मारदे हना इन कली लोव़ का निक्‍शी तुइक्‍पाइक्‍चा माल्‍ताक्‍व देंशा, हजुर, इन बाक्‍तीक चोव़थ सोइक्‍ताक्‍यी” देंमाक्‍त।

प्रेरित 23:23

मिनु लडाइ पाइब आन ठेयब मुरुमी कप्‍तान निक्‍शी आस कली ब्रेश्‍शा “एको चोक्‍सीशो पावल कली सिजरिया सहर चोव़दीचा माल्‍ताक्‍व। मोपतीके गे निक्‍शीमी आपो नाक्‍दो ९ बजे सहे निक्‍शी सिपाही, ७० जना शारा ङोइक्‍ब नु सहे निक्‍शी भाला शेयब आन कली साशा वोतीसे।