प्रेरित 2:9 - Sunuwar Bible

⁹ मो दुम्‍शो ताइबपुकी ते ते ङा बाक्‍मा बाक्‍त देंशा हना, पारथेस, मेदी, एलाम, मेसोपोटामीया, यहूदीया, कापाडोसीया, पोन्‍टस, एसीया,

प्रेरित 2:9 ပူးပေါင်းရင်းမြစ်များ

उत्पत्ती 10:22

शेम आ तौ चच युइ सु सु बाक्‍मा बाक्‍त देंशा हना, एलाम, अश्‍शुर, अरपक्‍शाद, लूद नु अराम बाक्‍मा बाक्‍त।

उत्पत्ती 14:1

मिनु शिनार ङा पिप अम्राफेल, एल्‍लासार ङा पिप अरयोक, एलाम ङा पिप केदोर-लाओमेर नु गोयीम रागी ङा पिप तिदालम सासन पामे ना, यहोसु १२:२३

उत्पत्ती 24:10

मिनु नोले मेको वाइलम आ होव़प आ दलओंठ १० ओटा लाइश्‍शा, आ होव़प के मारेइ मारेइ रिम्‍शो कोसेली कुरशा लमाक्‍त। मेकेर रे लशा, मेसोपोटामीया रागीमी नाहोर आ बाक्‍तीक सहर, अराम-नहराइम मेर जाक्‍दीम्‍माक्‍त। उत्‍पत्ती ११:२२-३१

२ राजा 17:6

अस्‍सुर ङा पिपमी होशेआम सासन पशो ९ बर्स दुम्‍मेनु, सामरीया कली ग्रामाक्‍त। मेकोमी इस्राएल ङा मुर आन कली ग्‍याइश्‍शा अस्‍सुर लाइक्‍मी बाक्‍त। मिनु मेको आन कली हालाह सहर नु गोजान ङा खोला हाबोर आ नेक्‍था नु मादी आन सहरम वोइक्‍मी बाक्‍त।

१ इतिहास 19:6

मिनु अम्‍मोनीपुकीमी “दाऊद आ ङोंइती मरिम्‍शो पाइतक” दे तुइक्‍तमे बाक्‍त। मिनु हानुन नु अम्‍मोनीपुकीम मेसोपोटामीया ङा अराम-नाहाराइम, अराम-माकाह नु सोबाह रे बग्‍गीपुकी नु शारा ङोइक्‍ब चाक्‍चा कली हजार का टलेन्‍ट चांदी सोइक्‍तमे बाक्‍त। टलेन्‍ट का ३४ किलो बाक्‍ब।

एज्रा 6:2

मिनु मादी रागी ङा ठेयब सहर एक-बतानामी तोल्‍शा वोइश्‍शो ब्रेक्‍स का थित्‍तेक्‍म। मिनु मेको ब्रेक्‍समी मार ब्रेक्‍शो बाक्‍त देंशा हना

यसैया 11:11

मेना परमप्रभुमी आ लीशो मुर आन कली लेंशा प्रोंइशा चाक्‍ब। मिनु ते रे प्रोंइशा चाक्‍ब देंशा हना, अस्‍सुर, इजीप्‍त, पथ्रोस, एथीयोपीया, एलाम, शिनार, हमाथ नु समुन्‍द्र आ नेक्‍था रे प्रोंइशा चाक्‍ब। इजीकीएल ३७:२१-२२

यसैया 21:2

गो हिंचा ङा लोव़ का नेंता। श्‍येत गेबपुकीम श्‍येत ला गेनीम। खतम पोक्‍‍बपुकीमी खतम ला पोक्‍नीमी। एलाम, गे कुवो। गे लशा, मादी रागी ङा मुर पुम्‍दीने। गो मेको आन हुक‍यी पचा तेक्‍नुङ” देंत।

