प्रेरित 23:11 - Sunuwar Bible

¹¹ मिनु मेको नाक्‍दो प्रभुमी पावल आ नेक्‍था जाक्‍शा “दोपा यरूसलेममी आं पर्बम शेंदीमी, मोपा रोम सहरमी यो आं पर्बम शेंशा सांकछी दुम्‍नेवे। मोपतीके महिंथु, ठेयब थुं पा बाक्‍को” देंमाक्‍त। प्रेरित १:८; प्रेरित २५:११-१२; प्रेरित २७:२३-२४

प्रेरित 23:11 ပူးပေါင်းရင်းမြစ်များ

भजन संग्रह 109:31

मारदे हना मेको श्‍येत जाइब आन कली साइक्‍ब आन गुइ रे प्रोंइशा वारच पाइब बाक्‍ब।

यसैया 41:10

महिनो, मारदे हना गो गे नु बाक्‍नुङ। आइक्‍च थुं मपावो। मारदे हना गो इ परमप्रभु नङ। गो इ कली बोल्‍यो सेल्‍शा, वारच पाइनुङ। गो इ कली आं ग्राब ग्‍युरा गुइमी वारच पाइनुङ। यसैया ४३:१

यसैया 41:14

गे महिक्‍सीशो याकूब महिनो। इच्‍कका ला लीशो इस्राएलीपुकी महिनीन। गो इ कली वारच पाइ‍नुङ, दे परमप्रभु यावेमी देंत। इ कली पाप रे प्रोंइब इस्राएली आन का ला बाक्‍शो परमप्रभु, गो नङ। यसैया ४३:३

यसैया 43:2

गे ब्‍वाक्‍कु शोक्‍शा, गाक्‍चा माल्‍ते हना यो, गो गे नु बाक्‍नुङ। खोला शोक्‍साक्‍वे हना यो, मेकोम इ कली मयोल्‍ब। मीम गाक्‍शा लवेनु, मेकोम इ कली मजेप्‍ब। मेको मीम इ कली मदाक्‍ब। प्रस्‍थान १४:२१; भजन संग्रह ६६:१२; दानीएल ३:२५-२७

यसैया 46:10

गो साइ ङोंइती रे नोले सम्‍म मार दुम्‍मे, नेल्‍ल शेंनुङ। ङोंइती रे मुल सम्‍म मदुम्‍शो यो देंनुङ। मिनु गो आं मिम्‍शो मफाइक्‍थु, नेल्‍ल पाइनुङ। आ मिम्‍शो नेल्‍ल खाप्‍नुङ।

मत्ती 14:27

येसुमी “थुं बारपतीने। गो नङ, महिनीन” देंत। लूका २४:३७

मत्ती 28:20

मिनु गोमी इन कली मार मार शेंदन्‍नी, मेको नेल्‍ल मेको आन कली शेंशा पपतीने। नेनीने, रागी मनुप्‍ची सम्‍म गो गेनायो गेपुक नु बाक्‍नुङ” देंत। मत्ती १६:२०

मत्ती 9:2

मिनु मार दुम्‍माक्‍त देंशा हना, आ गुइ खोइल मदुक्‍ब मुर का कली आ ब्राख्‍येमी कुरशा चाक्‍गमे बाक्‍त। मिनु येसुमी “मेको मुर कली चाक्‍बपुकीमी थमा सुइक्‍यीमी बाक्‍त” दे तुइश्‍शा, मेको गुइ खोइल मदुक्‍ब कली “आं तौ, इ पाप क्‍याम्‍साक्‍व। मिनु इ थुं बारपतो” दे मदा बाक्‍त। प्रस्‍थान ३४:६-७; भजन संग्रह १०३:३

लूका 16:28

मेको आन कली “इन लोक्‍ब बेक्‍शा, नरक लशा श्‍येत जशा बाक्‍त। आ पशो खोदेंशो मपने। मो पाइतीनी हना, आ खोदेंशो दुम्‍नी” दे माइक्‍थ, लाजरस कली सोइक्‍तीने’ दे सेउ पवा बाक्‍त।

