प्रेरित 22:1 - Sunuwar Bible

¹ मिनु पावलमी हिब्रू लोव़ पा “आं आफ नु लोक्‍बपुकी, लोव़ का निक्‍शी नेनीने” देंमेनु, मेकोपुकी थम सिक्‍सी पा नोफा दाइश्‍शा बाक्‍मा बाक्‍त।

प्रेरित 22:1 ပူးပေါင်းရင်းမြစ်များ

लूका 12:11

इन कली आन ग्रुम्‍तीक खिं ङा ठेयब मुर नु हुकुम पाइब आन ङोंइती लाइश्‍शा राप्‍पदमेनु ‘मुल मार देंचा, मार लोव़ लेत्‍चा’ दे सुर्ता मपने।

लूका 21:14

‘ठेयब मुर आन ङोंइती मार देंचा?’ दे गेनायो पीर मपाइनुङ, दे इन थुं फ्रेंशा बाक्‍कीन। लूका १२:११

प्रेरित 13:26

आं लोक्‍बपुकी, अब्राहाम आ खिं ङा मुर बाक्‍तीनी हना यो, परमप्रभु यावे कली मान पा हिंब अर्को रागी ङा मुर बाक्‍तीनी हना यो, गो नेल्‍ल इं कली परमप्रभुमी पाप रे ब्रोंइतीक लोव़ नेंपाइक्‍ब।

प्रेरित 19:33

मिनु यहूदीपुकीमी पोक्‍शो अलेकजन्‍डर कली हुल आन ङोंइती राप्‍पाइश्‍शा “लो, लोव़ पावो” दे मदमेनु, मेकोमी आ गुइ हिम्‍शा “सिक्‍सी पा आं लोव़ नेनीने, नेल्‍ल रुप्‍पाइक्‍नन्‍नी” देंमाक्‍त।

प्रेरित 23:1

मिनु पावल मेको आन ङोंइती राप्‍शा, आन कली मिक्‍च मयाक्‍थु कोव़शा, “आं लोक्‍बपुकी, गो साइ रे मुल सम्‍म आं तुइश्‍शो जोक्‍शो रिम्‍शो ला पाता। एको लोव़ थमा बाक्‍ब, दे परमप्रभुमी तुइक्‍ब” देंमेनु, प्रेरित २४:१६

प्रेरित 23:6

मिनु पावलमी कछडीम बाक्‍बपुकी का निक्‍शी सदुकी, का निक्‍शी फरिसी बाक्‍नीम, दे तुइश्‍शा, ठेयब सेंदा पा “आं लोक्‍बपुकी, गो फरिसी नङ। गो फरिसी आ तौ नङ। बेक्‍शो रे सेंसीशा ब्रोंइचा तांइसीब, दे थमा सुइश्‍शो लोव़मी आं कली दोस गेशा, मुददा कोप्‍ताक्‍यीमी” देंमाक्‍त। प्रेरित २२:३; प्रेरित २६:५; गलाती १:१४

प्रेरित 24:10

मिनु हुकुम पाइबमी पावल कली लोव़ पचा गेवा बाक्‍त। मिनु पावलमी “हुकुम पाइब, हजुर, एको रागीम शुश बर्स ङोंइती रे निसाफ पाइब बाक्‍नीनी, दे तुइश्‍शा, गो ग्‍येरसीशा ठेयब थुं पा आन गेशो दोस नेंशा लोव़ लेत्‍नुङ। मार लोव़ बाक्‍मे, मेको लोव़ नेल्‍ल देंनुङ।

प्रेरित 25:16

गो मेको आन कली ‘कछडी वोइश्‍शा, दोस गेबपुकी नु दोस गेचा पुंइसीब कली मग्रुम्‍पाइक्‍थु, दोस मग्रुंइथु, सजाइ गेचा आंइ रोमी ऐन कानुनम मगारब। दोस गेचा पुंइसीबमी एको आन देंशो थमा बाक्‍ब, दे मदेंम सम्‍म सजाइ गेचा मदुम’ दे माइक्‍तामी। प्रेरित २२:२५

प्रेरित 25:8

मिनु पावलमी “आंइ यहूदी आन अरेशो लोव़ का यो दूली मपङ। परमप्रभु यावे खिं ग्रांग्रा मपङ। रोमी पिप सिजर कली यो मरिम्‍शो मदेंङ” देंमाक्‍त।

प्रेरित 26:24

मोपा लोव़ पना पन लदानु, हुकुम पाइब फेस्‍तसमी आ लोव़ ख्रोइश्‍शा “पावल, गे बौला, शुश शेंसीशा जोक्‍ब तुइक्‍ब दुम्‍शा, निप्‍स ग्‍यशो कका दु‍मे बाक्‍त” दे ठेयब सेंदा पा देंमेनु,