दानीएल 5:28

पेरेस आ अर्थ, इन राज्‍य निक्‍शी दुम्‍शा, मादी नु पारसी आन कली गेशो बाक्‍ब, देंशो रुम्‍सीब। मेको आ अर्थ एको बाक्‍ब” दे दानीएलमी देंत।

दानीएल 8:2

मिनु मेको कोंइतीकेमी गो एलाम रागी ङा सुसा माइश्‍शो ठेयब सहर ङा उलाइ खोला आ नेक्‍था बाक्‍शो बाक्‍ती।

दानीएल 8:20

इ तशो ग्रोव़ निक्‍शी पाइश्‍शो सांड मादी नु पारसी रागी ङा पिप बाक्‍नीस।

प्रेरित 16:6

मिनु परमप्रभु यावे आ सोक्‍तीमी पावल नु आ वारच आस कली एसीयामी शेंचा मगेतीके फ्रिगीया नु गलातीया रागी लमा बाक्‍त। प्रेरित १८:२३

प्रेरित 18:2

मिनु कोरिन्‍थ सहरम बाक्‍मेनु, नक इटाली रे जाक्‍शो अक्‍वीला नें पाइश्‍शो यहूदी नु आ मीश प्रिस्‍कीला आस कली ग्रुम्‍सी बाक्‍त। अक्‍वीला पोन्‍टसमी जरमेशो बाक्‍माक्‍त। मेको निक्‍शी ङोंइती रोम सहरमी बाक्‍शो बाक्‍सा बाक्‍त। तन्‍न क्‍लौदीयस माइश्‍शो रोमी पिपमी यहूदी नेल्‍ल आन कली रोम सहरम बाक्‍चा मगेथु, ग्रुंइशा सोइक्‍तीके गाक्‍शा, कोरिन्‍थ सहरम जाक्‍शो बाक्‍सा बाक्‍त। रोमी १६:३

प्रेरित 19:10

मिनु बर्स निक्‍शी सम्‍म मोपा शेंना शेंन बाक्‍माक्‍त। मोपतीके एसीया ङा यहूदी नु ग्रीक नेल्‍लेमी परमप्रभु यावे आ लोव़ नेंचा तामे बाक्‍त।

प्रेरित 19:27

मोदेंशो दुम्‍शा, इं गेय ला जाम्‍शो ममाइ, इं मानेशो आरतेमीस ठेयब देवी आ मन्‍दीर आ नें यो जाम्‍शा लचा चिक्‍ताक्‍व। मुरपुकीमी मेको कली सेउ पचा प्रोंइचाम्‍तेक्‍मे। साइ एसीयामी बाक्‍ब नेल्‍लेमी ठेयब सेल्‍शा, मान पना पन बाक्‍शो नमी, मुल मारेइ मान मलीब” दे आन थुं खुरपाइक्‍मी बाक्‍त।

प्रेरित 19:31

एसीया रागी ङा सरकार आ गेय पाइब ङोंइती ङा आ वारचपुकीमी यो “मेक लचा मदुम्‍ब, है” दे लोव़ नेंपाइक्‍थ मुर सोइक्‍तमे बाक्‍त।

प्रेरित 2:8

गालील ङा मुरपुकीमी दोपा इं लोव़ नेल्‍ल ब्‍वाक्‍स जोक्‍ग्‍मे माइ?” देंमुमा बाक्‍त।

प्रेरित 20:16

पावलमी “पेन्तीकोस चाड मानेचा कली यरूसलेम जाक्‍दीत्‍चा माल्‍ब। मोपतीके लांमी मग्‍योल्‍चा, एसीयामी मनाइक्‍चा। एफिससमी यो मनाइक्‍चा” देंतीके मनाइक्‍थु गाक्‍तक। प्रेरित १८:२१

