प्रेरित 21:40 - Sunuwar Bible

⁴⁰ मिनु लडाइ पाइब आन ठेयब मुरुमी “लो, लोव़ पचा गेनन” देंमाक्‍त। मिनु पावल ग्रूशा तला तारी ङा लाङगाम राप्‍शा “लो, सिक्‍सी पा आं लोव़ नेनीने” दे गुइ हिक्‍ता बाक्‍त। मिनु पावलमी हिब्रू लोव़ पा, मुर नेल्‍ल सिक्‍सी पामे बाक्‍त।

प्रेरित 21:40 ပူးပေါင်းရင်းမြစ်များ

२ राजा 9:13

मिनु मेकोपुकीम रीब पा आन आ तार फेक्‍शो वा प्रुइश्‍शा, तला ङोइक्‍तीक थेंका ङा फुल्‍लु तार ब्रामे बाक्‍त। मिनु मेकोपुकीम तुराही ताप्‍शा, ठेयब सेंदा पा “येहू पिप दुम्‍त” देंमा बाक्‍त। मत्ती २१:७

लूका 23:38

येसु कली क्‍याइश्‍शो शीमी “यहूदी आन पिप बाक्‍ब” दे ब्रेक्‍शा वोदमे बाक्‍त।

यूहन्‍ना 19:13

मिनु यहूदी आन लोव़ नेंशा, पिलातसमी येसु कली खिं रे ग्रुंइताक्‍व। मिनु पिलातस निसाफ पाइब आ नित्‍तीकेमी निस्‍‍साक्‍व। मेको निसाफ नित्‍तीक आ खपीमी फुल्‍लु ब्रशो बाक्‍तेक्‍म। मेको कली हिब्रू लोव़मी गाब्‍बाथा देंनीम।

यूहन्‍ना 19:17

मिनु नोले यहूदीपुकीमी येसु कली लाइक्‍तेक्‍म। मिनु आ कली कांटी थोक्‍शा क्‍याइश्‍शा साइक्‍तीक शी आंमा कुरपाइश्‍शा, खप्‍परे माइक्‍तीकेमी लाइक्‍तेक्‍म। हिब्रू लोव़मी मेको कली गोल्‍गथा देंनीम।

यूहन्‍ना 19:20

येसु कली साइक्‍तीक ठाउं यरूसलेम सहर आ नेक्‍था बाक्‍त। मिनु शुश यहूदीपुकीमी मेको ब्रेक्‍शो ब्रेक्‍स पढेम्‍तेक्‍म। मेको ब्रेक्‍स चहिं हिब्रू, रोमी नु ग्रीक लोव़मी ब्रेक्‍शो बाक्‍त।

यूहन्‍ना 5:2

यरूसलेम सहर कली गारोमी हिरशो बाक्‍ब। मेको गारोमी लाप्‍चोपुकी बाक्‍नीम। मेको गारो ङा ठेयब लाप्‍चो का कली भेडा लाप्‍चो देंनीम। मेको आ नेक्‍थामी हिब्रू लोव़मी बेथेस्‍दा माइश्‍शो दोम्‍ली का बाक्‍ब। मेको दोम्‍ली बाक्‍तीकेमी ५ ओटा पाटी खिं बाक्‍नीम। नेहेम्‍याह ३:१

प्रेरित 1:19

मेको आ मरिम्‍शो पशो यरूसलेम सहरमी बाक्‍ब नेल्‍लेमी तुइक्‍ताक्‍म। मिनु मेको रू कली आन लोव़ रे पा आखेल्‍दामा, दे नें वोइक्‍तेक्‍म। आखेल्‍दामा देंशो “हुश आ रू” रुम्‍सीब।

प्रेरित 12:17

मिनु पत्रुस ओव़शा आ गुइ हिक्‍शा, आ शोव़ थीप थीप पा सिक्‍सी पा नेनीन देंशा, दोपा प्रभुमी जेल्‍खान रे प्रोंइशा सोइक्‍ता, मेको नेल्‍ल तुइक्‍पाइक्‍मी बाक्‍त। मिनु “याकूब नु इं थमा सुइक्‍ब लोक्‍ब नेल्‍ल आन कली एको लोव़ नेंपतीन, है” देंशा, मेकेर रे गाक्‍माक्‍त।

प्रेरित 13:16

मिनु पावल राप्‍शा “इस्राएली नु परमप्रभु यावे कली मान पा हिंबपुकी, इन नोफा दाइश्‍शा, नेनीन।

प्रेरित 19:33

मिनु यहूदीपुकीमी पोक्‍शो अलेकजन्‍डर कली हुल आन ङोंइती राप्‍पाइश्‍शा “लो, लोव़ पावो” दे मदमेनु, मेकोमी आ गुइ हिम्‍शा “सिक्‍सी पा आं लोव़ नेनीने, नेल्‍ल रुप्‍पाइक्‍नन्‍नी” देंमाक्‍त।

प्रेरित 21:35

मिनु सिपाही आन बाक्‍तीके जाक्‍दीश्‍शा, पावल कली कुरशा, तला तारी लदमे बाक्‍त।

प्रेरित 22:2

मारदे हना पावलमी हिब्रू लोव़ पवानु, मेकोपुकी क्‍येङा सिक्‍सी पामे बाक्‍त। प्रेरित २१:४०

प्रेरित 26:14

मोदेंशो छेङछेङ दुम्‍शो तशा, गो नेल्‍ल दिङ दाङ गोल्‍तक। मिनु हिब्रू लोव़ पा आं नें थिशा ‘सावल, सावल आं कली मारदे खेदा पा श्‍येत गेयी? गे आंमा श्‍येत जाइनेवे’ दे लोव़ पशो नेंता।

प्रेरित 6:1

मेना थमा सुइक्‍बपुकी शुश बारना बारन लमा बाक्‍त। ग्रीक लोव़ नु हिब्रू लोव़ पाइबपुकीमी गन गन पाम्‍तेक्‍म। मारदे हना नाक्‍त किंत किंत योक्‍तीक जचा थोव़क मेको आन वोंइश बेक्‍शो मीश मुरपुकीमी ठीक पा मताइबाक्‍तेक्‍म। ग्रीक लोव़ नु हिब्रू लोव़ पाइबपुकी यहूदी बाक्‍तेक्‍म। प्रेरित ४:३८

प्रकाश 16:16

मिनु मेको वोल सांमी रागी रागी ङा पिप ब्रथ लशा, जाक्‍शा, हिब्रू लोव़मी आरमागेडोन माइश्‍शो रागीमी खुम्‍साक्‍म।

प्रकाश 9:11

मेको आन के पिप का बाक्‍त। मेको पिप सु बाक्‍त देंशा हना, दुइश्‍शो, पुं मपाइश्‍शो ढोडोङगा ङा गेय पाइब बाक्‍त। मेको पिप आ नें हिब्रू लोव़मी अब्‍बादोन नु ग्रीक लोव़मी अपोल्‍लीयोन देंनीम। मेको निम्‍फा आस अर्थ चहिं खतम पाइब बाक्‍ब।