प्रेरित 21:34 - Sunuwar Bible

³⁴ मिनु नेल्‍लेमी रेयके पामेनु, लडाइ पाइब आन ठेयब मुरुमी मारेइ रुप्‍ने मचबा बाक्‍त। मोपतीके सिपाही आन बाक्‍तीकेम लाइक्‍चा माल्‍ब, दे लदमे बाक्‍त।

प्रेरित 21:34 ပူးပေါင်းရင်းမြစ်များ

प्रेरित 19:32

दिंममी देल्‍शोपुकीमी कामी लोव़ का, अर्कोमी अर्को लोव़ पा रेयके ला पामे बाक्‍त। तन्‍न मारदे देल्‍शो, मारदे रेयके पशो, मेको लोव़ हुलपुकीमी मारेइ मतुइक्‍तमे बाक्‍त।

प्रेरित 21:37

मिनु तला तारी कुरशा ओंइदमेनु, पावलमी लडाइ पाइब आन ठेयब मुर कली ग्रीक लोव़ रे पा “हजुर, गो लोव़ का निक्‍शी पचा ताइनङा कों?” देंमेनु, मेको छक लाक्‍शा “ओहो, ग्रीक लोव़ यो ब्‍वाक्‍स जोक्‍बाक्‍ते।

प्रेरित 22:24

मिनु लडाइ पाइब आन ठेयब मुरुमी मेकोपुकीमी मोदेंशो मरिम्‍शो पशो तशा, पावल कली आगा ओंइपदा बाक्‍त। मिनु मुरपुकीमी एको मुर कली तशा, मारदे आन जोंब बोक्‍मा, एकोमी मार मरिम्‍शो पवा, दे तुइक्‍चा कली कोर्रामी युक्‍शा, हिल्‍लो पने, दे आ सिपाही आन गुइमी गेमी बाक्‍त।

प्रेरित 22:30

मिनु मेको लडाइ पाइब आन ठेयब मुर “मेको मुर आ दोस मार बाक्‍म?” दे रुप्‍चा माला बाक्‍त। मोपतीके आ दीसा नाक्‍ती ठेयब चढ़ेब नु कछडी बाक्‍ब मुर आन कली खुप्‍पाइश्‍शा, पावल कली आ गुइ ङा साङलो प्रुइश्‍शा लाइश्‍शा, खुम्‍सीशो मुर आन ङोंइती राप्‍पदा बाक्‍त।

प्रेरित 23:10

मिनु आन जिचा बारना बारन लशा, तुम्‍मुचा गोव़मे बाक्‍त। मिनु लडाइ पाइब आन ठेयब मुर “पावल कली साइक्‍नीमी कोर में” दे हिंशा, सिपाही आन कली ब्रेश्‍शा, पावल कली ग्रुंइशा, सिपाही आन बाक्‍तीके लेश्‍शा चाक्‍पदा बाक्‍त।

प्रेरित 23:16

मेको लोव़ पावल आ भानीजमी नेंना बाक्‍त। मिनु सिपाही बाक्‍तीके लशा, पावल कली माल्‍शा ग्रुम्‍शा तुइक्‍पदा बाक्‍त।

प्रेरित 23:32

मिनु आ दीसा खोइलीमी गाक्‍बपुकी यरूसलेम लेम्‍मा बाक्‍त। शारा ङोइक्‍बपुकीमी पावल कली सिजरिया चाक्‍दीत्‍मे बाक्‍त।

प्रेरित 25:26

तन्‍न सिजर कली एको मुर आ पर्बम मार लोव़ ब्रेक्‍चा ङा? आ दोस ग्रुंइने मचबु। मोपतीके मुलाक्‍ती अग्रीप्‍पा सरकार नु हजुर नेल्‍ल इन ङोंइती राप्‍पाइक्‍ता। गो नेल्‍लेमी हिल्‍लो हिक्‍सी पा दोस ग्रुंइताक्‍य हना, सिजर पिप कली ब्रेक्‍शा सोइक्‍ने चाप्‍नुङ।