प्रेरित 20:18

मिनु मेकोपुकी जाक्‍मानु, पावलमी मेको आन कली “नेल्‍ल क्‍येङा ङोंइती इन एसीया रागी जाक्‍ङा रे मुल सम्‍म गेपुकी नु बाक्‍शा, गो मार शेंदन्‍नी दोपा लां कोंइदन्‍नी, दोपा गेपुकी नु बाक्‍ङा, मेको नेल्‍ल तुइक्‍नीनी। प्रेरित १८:१९; प्रेरित १९:१०

प्रेरित 20:4

पावल नु काथा गाक्‍ब सु सु बाक्‍मा बाक्‍त देंशा हना, बेरोइया ङा पुरोस आ तौ सोपाटेर, थिस्‍सलोनीकी सहर ङा अरीस्‍तारकस नु सेकुन्‍दस, डेरबे ङा गायस, तिमोथी, एसीया ङा तिखीकस नु त्रोफीमस बाक्‍मा बाक्‍त। प्रेरित १७:१०; प्रेरित १९:२०; प्रेरित १६:३; एफिसी ६:२१; प्रेरित २१:२९

प्रेरित 21:27

मेको चोव़खेतीक ७ नाक्‍त दुम्‍चा चिक्‍तानु, यहूदीपुकी एसीया रे जाक्‍शा पावल कली ग्‍याइक्‍तमे बाक्‍त। मेकोपुकीमी पावल कली परमप्रभु यावे आ खिंमी बाक्‍शो तशो बाक्‍मा बाक्‍त।

प्रेरित 24:18

गो चोव़खो दुम्‍शा, परमप्रभु कली मार मार चढ़ेङानु, मेकोपुकीमी परमप्रभु यावे आ खिंमी ततीमी। मेना गो आं का ला बाक्‍शो नङ। मुर आन कली पोक्‍शा, मरिम्‍शो यो मपङ। मोदेंशो एकोपुकीमी यो मतशो बाक्‍नीम। प्रेरित २१:२७

प्रेरित 27:2

सिजरिया रे लशा, अद्रामीत्‍तीयम जाक्‍दीश्‍शा, एसीया लाइब जहाज ङोइश्‍शा लाइतक। मासीडोनीया ङा थिस्‍सलोनीकी रे जाक्‍शो अरीस्‍तारकस पावल आ वारच का यो गोपुकी नु लत। प्रेरित २०:४

प्रेरित 6:9

मिनु लिबेरती माइश्‍शो ग्रुम्‍तीक खिं नु साइरेनी, अलेकजेन्‍द्रीया, सिलीसीया नु एसीया रे जाक्‍शो शेंबपुकीमी स्‍तीफानस नु जिशो बाक्‍तेक्‍म।

प्रेरित 7:2

स्‍तीफानसमी “आं आफ, बाजे नु आं लोक्‍बपुकी, गो लोव़ का निक्‍शी पाइनुङ। दोपा छेङछेङ नु सक्ति पाइश्‍शो परमप्रभु यावेमी इं किकी पिपी अब्राहाम कली तपांइसे, गो मेको नेल्‍लेमी तुइक्‍नय। उत्‍पत्ती ११:- ५०:-; यहोसु २४:३२

रोमी 16:5

आस खिंमी देल्‍ब थमा सुइक्‍ब नेल्‍ल आन कली यो “रिम्‍शो बाक्‍कीन” दे माइक्‍चा। आं दाक्‍शो एपेनेतस कली “रिम्‍शो बाक्‍को” दे माइक्‍चा। एपेनेतस एसीया रागी ङा नेल्‍ल क्‍येङा ङोंइती ख्रीस्‍त कली थमा सुइक्‍ब बाक्‍ब।

१ कोरिन्‍थी 16:19

एसीयाम बाक्‍ब थमा सुइक्‍बपुकीमी इन कली “रिम्‍शो बाक्‍कीन” देंतेक्‍म। अक्‍वीला, प्रिस्‍कीला नु आस खिंमी ग्रुम्‍ब थमा सुइक्‍बपुकीमी प्रभु आ नेंमी “रिम्‍शो बाक्‍कीन” देंतेक्‍म। प्रेरित १८:२; रोमी १६:३,६

