प्रेरित 2:22 - Sunuwar Bible22 मोपतीके इस्राएल ङा लोक्बपुकी, आं लोव़ नेनीने। परमप्रभुमी नासरथ ङा येसु कली योव़शा, सक्ति पाइश्शो गेय, चिन्ड नु छक लाक्चा ङा गेय इन दातेमी कोंइपाइक्तु। मेको गे यो तशो तुइश्शो बाक्नीनी। အခန်းကိုကြည့်ပါ။ |
प्रेरित 2:22
42 ပူးပေါင်းရင်းမြစ်များ
मिनु फिलीपमी नथानेल माइश्शो मुर कली ग्रुम्शा, मेको कली “मोसामी नु परमप्रभु यावे आ लोव़ पाइबपुकीमी यो परमप्रभु यावे आ सोइश्शो का आ पर्बम ब्रेक्शो बाक्तेक्म। मिनु गोपुकीमी मेको कली ग्रुम्तक। मेको नासरथ सहर ङा योसेफ आ तौ येसु बाक्माक्त” दे नथानेल कली देंत। यसैया ५३:२; ब्यवस्था १८:१८; येरमीया २३:५; इजीकीएल ३४:२३
मिनु पावल कली ग्याइश्शा, मेकेर बाक्ब मुर आन कली “इं इस्राएली, नेल्ल कोव़थ पिन, है। गो आंइ ग्याइश्शो मुर तेइ तेइ हिरशा, नेल्ल मुर आन कली इं यहूदी आ पर्बम मरिम्शो लोव़ पशो बाक्त। इं अरेशो मपचा, दे दूली शेंबाक्त। परमप्रभु यावे आ खिं आ पर्बम शुक्शी लोव़ पाइक्बाक्त। मोशो ला ममाइ, अर्को रागी ङा ग्रीक आन कली परमप्रभु यावे आ खिंमी लाइश्शा ओंइशा, ग्रांग्रा दिशो सेल्शो आंइ मिक्चीमी ताइतक” दे शुश रेयके पा दोस गेमे बाक्त। प्रेरित ६:१३; इजीकीएल ४४:७
गे ला ममाइ, तन्न इं इस्राएल ङा मुर नेल्लेमी रुप्चा माल्नीम। मेको खोइल मदुक्ब मुर नासरथ ङा येसु ख्रीस्त आ नें ब्रशा साशा गाक्ने चाप्ब दुम्माक्त, दे रुपीने। मेको नासरथ ङा येसु ख्रीस्त कली गेपुकीमी शीमी केप्शा कांटी थोक्शा क्याइक्पाइश्शा साइक्पाइक्तीनी। तन्न परमप्रभु यावेमी मेको कली बेक्शो रे सेंताक्व। प्रेरित ३:६,१३-१६
ကြော်ငြာတွေ