प्रेरित 21:16 - Sunuwar Bible

¹⁶ सिजरिया ङा थमा सुइक्‍बपुकी यो गो नु गाक्‍तेक्‍म। यरूसलेममी जाक्‍दीश्‍शा, मेको गो नु गाक्‍बपुकीमी मनासोन आ खिंमी बास बाक्‍चा, दे चाक्‍दीत्‍तेक्‍म। मनासोन चहिं साइप्रस टापु ङा बाक्‍माक्‍त। साइ ङोंइती रे ख्रीस्‍त कली थमा सुइक्‍ब बाक्‍माक्‍त।

प्रेरित 21:16 ပူးပေါင်းရင်းမြစ်များ

भजन संग्रह 92:14

मिनु मेकोपुकी शुश बर्स दुम्‍मानु यो, फल सित्‍नीम। मेकोपुकी गिग नु नक ङा नक लीनीम।

हितोपदेस 16:31

बोइश्‍शो चां मान ततीक सिरपेच खोदेंशो बाक्‍ब। मेको ठीक पाइब मुर आन लांम ला थीसीब। हितोपदेस २०:२९

प्रेरित 10:24

आ दीसा सिजरियामी जाक्‍दीम्‍मा बाक्‍त। कोरनेलीयसमी आ मुर, आ वारच आन कली ब्रेश्‍शा, पत्रुस आ लां कोव़शा बाक्‍शो बाक्‍मा बाक्‍त।

प्रेरित 10:48

मिनु मेको आन कली येसु ख्रीस्‍त आ नेंमी ब्‍वाक्‍कुम ख्रुम्‍शा ग्रुंइपदा बाक्‍त। मिनु मेको नक थमा सुइक्‍बपुकीमी पत्रुस कली “नाक्‍त का निक्‍शी गोपुकी नु बाक्‍कीन” दे तेक्‍गमे बाक्‍त।

प्रेरित 11:19

स्‍तीफानस साइक्‍चा पुंइसे नोले खेदा पचा पुंइसीशा, प्रोक्‍शा गाक्‍शो थमा सुइक्‍ब का निक्‍शी फोनीसीया, का निक्‍शी साइप्रस, का निक्‍शी एन्‍टीओक जाक्‍दीश्‍शो बाक्‍मा बाक्‍त। मिनु मेकोपुकीमी येसु आ लोव़ यहूदी आन कली ला शेंदमे बाक्‍त। प्रेरित ८:१-४

प्रेरित 15:39

मिनु बारनाबास लाइक्‍चा, पावलमी मलाइक्‍चा देंतीके मेको आस लोव़ मगारथु, जिशा ब्रासा बाक्‍त। मिनु बारनाबासमी मर्कूस कली लाइश्‍शा, जहाज ङोइश्‍शा साइप्रस लमाक्‍त।

प्रेरित 15:7

मिनु शुश लोव़ पमुमानु, पत्रुस बोक्‍शा “आं लोक्‍बपुकी, नोफा दाइश्‍शा नेनीने, ख्रीस्‍त आ लोव़ ब्रचा गोवानु, परमप्रभु यावेमी अर्को रागी ङा मुर आन कली शेंशा, ग्‍येरपाइक्‍ब लोव़ थमा सुइक्‍पाइक्‍थ, आं कली योव़ती, दे तुइश्‍शो ननी। प्रेरित १०:४४; प्रेरित ११:१५

प्रेरित 21:8

मिनु आ दीसा नाक्‍ती सिजरिया जाक्‍दीश्‍शा तोंइ‍साक्‍क। मिनु ग्‍येरपाइक्‍ब लोव़ शेंब फिलीप आ खिं लशा बाक्‍तक। योव़शो गेय पाइब ७ जना ङा फिलीप का बाक्‍शो बाक्‍त। प्रेरित ६:५; प्रेरित ८:४०

प्रेरित 4:36

मोदेंशो गेब का चहिं योसेफ माइश्‍शो मुर का बाक्‍माक्‍त। मेको योसेफ साइप्रस रागीमी जरमेशो लेवी आ थर ङा बाक्‍माक्‍त। सोइश्‍शोपुकीमी योसेफ आ याइनी नें बारनाबास वोइश्‍शो बाक्‍मा बाक्‍त। बारनाबास देंशो “आन थुं ग्‍येत्‍थ लुक्‍च दुम्‍शो मुर आन कली आन थुं नाइक्‍पाइक्‍ब” दे रुम्‍सीब। प्रेरित ११:२२-२६; प्रेरित १२:२५; प्रेरित १५:२; गलाती २:१कलस्‍सी ४:१०

प्रेरित 8:40

नोले फिलीप अस्‍दोद सहरमी ग्रूदीम्‍माक्‍त। मिनु मेकेर रे गाउं गाउं सहर सहरम येसु आ लोव़ नेंपाइक्‍ना पाइक्‍न गाक्‍शा, सिजरिया सहर जाक्‍दीम्‍माक्‍त। प्रेरित २१:८-९

रोमी 16:7

इं यहूदी जात ङा अन्‍ड्रोनीकस नु युनीयस साइ येसु आ नेंमी गो नु जेल्‍खानम बाक्‍शो नसी। आं क्‍येङा ङोंइती मेको निक्‍शीमी ख्रीस्‍त कली थमा सुइक्‍ताक्‍से। ख्रीस्‍त आ सोइश्‍शो आन दातेमी शुश जोक्‍ब दुम्‍ताक्‍से। मेको आस कली “रिम्‍शो बाक्‍कीसे” दे माइक्‍चा।

फिलेमोन 1:9

तन्‍न गे मुर आन कली दाक्‍शा शिशी पाइनेवे, आं देंशो यो टीनेवे, दे तुइश्‍शा, अधिकार कोंइचा ममाल्‍दी। गो ख्रीस्‍त येसु आ पर्बम जेल्‍खानम चोक्‍चा पुंइसीशो खाल्‍पा पावलमी इ कली इम्‍चीली लोव़ का माइक्‍नन।