२ कोरिन्‍थी 1:8

आंइ दाक्‍शो लोक्‍बपुकी, एसीया रागीमी बाक्‍कानु, शुश श्‍येत जाइतक। श्‍येत जचा आ पर्बम लोव़ मख्रुइक्‍थु, तुइक्‍पाइक्‍नन्‍नी। आंइ जशो श्‍येत मार बाक्‍ब देंशा हना, बेक्‍चा ङा सम्‍म दुम्‍शो नकी। प्रेरित १९:२३-४०; १कोरिन्‍थी १५:३२

ब्‍यवस्‍था 23:4

मारदे हना गे इजीप्‍त रे ग्रूनीनु, मेकोपुकीमी जचा थोव़क नु ब्‍वाक्‍कु कुरशा इन कली ग्रुम्‍थ मपीम। मिनु मेकोपुकीमी यो इन कली सराप पचा, दे बेओर आ तौ बालाम मेसोपोटामीया आ नेक्‍था ङा अराम-नाहाराइम ङा पेथोर सहर रे क्‍येट गेशा ब्रेत्‍ताक्‍म। गन्‍ती २२:५-६

२ तिमोथी 1:15

नेल्‍ल एसीया ङा मुरपुकीमी आं कली प्रोंइतीमी दे तुइक्‍नेवे। मेको आन दातेमी फीगेलस नु हेरमोगेनेस बाक्‍नीसी। २तिमोथी ४:१६

१ पत्रुस 1:1

गो येसु ख्रीस्‍त आ सोइश्‍शो पत्रुस नङ। एको चिठी पोन्‍टस, गलातीया, कापाडोसीया, एसीया नु बिथीनीया रागीम ब्रशा बाक्‍शो इस्राएल रागी ङा थमा सुइक्‍ब, इन कली ब्रेक्‍ताक्‍न्‍नी। हिब्रू १३:१४

प्रकाश 1:11

मेको सेंदामी आं कली “मार मार ताइनेवे, मेको नेल्‍ल कागजम ब्रेक्‍तो। मिनु ब्रेक्‍शा ङा मिन, एसीया ङा ७ ओटा सहर ङा येसु ख्रीस्‍त कली थमा सुइक्‍ब आन ग्रुम्‍तीके ङा मुर आन कली सोइक्‍तो। मेको ७ ओटा सहर चहिं एफिसस, स्‍मिरना पेरगामोम, थिआटीरा, सारडीस, फिलाडेल्‍फीया नु लाओडीसीया नम” देंत।

प्रकाश 1:4

गो यूहन्‍नामी एसीया ङा येसु ख्रीस्‍त कली थमा सुइक्‍ब ७ ओटा सहर ङा थमा सुइक्‍ब आन ग्रुम्‍तीके ङा शेंब आन कली चिठी ब्रेक्‍ताक्‍ङ। मिनु मुल बाक्‍ब, ङोंइती बाक्‍शो, नोले यो जाक्‍बमी नु परमप्रभु यावे आ ठेयब नित्‍तीके आ ङोंइती बाक्‍ब ७ ओटा ठाउं ङा परमप्रभु यावे आ सोक्‍तीमी इन कली “शिशी तशा नु थुं नाइश्‍शा बाक्‍चा तामेक्‍ल” देंताक्‍स। प्रस्‍थान ३:१४-१५; प्रकाश ३:१; प्रकाश ५:६

न्‍यायाधीस 3:8

मिनु परमप्रभु यावेमी इस्राएली आन कली तशा गाइक्‍ता बाक्‍त। मिनु मेसोपोटामीया ङा अराम-नहाराइम ङा पिप कुशन-रिशातैम आ गुइमी लेयङा बाक्‍त। मेकोम इस्राएली आन कली ८ बर्स सम्‍म सासन पवा बाक्‍त।