यूहन्‍ना 14:18

गो इन कली रोम रोइक्‍च खोदेंशो पा मवोइक्‍नन्‍नी। इन बाक्‍तीके जाक्‍नुङ।

यूहन्‍ना 16:33

आं कली मिम्‍शा इन थुं नाइश्‍शा बाक्‍कीन, दे एको लोव़ शेंताक्‍न्‍नी। गेपुकी रागीम बाक्‍शा, श्‍येत जाइनीनी। तन्‍न थुं बारपाइश्‍शा ग्‍येरसीने। गो रागी कली ग्राती” देंत। यूहन्‍ना १४:२७; रोमी ५:१; १यूहन्‍ना ५:४

प्रेरित 18:9

मिनु काबु नाक्‍दो प्रभुमी पावल कली कोंइतीक कोंइदानु “सुइ कली तशा महिनो। शेंस ङा शेंस बाक्‍को। येरमीया १:८; १कोरिन्‍थी २:३

प्रेरित 19:21

मेको नोले पावलमी “गो मासीडोनीया नु आकाया लां पा यरूसलेममी जाक्‍दीत्‍नुङ। मेकेर काबु निक्‍बु बाक्‍शा, रोम सहर मजाक्‍दीत्‍थु मप्रोंइनुङ” दे थुं पवा बाक्‍त। प्रेरित २३:११

प्रेरित 2:25

मिनु पिप दाऊदमी येसु आ पर्बम ‘प्रभु गेना हना यो आं ग्‍युरा गे बाक्‍ब, दे तुइश्‍शा महिंनुङ। भजन संग्रह १६:८-११

प्रेरित 20:22

मिनु मुल परमप्रभु यावे आ सोक्‍तीमी देंशो टिशा, यरूसलेम गे ङा लां खोइश्‍शा गाक्शो बाक्‍‍नुङ। यरूसलेममी जाक्‍दीश्‍शा, आं कली मार दुम्‍बा, दे मतुइक्‍नुङ। प्रेरित १९:२१

प्रेरित 22:15

दोदेंशो पा ग्रुमी, मार लोव़ नेंनी, मेको नेल्‍ल शुश मुर आन कली तुइक्‍पाइक्‍नेवे।

प्रेरित 22:18

गो प्रभु कली ताता। मिनु प्रभुमी ‘यरूसलेम थु प्रोनो। मारदे हना एकेर बाक्‍बपुकीमी गेमी आं पर्बम शेंशो लोव़ मनेंनीम’ देंत।

१ कोरिन्‍थी 9:1

गो आं दाक्‍शो, आं मिम्‍शो पने मचाप्‍नुङा ङा? गो ख्रीस्‍त आ सोइश्‍शो मनङा ङा? आं मिक्‍चीमी इं प्रभु येसु ख्रीस्‍त कली मतशो नङा ङा? गो प्रभु आ गेय पङा रे गेपुकी यो प्रभु आ मुर मदुम्‍नी ङा? १कोरिन्‍थी १५:८; प्रेरित ९:३-५,१५

फिलिप्‍पी 1:13

हुकुम पाइब आ खिं ङा मुर नु अरु नेल्‍लेमी गो ख्रीस्‍त कली थमा सुइश्‍शो आ पर्बम जेल्‍खानम बाक्‍ती, दे तुइक्‍ताक्‍म। फिलिप्‍पी ४:२२

२ तिमोथी 4:17

तन्‍न प्रभु गो नु बाक्‍शा, अर्को रागी ङा मुर आन कली परमप्रभु यावे आ लोव़ नेल्‍ल शेंचा सक्ति गेती। मोपा आं कली गुप्‍स रे प्रोंइती। प्रेरित २३:११; प्रेरित २७:२३