प्रेरित 28:17

रोम सहरम जाक्‍दीश्‍शो आ सांबु नाक्‍ती पावलमी रोममी बाक्‍ब यहूदी आन ठेयब मुर ब्रेश्‍शा खुप्‍ताक्‍मी। मिनु मेको आन कली “आं लोक्‍बपुकी, आं लोव़ का निक्‍शी नेनीन। इं यहूदी नु इं किकी पिपी आन पतीके पना पन बाक्‍ती हना यो, यरूसलेममी बाक्‍ब लोक्‍बपुकीमी आं कली दोस गेशा ग्‍याइश्‍शा, रोमी सरकार आन गुइमी गेतीमी। प्रेरित २३:१

प्रेरित 7:2

स्‍तीफानसमी “आं आफ, बाजे नु आं लोक्‍बपुकी, गो लोव़ का निक्‍शी पाइनुङ। दोपा छेङछेङ नु सक्ति पाइश्‍शो परमप्रभु यावेमी इं किकी पिपी अब्राहाम कली तपांइसे, गो मेको नेल्‍लेमी तुइक्‍नय। उत्‍पत्ती ११:- ५०:-; यहोसु २४:३२

रोमी 2:15

मेको मुर आन थुंमी अरेशो लोव़ ब्रेक्‍सीशो बाक्‍ब, दे कोंइनीम। मेको आन थुंमी आन पशो आ पर्बम रिम्‍शो बाक्‍ब देय मरिम्‍शो बाक्‍बा सांकछी गेब। रोमी १:३२

१ कोरिन्‍थी 9:3

आं शेंशो आ पर्बम हिल्‍लो पाइब आन कली कोरिन्‍थीपुकी दोपा थमा सुइक्‍ब दुम्‍मा? लो, मिम्‍तीन, दे माइक्‍नुङमी।

२ कोरिन्‍थी 12:19

“पावल नु आ वारचपुकीमी ब्रोंइचा कली लोव़ पाइबाक्‍तेक्‍म” देंशो मिम्‍ताक्‍नी हना, गे दूली मिम्‍ताक्‍नी। आंइ दाक्‍शो लोक्‍बपुकी, गो इन कली शेंशा लोव़ पकानु, परमप्रभु यावे आ ङोंइती जिम्‍मा ब्रशा ख्रीस्‍त आ अधिकार तशा, इन कली रिम्‍शो दुम्‍ल, दे मिम्‍शा शेंताक्‍क।

२ कोरिन्‍थी 7:11

परमप्रभु यावेमी इन थुं खाइक्‍पाइश्‍शोमी मार दुम्‍मे, दे तुइक्‍तीने। गे रिम्‍शो दुम्‍चा कली शुश गेय पाइतीनी। गे सल्‍‍ला पा, जिशा, हिंशा, रिम्‍शो दुम्‍चा कली शुश बोल पा दोस मताइब दुम्‍चा कली गे मेको मुर कली सजाइ गेतीनी। मोपा गे दोस मताइब बाक्‍नीनी, दे कोंइताक्‍नी।

फिलिप्‍पी 1:17

गेहे पा ख्रीस्‍त आ लोव़ शेंबपुकीम चहिं “गो नेल्‍ल क्‍येङा ठेयब नङ” दे रिम्‍शो थुं मपथु, आं कली जेल्‍खानम श्‍येत तेम्‍चा मिम्‍नीम।

फिलिप्‍पी 1:7

नेल्‍ल इन पर्बम मोदेंशो मिम्‍चा ठीक बाक्‍ब। मारदे हना गो इन कली शुश दाक्‍नुङ। आं जेल्‍खानमी चोक्‍चा पुंइसीशो, निसाफ पची ना नु ग्‍येरपाइक्‍ब लोव़ शेंची ना गो इन कली मिम्‍नुङ। गो नेल्‍ल खाल का ङा शिशी ताइब बाक्‍नय।

२ तिमोथी 4:16

ङोंइती ङा आं मुददाम सुइमी आं कली वारच मपाम। नेल्‍लेमी प्रोंइतीमी। परमप्रभु यावेमी मेको आन कली सजाइ मगेवल। २तिमोथी १:१५

१ पत्रुस 3:15

तन्‍न इन थुंमी “ख्रीस्‍त ला प्रभु बाक्‍ब” दे मेको कली ठेयब सेलीन। गे गेना हना यो “इन थमा सुइक्‍तीके मार में” दे हिल्‍लो पाइब आन कली लोव़ लेत्‍चा ठीक दुम्‍शा बाक्‍कीन। ब्रेम्‍शो थुंमी रिम्‍शो लोव़ पा लोव़ लेत्‍तीने। १पत्रुस २:२१-१४