प्रेरित 2:45 - Sunuwar Bible

⁴⁵ रू, मारेइ लेयङमेनु, सु सु आन कली माल्‍मा, मेको आन कली योक्‍शा क्‍येट गेशा वारच पाइबाक्‍मा बाक्‍त।

प्रेरित 2:45 ပူးပေါင်းရင်းမြစ်များ

भजन संग्रह 112:9

मेकोपुकीमी हाइश्‍शो थुं पा प्रुङग आन कली मार मार गेम्‍तेक्‍म। मेको आन ठीक पतीके गेना हना यो लीब। मेको मान ताइब बाक्‍नीम। २कोरिन्‍थी ९:९

हितोपदेस 19:17

सुमी प्रुङग कली शिशी पा गेबा, मेकोमी परमप्रभु यावे कली गेब। मिनु परमप्रभु यावेमी मेको कली नेल्‍ल लेप्‍ब। हितोपदेस १४:३१; भजन संग्रह ४१:२-४; दानीएल ४:२४; मत्ती ५:७; मत्ती २५:४०; २कोरिन्‍थी ९:६

मत्ती 19:21

येसुमी “मेको ङा लाक्‍शा पचा दाक्‍तावी हना, लशा इ शोंप नेल्‍ल लेयशा, जचा फेक्‍चा मताइब आन कली योक्‍शा गेमी। मिनु लेश्‍शा, आं नोले खोइय्‍यी। मो पाप्‍तीवी हना, इ कली स्‍वर्गम शोंप वोइश्‍शो बाक्‍ब” देंत। मत्ती ६:२०; लूका १२:३३

लूका 16:9

मोपतीके गे यो निप्‍स पाइश्‍शो गेय पा वारचपुकी सेलीने। इन शोंप क्‍येट मारेइ मारेइ यो मथीब आन कली शिशी पा गेतीनी हना, परमप्रभु यावेमी इन पशो खोदेंशो पा गेब” देंमाक्‍त। लूका १४:१४; मत्ती ६:२०; मत्ती १९:२१

लूका 18:22

मिनु येसुमी “नेल्‍ल पाप्‍तीवी, का चहिं मपवी। इ शोंप नेल्‍ल लेयशा, क्‍येट मथीब आन कली योक्‍शा गेमी। मिनु आं नोले खोइय्‍यी। मिनु इ शोंप स्‍वर्गम बाक्‍ब” देंमाक्‍त। मत्ती ६:२०

लूका 19:8

मिनु जक्‍कैमी प्रभु कली खिंम ओंइशा “हे प्रभु, आं शोंप क्‍येट नेल्‍ल उइक्‍थ पा योक्‍शा, मथीब आन कली गेनुङमी। सु सु कली हिम हिम पा मार मार ताक्‍गु, मेको आन कली ४ खेयप तेम्‍शा लेश्‍शा गेनुङमी” देंमाक्‍त। प्रस्‍थान २१:३७; इजीकीएल ३३:१४-१६

प्रेरित 11:29

अन्‍काल दुम्‍ब देंशो तुइश्‍शा, एन्‍टीओक ङा थमा सुइक्‍बपुकीमी “यहूदीया रागीमी बाक्‍ब थमा सुइक्‍ब आन कली वारच पाइक्‍चा माल्‍ब, मोपतीके क्‍येट पोक्‍य” देंमा बाक्‍त।

प्रेरित 4:34

मोपतीके श्‍येत जाइब का यो मबाक्‍मा बाक्‍त। मारदे हना रू खिं थीबपुकीमी रू खिं का निक्‍शी लेयशा, क्‍येट चाक्‍शा, प्रेरित २:४५

प्रेरित 4:35

मेको १२ जना सोइश्‍शो आन कली गेशा, सु सु कली माल्‍मा, मेको आन कली योक्‍शा गेचा नमी, दे गेबाक्‍मा बाक्‍त। मिनु मेकोपुकीमी योक्‍बाक्‍मा बाक्‍त।

२ कोरिन्‍थी 9:1

मेको क्‍येट पोक्‍चा आ पर्बम इन कली लेंशा शेंचा ममाल्‍नुङ।

२ कोरिन्‍थी 9:9

मार ब्रेक्‍शो बाक्‍त, देंशा हना “मेकोमी वांचेर ब्‍वारब, प्रुङग आन कली गेब। मेको आ ठीक पशो गेना हना यो लीब” दे ब्रेक्‍शो बाक्‍ब। भजन संग्रह ११२:९

१ यूहन्‍ना 3:17

सुमी शुश शोंप थिशा यो, लोक्‍ब आन कली श्‍येत जशो तशा “गो मारेइ मगेनुङ” दे मिम्‍बा, मेको मुर आ थुं रे परमप्रभु यावे आ गेशो दाक्‍तीक सक्ति यो जाम्‍शा लाइब। ब्‍यवस्‍था १५:७; १यूहन्‍ना ४:२०