प्रेरित 21:9 - Sunuwar Bible

⁹ फिलीप के ४ जना ग्‍युंबे मपशो तमी बाक्‍तेक्‍म। मेकोपुकी परमप्रभु यावे आ लोव़ पाइब बाक्‍तेक्‍म।

प्रेरित 21:9 ပူးပေါင်းရင်းမြစ်များ

२ राजा 22:14

मोपतीके चढ़ेब हिल्‍कीयाह, अहीकाम, आकबोर, शाफान नु आसायाह पिप आ खिंम वासी कोव़ब हारहास आ चच, तिकवाह आ तौ शाल्‍लुम आ मीश परमप्रभु यावे आ लोव़ पाइब हुल्‍दा आ बाक्‍तीके यरूसलेमम हिल्‍लो पथ लमा बाक्‍त। मेको आ खिं यरूसलेम ङा नक सहरम बाक्‍बाक्‍माक्‍त।

नेहेम्‍याह 6:14

मिनु गो “आं परमप्रभु, तोबीयाह नु सान्‍बल्‍लत आस पशो मिम्‍तीन। आं कली हिंच कोंइचा दाक्‍ब नोले दुम्‍ब लोव़ पाइब नोआदीयाह माइश्‍शो मीश मुर नु अरु नोले दुम्‍ब लोव़ पाइब, नेल्‍ल आन पतीके यो मिम्‍तीन” दे परमप्रभु कली पुंइता। नेहेम्‍याह ३:३३-३७

प्रस्‍थान 15:20

हारून आ समी मिरयाम परमप्रभु आ लोव़ पाइब यो बाक्‍त। मेकोमी खैजडी ताप्‍शा, कुम्‍सो पथ लमेनु, अरु मीश मुरपुकी यो खैजडी ताप्‍शा, सिल पना पन मेको आ नोले खोइक्‍तेक्‍म। भजन संग्रह ६८:२६

इजीकीएल 13:17

मेकोमी ‘मुल ए मुर, इ मुर आन तमी आन कली हुइक्‍तो। मेकोपुकीम आन थुंम मिम्‍शा लोव़ पाइनीम। गे परमप्रभु यावे आ लोव़ मेको आन कली पावो’ देंत।

योएल 2:28

मिनु नोले गो आं सोक्‍त मुर नेल्‍ल आन तार मोइक्‍नुङ। मिनु इन तमी तौपुकीमी आं लोव़ पाइनीम। इन खाल्‍पापुकीमी ङोमु ताइनीम। मिनु इन वोंइश आलपुकीमी आं कोंइशो ताइनीम। गन्‍ती ११:२९; यसैया ४४:३; इजीकीएल ३९:२९; तीतस ३:५-६

लूका 2:36

यरूसलेममी आन्‍ना माइश्‍शो परमप्रभु यावे आ लोव़ पाइब खाल्‍पी का बाक्‍माक्‍त। मेको आशेर आ थर ङा फनुएल आ तमी बाक्‍माक्‍त। मेको ग्‍युंबे पशो आ ७ बर्सम आ वोंइश बेक्‍शो बाक्‍माक्‍त।

प्रेरित 13:1

एन्‍टीओक सहर ङा थमा सुइक्‍ब आन दातेमी परमप्रभु यावे आ लोव़ पाइ‍ब नु शेंब का निक्‍शी यो बाक्‍मा बाक्‍त। मोदेंशो मुर सु सु बाक्‍मा बाक्‍त देंशा हना, बारनाबास, क्‍येर माइश्‍शो सिमियोन, साइरेनी ङा लुसीयस, पिप हेरोद आ गेय पाइब मानाएन नु सावल बाक्‍मा बाक्‍त। प्रेरित ११:२७; १कोरिन्‍थी १२:२८

प्रेरित 2:17

‘परमप्रभु यावेमी रागी नुप्‍ची नाक्‍त मुर नेल्‍ल आन कली आं सोक्‍तीम प्रिंनुङमी। मिनु इन तमी तौपुकीमी आं लोव़ पाइनीम। ठिटापुकीमी आं कोंइशो ताइनीमी, खाल्‍पापुकीमी ङोमु ताइनीम।

१ कोरिन्‍थी 7:38

मोपतीके सुमी आ मीश आल कली ग्‍युंबे पाइ‍बा, मेकोमी रिम्‍शो पाइब। सुमी मपाइबा, मेकोमी मेको क्‍येङा रिम्‍शो पाइब।

प्रकाश 2:20

तन्‍न इन कली लोव़ का पचा माल्‍नुङ। मार लोव़ पचा माल्‍नुङ देंशा हना, गे इजेबेल माइश्‍शो मीश मुर कली इन ग्रुम्‍तीकेमी बाक्‍चा गेतीनी। इजेबेलमी ‘गो परमप्रभु यावेमी तुइक्‍पाइश्‍शो लोव़ पाइब नङ’ देंखु पा, आं गेय पाइब आन कली मरिम्‍शो पचा शेंताक्‍मी। मार मरिम्‍शो पचा शेंताक्‍मी देंशा हना, तेल्‍लेम पचा नु मूर्ति कली चढ़ेशो थोव़क जचा ब्‍वचा दुम्‍ब, दे शेंताक्‍मी। २राजा ९:२२

न्‍यायाधीस 4:4

मेना लप्‍पीदोथ आ मीश, देबोरा इस्राएली आन कली निसाफ पाइब दुम्‍शो बाक्‍माक्‍त। मेको परमप्रभु यावे आ लोव़ पाइब यो बाक्‍माक्‍त।