प्रेरित 21:14 - Sunuwar Bible

¹⁴ मिनु मलथु मप्रोंइबाक्‍माक्‍त, दे रुप्‍शा, गोपुकीमी “लो, मो हना प्रभु आ दाक्‍शो दुम्‍ल” देंतक। लूका २२:४२

प्रेरित 21:14 ပူးပေါင်းရင်းမြစ်များ

उत्पत्ती 43:14

नेल्‍ल क्‍येङा सक्ति पाइश्‍शो परमप्रभुमी मेको मुर आ ङोंइती इन कली शिशी गेवल। मिनु इन अर्को लोक्‍ब नु बेन्‍यामीन यो सोइक्‍तल। गो श्‍येत जचान माल्‍शो बाक्‍ती हना यो, श्‍येत जङल” दे आ तौ आन कली माइक्‍मी बाक्‍त।

२ राजा 20:19

मिनु हिज्‍कीयाहम यसैया कली “इन देंशो परमप्रभु यावे आ लोव़ रिम्‍शोन बाक्‍ब” देंमाक्‍त। मारदे हना मेकोमी “आं पाला सम्‍म थुं नाइश्‍शा बाक्‍तीक दुम्‍ब” दे मिम्‍ता बाक्‍त। २राजा २२:२०

मत्ती 26:39

मिनु इच्‍का ङोंइती लशा, खुम्‍की पा खपीम बाप्‍शा “आं आफ, दुम्‍ब हना, एको कचौरा आं कली मतूपाइक्‍थु सोइक्‍तीने। तन्‍न आं दाक्‍शो मदुम्‍ल, इन दाक्‍शोन दुम्‍ल” दे प्रार्थना पशा, लेश्‍शा जाक्‍माक्‍त। यूहन्‍ना १८:११; यूहन्‍ना ६:३८; हिब्रू ५:८

मत्ती 26:42

मिनु लेंशा इच्‍का आइक्‍ची लशा “आं आफ, गोमी एको मतूथु सोइक्‍चा मदुम्‍बाक्‍त हना, इन दाक्‍शो दुम्‍ल” दे प्रार्थना पवा बाक्‍त।

मत्ती 6:10

इन राज्‍य जाक्‍ल। स्‍वर्गमी इन दाक्‍शो खोदेंशो पा रागीमी यो मोदेंशोन दुम्‍ला। लूका २२:४२

लूका 11:2

मिनु येसुम “परमप्रभु यावे कली प्रार्थना पनीनु ‘आं आफ, इन नें का ला ठेयब बाक्‍ल। इन राज्‍य जाक्‍ल।

लूका 22:42

“आं आफ, इन दाक्‍शो बाक्‍त हना, एको कचौरा आं कली मतूपाइक्‍थु लतीने। तन्‍न आं पुंइशो मदुम्‍ल, इन दाक्‍शो दुम्‍ल” दे पुना बाक्‍त। मत्ती ६:१०

रूथ 1:18

मिनु नाओमीमी रूथमी आ कली प्रोंइसीन मप्रोंइब, दे तुइश्‍शा, अरु मारेइ मदेंमाक्‍त।

१ सामुएल 3:18

मिनु सामुएलम परमप्रभु यावे आ देंशो लोव़ नेल्‍ल शेंदा बाक्‍त। तेकोइ लोव़ मख्रुइक्‍ता बाक्‍त। मिनु एलीमी “मेको परमप्रभु यावे बाक्‍ब। मेकोम आ दाक्‍शो पवल” देंमाक्‍त। २सामुएल १५:२६